týsdagur 11. februar 2014síða 16

februar 2014 Á ársins Copenhagen Fashion Week hevur Skálkur keypt inn vørur til heystið 2014. Umframt at keypa inn av teimum vanligu, vælumtóktu merkjunum, so fer Skálkur eisini at hava eitt nýtt merki í handlinum. – Samsøe & Samsøe hevur gjørt eitt spildurnýtt merki, sum kallast We Are Copenhagen, stytt WAC. Hesi klæðini eru bíligari enn vanligu Samsøe & Samsøe klæðini, og prísirnir liggja á sama støði sum Jack & Jones. Stílurin er tann eyðkendi Samsøe & Samsøe men við einum tvisti av street, greiðir Hávardur í Stórustovu frá. Kovboybuksur fara framhaldandi at gera seg galdandi innan mannfólkamótan í heyst. – Tær sita meira at, og fleiri av kovboy­ buksunum hava strekk í, soleiðis at tær sita at, men erus samstundis behagiligar at vera í. Einaferð fyrr var rættiliga modernað við svørtum og gráum kovboybuksum, og tað er nakað, sum kemur aftur og verður at síggja í heystmótanum, greiðir Hávardur í Stórustovu frá. Umframt vanligu kovboubuksurnar so kunnu vit eisini vænta framhaldandi at síggja sokallaðar chinos í mótamyndini 2014. – Chinos-buksurnar hava verið ógvuliga væl umtóktar, og tær hava selt væl her í handlinum. Onkur vil vera við, at chinos hava toppað, men eg haldi, at tær eru komnar fyri at verða. Í hvussu so er í eina góða tíð afturat, sigur Hávardur í Stórustovu og vísir á, at chinos eru so væl dámdar, millum annað tí tær kunnu brúkast til pent brúk og í tí vanliga gerandisdegnum. Til buksurnar verða bæði t-shirts og skjúrtur nýttar. – Tað, sum eyðkennir t-shirtirnar, er serliga tað ymsa prenti, sum er á. Eitt nú prent við kendum tónleikarum so sum Kurt Cobain og David Bowie er longu rættliga modernað, og slíkar t-shirts fara vit framhaldandi at síggja, sigur Hávardur í Stórustovu. Eins og við konufólkamótanum eru sneekers ein umráðandi partur av mótamyndini í heyst. – Sneekers verða framhaldandi nógv at síggja. Fleiri av teimum verða rættiliga villir og flipputir við til dømis einum sterkum liti sum neon á, men tað fer eisini at bera til at fáa teir meira diskretu og við róligum litum, sigur Hávardur í Stórustovu. Sum altíð fær Skálkur eina rúgvu av jakkum til heystið. – Leðurjakkar í biker-stíli halda fram við at vera modernaðir. Annars vera tað ráir jakkar við onkrum smáum detaljum, sum rigga væl til kovboybuksur. Eisini trenchcoats og nógvir lættir dýnujakkar við ektaðum dúni fara at koma í handilin, sigur Hávardur í Stórustovu. Sneekers, leðurjakkar og jeans við strekk Heystmótin 2014 í Skálki verður millum annað eyðkendur av frískum og festiligum sneekers, leðurjakkum og slim-fit kovboybuksum. – Vit vita eftirhondini, hvat føroysku mannfólkini vilja hava. Hóast teir ofta velja ta tryggu loysnina, so eru tað alsamt fleiri, ið hava hug til at royna okkurt nýtt, og tað endurspeglar heystvøran, sum verður at síggja í Skálki longu frá juli mánaði, sigur Hávardur í Stórustovu, leiðari í Skálki