týsdagur 11. februar 2014síða 17

februar 2014 – Litirnir myrkt grønt, cognac litur, blátt og vínreytt var at síggja innan øll merkini, sum vit plaga at hava í Margerita. Heystmótin verður diskretur og stílfullur, sigur Aibritt á Plógv. Fleiri av merkjunum, sum eru at finna í Margerita, eru í tveimum sokallaðum linjum – eini bíligari og einkultari linju, og so tí dýraru og annar­leiðis linjuni. – Í Margerita er denturin fyrst og fremst lagdur á basisvørur, men so hava vit eisini onkur fínari og øðrvísi pløgg, sigur Aibritt á Plógv. Í heyst koma fleiri ymisk sløg av jakkum í Margerita. – Sum nakað nýtt fara vit at fáa úlpurnar frá IQ Berlin, sum hava verið rættiliga væl umtóktar í londunum rundan um okkum. Afturat teimum so koma eisini ymiskir, tunnir dýnujakkar og trenchcoates, greiðir Aibritt á Plógv frá. Eitt, sum verður nógv frammi í heyst, er leður. – Vit koma at hava leðurbuksur, leðurjakkar og niðurdeilar úr leðri, sigur Aibritt á Plógv og heldur fram: – Niðurdeilar úr leðri verða tað heilt stóra, og fleiri av hesum kjólunum koma niður um knæ og eru rættiliga víðir, men sita at um miðjuna og mjadarnar, sigur Aibritt á Plógv. Umframt IQ Berlin verða eisini fleiri onnur nýggj merki at síggja í Margerita. – Vit fáa eitt kent, klassiskt merki, sum kallast Hope. Merkið er serliga kent fyri smartar, leysar klædningsbuksur og tær serstøku skjúrturnar, sum eru einkultar men hava onkrar fittar detaljur, sigur Aibritt á Plógv. Eisini koma nýggj skógva- og taskumerki. – Vit fáa skógvar frá The Last Conspiracy og taskur av merkinum Yvonne Koné, sum hava verið nógv frammi í Danmark, sigur Aibritt á Plógv. Klassiski stílurin við lekrum smálutum Tað verða teir myrku litirnir, sum vera at síggja í Margerita í heyst. – Vit leggja okkum eftir at hava klæðir til gerandisdagin og til fínari brúk, og tað endurspeglar heystmótin 2014 eisini, sigur Aibritt á Plógv, sum eigur klædnahandilin Margerita