hósdagur 13. februar 2014síða 38

Blaðnr. 19 · 14. februar 2014 6 VIKUSKIFTI Sjónleikur Niels Uni Dam nud@sosialurin.fo Tónleikurin í sjónleikinum Tóm Rúm, ið hevur frumframførslu leygarkvøldið, er skaptur av kønum ungum hondum. Tróndur Bogason, ið er konservatoriu útbúgvin tónasmiður, hevur skrivað tónleikin, og spælt hann inn saman við einum toymi av okkara bestu tón­ leik­arum. Tónleikurin, ið eins og leikurin er nýskrivaður, hava Tróndur Bogason, Jóhannes Andreasen, Ólavur Olsen, Angelika Nielsen, Andrias Restorff og Jón McBirnie spælt inn í Studio Bloch. Røddirnar eiga Eivør Pállsdóttir og Ólavur Jákupsson, ið vit kenna úr Gestum og Orka. Frælsi at skapa Tróndur Bogason hevur verið í Før­oy­ um og arbeitt við at skriva og taka upp tónleikin. Hann hevur í hesum ar­beiðið arbeitt saman við leikstjóra, ljóð- og ljós­fólk­inum á Tjóðpallinum. Men upp­ gávan hevur verið rættiliga frí, sigur Tróndur. – Móti endanum eru komnar nakrar meira spesifikkar uppgávur, so sum sirkus tónleikur t.d., men tað er tann minni parturin, fyri tað mesta hevði eg rættu­liga stórt frælsi, sigur Tróndur. Yndisligur tónleikur Jenny Petersen, stjóri á Tjóðpallinum dylir ikki yvir, at hon er spent at bjóða fólki til leikin, og at hon er sera nøgd við tónleikin, ið Tróndur hevur kompo­ nera. – Hann hevur gjørt so yndisligan tónleika til leikin, sigur Jenny væl nøgd, nú frumframførslan stendur fyri durðum. Rithøvdundurin Marjun Syderbø Kjelnæs er eisini sera fegin bæði um sam­starvið við Trónd og við úrslitið. – Ja, mær dámar ordiliga væl tón­ leikin. Tróndur byrjaði at senda mær tón­leik, tá eg sat og skrivaði síðstu senur­nar. Eg brúkti tað til stemnings­ tón­leika undir skrivingini. So tað gav mær eisini íblástur. Tað er fantastiskt at ar­beiða saman við onkrum, og fáa íblástur frá teimum, sigur Marjun. Hon heldur tó ikki, at hon altíð duga so væl at greitt frá, hvat hon vildi hava, tí hon ikki er tónleikari sjálv, men her hevur Tróndur duga sera væl at skilt henn­ara ofta kryptisku viðmerkingar. – Tá eg t.d segði, at tað skuldi ljóða, sum um tað kom innanúr einum klaveri, so visti hann, hvat eg meinti, sigur Marjun. Komponisturin sjálvur er eisini nøgdur: – Eg eri væl nøgdur. Eg havi gott nokk ikki hoyrt endaliga úrslitið, tí eg fór av landingum, áðrenn alt var liðugt ljóð­blandað, men eg náddi at hoyra nøk­ur boð frá Jón McBirnie, og ivist ikki í, at tað verður gott Eitt stórt navn Tróndur Bogason er kendur innan kompositión og hevur serliga innan fyri klass­iskan tónleik ment seg til eitt veru­ligt stórt navn. Hann hevur verið í upp­skoti til tónleikavirðisløn Norður­ landa­ráðsins tríggjar ferðir, seinast í 2010 fyri verkið »Butterfly«, í 2008 fyri verkið »Investigations of a dog« og í 2006 fyri verkið »Seven musicians«. Framleiðari og tónleikari Men Tróndur hevur somuleiðis ferðast nógv innan popp og rokk, bæði sum fram­leiðari, tónleikari, sangari og kompo­nistur. Hann hevur givið fløgur út við bólkum sum MC-Hár, Lucination, The Paper, kórinum mpiri, eins og hann eisini luttekur á útgávum og spælir í bólkinum hjá konu sínari Eivør Pálsdóttir. Sum framleiðari hevur Tróndur arbeitt við nøvnum sum Teiti, Eivør, Hanusi G. Johansen, Guðrið Hansdóttir, Dánjali á Neystabø og Kristel Lisberg. Tróndur var somuleiðis tónasmiður á stóra sangleikinum »Audition«, ið Føroya Studentaskúli setti upp í Norður­landa­húsinum í fyrra árið. Men tað var nógv øðrvísið enn hetta, sigur Tróndur: – Í einum sangleiki, sum Audition, dikterar tónleikurin søgugongdini so ella so. Øll handlingin verður sungin, og ein ávís scena tekur tað tíð, sang­ ur­in tekur, grovt sagt. Í Tóm Rúm er tón­leik­urin meira eitt supplement til handlingina. Hvussu úrslitið er eydnast kunnu vit upp­liva á Tjóðpallinum frá leygar­ kvøld­inum. Tóm Rúm Nú leygarkvøldið er frumsýning av leikinum Tóm Rúm á Tjóðpalli Føroya. Hetta er nýskrivaður leikur eftir Marjuna Syderbø Kjelnæs. ið telist millum okkara bestu yngru rithøvundar. Marjun sigur sjálv, at hon ristist við tankan og er ræðslusligin fyri frumframførsluni við nýggjum tónum Eitt drama um lívið og kærleikan Leikurin er eitt sonevnt eksistensielt drama um lívið og kærleikan, vónloysið og vónina. Ein leikur um Familjuna og rúmini í húsinum, um at missa og koma til sættis við missin og framtíðina, er tann heldur kryptiska lýsingin av leikinum. Hon og hann, spæld av Anniku Johannessen og Annfinni Heinesen, liva sítt lív í ávíkavíst hjúnarkamarinum og tí tóma barnakamarinum, har minnini og fortíðin og tær gomlu leikurnar eru einasta innbúgv. Meðan hann vil fjala seg í minnunum og eini vón um okkurt hinumegin, so roynir hon at bróta upp úr nýggjum og koma víðari. Fortíðin leggur seg uppí, og knappliga er tað trygga fundamentið ikki sterkari enn ridlandi barnastólar. Tey leita í leikinum Tóm Rúm. Kaga í skuffur og minni, lata upp og læsa aftur, trilva og tiga. Kanska er tað tómt handan forhangið, og kanska er einki loynirúm við arvasynd. Men ber tað til at feira heimleysa sirkuslívið? Ber tað til at skapa sær eitt glopp, eitt tómrúm, har mann fær livað og andað? Tað er Eyðun Johannessen ið leik­ stjórnar, afturat sær at gera pallmynd og búnar hevur hann eysturríkaran Manfred Blaimauer, ið eisini gjørdi pallmyndina til “Meðan vit bíða eftir Godot” í 2011. Árni Baldvinsson er ljósdesignari og Jón McBirnie hevur gjørt ljóðmyndina, Tróndur Bogason tónleikin, meðan Vígdis Hentze Olsen er komin til Føroyar at koreografera. Á pallinum síggja vit føroyskar leikarar, vit ikki vanliga síggja saman á palli, búsettir í og uttanfyri Føroyar. Tey eru Annika Johannessen, Annika Hoydal, Annfinnur Heinesen, Hjálmar Dam og Nicolaj Falck. mynd: Heinesen Myndir