hósdagur 27. februar 2014síða 48

20 nr. 2 I 28. februar 2014 Vinnublaðið hjá Miðlahúsinum kkara fokus er nú vinnan. Vit savna okkara virksemi og tænastur um vinnuna. Tað sigur Christian Nagata, stjóri í Nema, sum síðsta fríggjadag boðaði frá, at felagið frá í dag at rokna ger nakrar munandi broytingar í strategi felagsins. – Vit broyta nú fokus frá vanliga brúkararnum til vinnuna, sum er tað, sum vit eisini hava best skil fyri, sigur Christian Nagata. Tað var í 2007, at fleiri feløg løgdu saman í samtakið Nema. Fyrstu árini koyrdu feløgini undir fleiri nøvnum, men í 2010 varð alt lagt undir Nema. Broytingin, sum nú verður framd, er sambært stjóranum til tess at tryggja bestu tænastuna til føroyskar fyritøkur, stovnar og kommunur. Í Havn verður handilin umbygdur, so hann betri kann tæna fyritøkum og stovnum, og handin í Saltangará letur aftur. Í Klaksvík verður handilin eisini broyttur, eins og í Havn, men talan er als ikki um, at handilin í Klaksvík letur aftur, leggur Christian Nagata dent á, tí har verður Nema framvegis væl umboðað á Stangavegnum. – Har fara ráðgevarar, mennarar og supportarar at røkta vinnukundarnar. Á Skálafjørðinum verða kundarnir framhaldandi røktaðir úr deildinum í Klaksvík og Tórshavn, sigur Christian Nagata. – Nema er kent fyri at veita tænastur til fyritøkur og stovnar, og tað er her vit vilja leggja okkara fokus í framtíðini, so vit kunnu veita tær røttu tænasturnar og veitingarnar til okkara kundar. Við at taka okkum av privatmarknaðinum kunnu vit leggja alla okkara orku í júst hetta arbeiðið, sigur Christian Nagata. Í Havn verður virksemið miðsavnað á Smyrilsvegnum. – Soleiðis skulu kundar okkara merkja meira synergi millum okkara virkisøki, sigur hann. Í næstum verður handilin umbygdur til framsýningarhøli við innbúgvi, skrivstovuútgerð og kt-útgerð. – Frameftir verða kundarnir sjálvandi vælkomnir inn á gólvið, antin tað er at royna og síggja tað nýggjasta og besta innan innbúgv og tøkni, ella tað er at keypa skrivstovuútgerð. Tað er eingin loyna, at Nema samtakið hevur koyrt tungt øll árini. Eginong felagsins er farin úr 71 milliónum krónum niður í 37 milliónir krónur. Harvið er um helmingurin av eginpeninginum mistur. – Jú, tað er rætt, at úrslitini ikki hava verið nøktandi. Tá tú leggur fyritøkur, sum hesar saman, og marknaður broytist so ógvusliga, sum hann hevur gjørt fyri okkum, so fáa vit eina stóra avbjóðing, sigur Christian nagata. Hann vísir á, at tey beint eftur samanleggingina rendu seg í kreppuna, sum nú er um at hæsa av. Broytingarnar, sum tey framdu í 2010 hjálptu upp á støðuna, men nú er keypimynstrið so nógv broytt, at ein slík fyritøka, sum Nema noyðist at leggja á annan bógv. Christian Nagata vísir við dømum, hvussu nógv keypimynstrið er broytt: – Fyrr seldur vit nógvar teldur og aðra kt-útgerð til privatkundan. Í dag er tað púra vanligt, at fólk sjálvi keypta sínar teldur, iPaddar og iPhone'ir uttanlands ella tollfrítt í Kastrup. Tað merkja vit sjálvandi á søluni. Vinnukundin er loyalari, hann hevur ein annan tørv – og honum tørvar meira tær tænastur, sum vit kunnu bjóða, heldur enn privatkundin, sigur Christian Nagata. Sum annað dømi nevndi stjórin í Nema, at meðan tey fyri nøkrum árum síðani seldu telduspøl og líknandi fyri eina milliónaupphædd, so er hendan sølan farin niður á null, tí kundin keypir slíkt á netinum í dag. – Hatta eru bara dømi um broytingar, sum vit mugu fyrihalda okkum til. Vit kunnu siga tað sama um software – um telduforrit, ið eisini verða keypt og downloadað á netinum, sigur hann. Her kann nevnast, at til dømis seldu tey nógvar Office pakkar frá Microsoft til privatkundar. Hesin pakkin kostaði fyri nøkrum árum síðani fleiri túsund krónur. Nú kann privatkundin sjálvur heinta hann av netinum, meðan vinnan í størri mun kann keypa hann á netinum ígjøgnumm Nema, sum hevur heildarloysnir til vinnuna, sum hevur tørv á størri pakkum. Alt hetta hevur ført til, sigur Christian Nagata, at fyritøkan nú leggur á annan bógv. – Og tað gera vit við at broyta strategiina soleiðis, at vit nú venda okkum beinleiðis til vinnuna, sigur Christian Nagata. Nema broytir strategi Nemahandlarnir, sum vit kenna teir í dag, fara í søguna. Orsøkin er eitt neyvari fokus á vinnukundarnar Eirikur Lindenskov O