mánadagur 3. mars 2014síða 4

Mánadagur 3. mars 2014 · Nr. 26 4 Sosialurin Hugskot og viðmerkingar – send sms til 225000 Jón Brian Hvidtfeldt – Avgerðin um, hvar heilsu­ deplarnir skulu vera, verður tikin í vár. Og tí haldi eg tað sjálvandi vera skilagott at bíða við at byggja lækna­ miðstøð beint nú. Tað sigur Karsten Han­ sen, landsstýrismaður í heilsu­málum, sum er komin í rættu­ligt klinsj við borgar­ stjóran í Vestmanna. Yvirskipaða ætlanin hjá landsstýrismanninum er orðað í heilsunýskipanini, og leggur hon upp til at skipa landið í 5-7 heilsudeplar, ið skulu veita fleiri av teimum tænastum, sum í dag liggja inni á sjúkrahúsunum. Heilsunýskipanin, sum Karst­en Hansen legði fram í november í fjør, skal vera grund­arlagið undir tí um­skipan av heilsu­verk­ in­um, ið sambært lands­ stýris­manninum skal geva føroyingum betri heilsu fyri somu pengar. Men yvirskipaða ætlanin kemur tvørt fyri í Vestmanna, har tey í longri tíð hava fyri­reikað seg til at byggja eina nýggja læknamiðstøð. Mikukvøldið í síðstu viku skuldi bygdaráðið endaliga samtykkja at bjóða arbeiðið út. – Jú, alt fyrireik­ingar­ar­ beiðið er liðugt, og klárt er at bjóða arbeiðið út. Eftir ætlan skuldi nýggja lækn­ amiðstøðin vera liðug um ársskiftið, sigur Pauli T. Peter­sen. Sambært borgarstjór­an­ um er talan um eina byggi­ ætlan fyri millum fimm og seks milliónir krónur. Í mið­ støðini skulu vera høli til lækna, tannlækna og onn­ur heilsustarvsfólk hjá komm­ ununi. Ráðini Men fyribils er øll ætlanin sett á standby. Lokala ætlanin um læknamiðstøð kemur tvørt fyri í yvirskipaðu ætl­ anini um heilsudeplar. – Týsdagin fingu vit at vita, at landsstýrismaðurin fyrsta dagin fer at gera av, hvar í landinum heilsudeplar skulu byggjast. Heilsumálaráðið metti tað tí vera skilabest, um vit steðgaðu eitt sindur á við okkara ætlan, sigur Pauli T. Petersen. Út frá hesi áheitan valdi borgarstjórin at gera sína tulking av støðuni: – Boðini frá Heilsu­mála­ ráð­num í vikuni kunnu illa skiljast øðrvísi enn at eingin av hesum heilsudeplum verð­ ur bygdur í Vestmanna, sigur Pauli T. Petersen. Borgarstjórin leggur tó í sama viðfangi dent á, at talan var ikki um eini boð úr Heilsumálaráðnum, og at kommunan hevur frælsi til at gera, sum henni lystir. Kortini valdi kommunan at taka áheitanina úr lands­ stýrinum til eftirtektar og fyribils steðga á. – Talan er um eina stóra íløgu, so vit fáa illa handlað øðrvísi enn at steðga út­ bjóðingini, nú alt gjørdist púra óvist, sigur Pauli T. Petersen. Í Heilsumálaráðnum held­ur Karsten Hansen fast um síni góðu ráð til komm­ ununa: – Vit arbeiða við at skipa landið í 5-7 sterkar eindir við hvør sínum heilsudepli. Avgerðin um, hvar deplarnir skulu liggja, verður tikin í vár. Og tí haldi eg tað vera skilagott at bíða við at byggja, til tann avgerðin er tikin, sigur Karsten Hansen. Landsstýrismaðurin vil ikki hava sitandi á sær, at hann steðgar nakrari ætlan um at byggja læknamiðstøð í Vestmanna. – Tann avgerðin liggur sjálvandi hjá Vestmanna Komm­unu, sigur Karsten Hansen og endurtekur argu­ mentið um tað skilagóða í at bíða eftir avgerðini um heilsudeplarnar. Samstarv Landsstýrismaðurin í heilsu­ málum sigur seg longu hava tosað við fleiri kommunur, og hann sigur seg somuleiðis vera fúsan at tosa við Vest­ manna Kommunu. – Eitt høvuðsendamál við heilsudeplunum er sam­starv. Samstarv mill­ um kommunurnar, og sam­ starv millum læknar og heilsu­starvsfólk annars. Vit skulu skapa nakrar góð­ ar og sterkar eindir, har tað eisini er attraktivt at arbeiða, sigur Karsten Han­ sen og minnir á, hvussu trup­ult tað nógvastaðni er at manna verandi komm­ unu­l­æknastørv. Karsten Hansen ásannar, at avgerðin um hvar heilsu­ deplarnir skulu liggja, í síðsta enda liggur suverent hjá landsstýrismanninum í heilsumálum. – Men eg fari so at leggja meg eftir, at hetta skal gerast í góðum samstavi við kommunurnar, sigur Karsten Hansen. Í Vestmanna er borgar­ stjórin hinvegin farin at óttast, at avleiðingin av heilsu­nýskipanini hjá Karst­ en Hansen sum frálíður verður, at bygdin missir sín lækna. Pauli T. Petersen vísir á, at verandi umstøður hjá kommunulæknanum í bygdini eru ikki nøktandi, og endamálið við at byggja nýggja læknamiðstøð eru sjálvsagt at bøta um hesar umstøður. – Men verður avgerð tik­ in um at heilsudeplarnir skulu vera aðrastaðni enn her í Vestmanna, so beri eg ótta fyri, at vit sum frálíður fara at missa okkara kommunulækna í bygdini, sigur Pauli T. Petersen og leggur afturat, at eftir hans­ ara tykki er avgjørt grund­ arlag fyri einum komm­ unulækna í økinum, ið fevn­ir um bæði Vestmanna og Kví­ vík. Landsstýrismaðurin í heilsu­málum vil enn ikki seta staðarnøvn á, hvar heilsu­deplarnir koma at vera. Avgerðin verður ikki tikin fyrr enn í vár, og tí vil Karsten Hansen heldur ikki útihýsa nakrari kommunu frammanundan. Heldur ikki Vestmanna. – Nei, í princippinum kann ein heilsudepil eisini liggja í Vestmanna. Men enn hava vit ikki tikið avgerð um, hvar deplarnir skulu vera. Og tí er tað, at eg haldi tað vera rættast hjá Vestmanna Kommunu at lata vera við at fara út í eitt byggjarí, sum kanska kemur at síggja heilt øðrvísi út um nakrar mánaðir. Tað er so bara mín meining um málið, sigur Karsten Hansen. TÍÐINDI Í november í fjør legði Karsten Hansen fram eina heilsunýskipan. Har skrivar landsstýrismaðurin í heilsumálum millum annað soleiðis: »Mín áskoðan er, at vit eiga at skipa landið í einar 5-7 sterkar eindir við hvør sínum heilsudepli. Á heilsudeplunum skulu allar tær kanningar og viðgerðir, sum kunnu fara fram uttanfyri sjúkrahúsini, fara fram. Á heilsudeplunum fer dentur at verða lagdur á at veita og menna heilsufremjandi og sjúkufyribyrgjandi tilboð, kanningar, veitingar og ráðgeving til borgaran. Ein stórur partur av heilsuveitingunum til borgarar við varandi sjúkum og eldri skal fara fram í heilsudeplunum«. Fakta Ætlanin hjá Karsten Hansen um at skipa 5-7 heilsudeplar kring landið møtir mótstøðu í Vestmanna, sum vil byggja nýggja læknamiðstøð. – Eg óttist, at vit sum frálíður missa okkara kommunulækna, sigur Pauli T. Petersen, borgarstjóri, sum í tólvta tíma steðgaði útbjóðing Heilsunýskipan steðgar læknamiðstøð Karsten Han­sen, landsstýrismaður í heilsu­málum Pauli T. Petersen, borgarstjóri í Vestmanna