hósdagur 13. mars 2014síða 18

Fríggjadagur 14. mars 2014 · Nr. 31 18 Sosialurin Hugskot og viðmerkingar – send sms til 225000 Teitur Teitur Lassen hevur ferðast um allan heim við sínum tónleiki, síðani hann í 2003 gav út fløguna “Poetry & Aeroplanes”. Hann hevur vunnið eina ørgrynnu av Danish Music Awards virðislønum, og eina ørgrynnu av Planet Awards virðislønum seinastu árini, umframt at tónleikur hansara hevur vunnið frama í USA og aðrastaðni við. Í 2013 gav hann út fløguna “Story Music”, og hevur í hesum sambandi enn einaferð verið nógv at hoyrt í føroysku loftmiðlunum. Teitur er tilnevndur til Ársins Sangara, Ársins bólk/ einstakling, til Ársins Sang við lagnum “Rock And Roll Band”, og til Ársins Fløgu við fløguni “Story Music”. Høgni Reistrup Høgni Reistrup byrjaði sína tónlistarligu karrieru í 2007, tá ið hann gav út fyrstu fløguna “Hugafar á ferð”. Síðani hevur hann útgivið tríggjar fløgur, “Trý fet frá tilveruni” (2010), “Samrøður við framtíðina”(2011), og í 2013 gav hann út fløguna við heitinum “Áðrenn vit Hvørva”. Hetta er ein meira elektrokend fløga, og tískil heldur øðrvísi enn tað, ið vit áður hava hoyrt frá Høgna Reistrup. Hann er tilnevndur til Ársins Sangara, Ársins Fløgu við “Áðrenn vit hvørva”, Ársins Bólk/Einstakling. Døgg Nónsgjógv Døgg Nónsgjógv var bert 17 ár, tá ið hon í 2013 framførdi egin løg í Norðurlandahúsinum saman við Hans Jacob Kollslíð. Í 2013 gav hon út tvey løg á Itunes. Tey eru “Tú tók mína hond” og “Tú ert hjá mær”. Døgg er tilnevnd til Ársins Songkvinnu og Ársins Sang við “Tú tók mína hond” og Ársins Nýggja Bólk/ Einstakling Knút Háberg Eysturstein Knút Háberg Eysturstein hevur í mong ár verið ein virkin tónleikari, sangskrivari og diskari, umframt, at hann í dag tekur tónleikaútbúgving á Lærda Háskúlanum í Keypmannahavn. Í 2004 gav Knút sína fyrstu fløgu út við heitinum “Havsglóð”. Í 2009 kom fløgan “The Desert Holds A Flower” og í 2013 “On High”. Knút er tilnevndur til Ársins Sangara. Jens Marni Hansen Føroyski rokkarin Jens Marni Hansen hevur seinastu mongu árini verið nógv at hoyrt í føroyska tónleikaheiminum í bólkum sum All That Rain, Kjølar og Showmen, og seinastu árini undir egnum navni. Í 2008 hittaði hann í Føroyum við fløguni “The Right Way”, og í 2013 gav hann út fløguna “Anywhere You Wanna Go”. Jens Marni er tilnevndur til Ársins Sangara. Hallur Joensen Hallur Joensen, ella countrykongurin, hevur sett sín dám á føroyska country heimin síðani 2008, tá ið hann gav sína fyrstu fløgu út við heitinum “Pickin’ Time In Nashville”. Fløgan, ið varð tikin upp í Nashville, gjørdist mest selda fløga í Føroyum í 2008. Síðani hevur hann givið út tríggjar fløgur. “Smile” í 2009, “Enn stendur hurð mín opin” í 2011 og “With Stars & Legends í 2013. Hallur er tilnevndur til Ársins Sangara og Ársins Fløgu við fløguni “With Stars & Legends”. Greta Svabo Bech Greta S. Bech er fyrsti føroyingurin, sum varð tilnevnd til eina Grammy Virðisløn fyri hennara luttøku í sanginum Raise Your Weapon hjá Deadmau5. Hon hevur síðani fingið stóra viðurkenning uttanlands, og hevur millum annað skrivað eitt lag til altjóða songkvinnuna Cher, sum nevnist “My Love”. Í 2013 gav hon út tvey stakløg, “Shut Up & Sing” og “Broken”, og hon er tilnevnd til Ársins Songkvinnu, Ársins Sang við “Shut Up & Sing”, Ársins Nýggja Bólk/Einstakling og Ársins Bólk/Einstakling Guðrið Hansdóttir Guðrið Hansdóttir gav í 2007 út sína fyrstu fløgu við heitinum “Love is dead”. Í 2009 kom fløgan “The sky is opening”, og í 2011 “Beyond the Grey”. Saman við Janusi Rasmussen hevur Guðrið í 2013 staðið á odda fyri nýggja elektrobólkinum Byrta. Guðrið er tilnevnd til Ársins Songkvinnu, og hevur áður vunnið fleiri virðislønir til Planet Awards. Swangah Bólkurin Swangah er stovnaður av nøkrum ungum dreingjum, sum eru vaksnir upp í sama grannalag, uppi í Svanga í Havn. Swangah Dangah gav út sína fyrstu fløgu í november 2011. Næsta útgávan “Undirgangstónar” bleiv útgivin 28.06.13, og við hesari útgávu broytti og stytti bólkurin navn sítt til Swangah. Bólkurin er tilnevndur til Ársins Bólk/Einstakling og fløga teirra “Undirgangstónar” er tilnevnd til Ársins Fløgu. Guðrun Pætursdóttir Háberg Indie pop duoin Guðrun&Bartal hevur seinastu árini verið nógv at hoyrt í Føroyum, og í 2013 góvu tey bæði út fløguna “Vónin er”. Áður hava Guðrun&Bartal spælt við øðrum kendum bólkum, sum til dømis Bet You Are William. Guðrun er tilnevnd til Ársins Songkvinnu. Laila Carlsen og Flamma Laila Carlsen hevur verið virkin songkvinna í mong ár. Laila hevur áður útgivið fløgur saman við systrum sínum, og í 2013 gav hon út fløgu saman við bólkinum “Flamma”, har Laila er oddakvinna saman við Maluni Eyðunsdóttir og Ann Chanett Danielsen. Laila er tilnevnd til Ársins Songkvinnu, og bólkurin Flamma er tilnevndur til Ársins Nýggi Bólkur/Einstaklingur. Poppbólkurin