hósdagur 13. mars 2014síða 46

6 Mentanarblaðið hjá Miðlahúsinum 1 • 14. mars 2014 í baksýni Februar og mars Barður Jákupsson í listasavninum 1. februar læt framsýning hjá Bárði Jákupsson upp í Listasavni Føroya. Kinna Poulsen skrivaði: »Tað eru ikki minst tær leikandi løttu vatnlitamyndirnar, sum eru góðar fyri sinnið, ið eg viðmæli øllum at fara at hyggja at í Lista­savninum hetta vikuskiftið. Men millum oljumálningarnir hjá Bárði Jákupsson í listasavninum eru eisini fleiri meistaraliga góðir. Upp­livingin kann tykjast eitt sindur ógvuslig, tað kann vera gott at avmarka seg sjálva sum áskoð­ ara. Tak eina einstaka mynd til dømis og hygg at henni í eina góða løtu, hálvan tíma ella so. Tí tað megnar myndin og tá dugir áskoðarin kanska at síggja ta øgiligu styrkina í myndini, uttan at upplivingin imploderar av hinum myndunum rundanum.« Vetrarmorgun vann í Berlin 14. februar fekk Vetrarmorgun hjá Sakaris Stórá stóru Grand Prix virðislønina í Generation 14plus kategoriini fyri besta stuttfilm. Altjóða dómsnevnd, mannað av Laura Astorga Carrera, Jan Soldat og N. Bird Runningwater (tey eru films­leik­stjórar, síðstnevndi er frá Sundancefestivalinum) søgdu millum annað soleiðis um avgerð sína: »Í einum lítlum av­byrgdum oyggjasamfelag í Norður­ atlants­havi, royna tvær gentur at reisa seg ímóti fortreð av stig­ mati­seringini. Fyri hansara erligu og beisku presentatión av viður­skiftunum millum hesar báðar bestu vinkonurnar, vil dóms­ nevndin fegin geva ein serligan prís fyri besta stuttfilm.« Finsk list í Norður­landahúsinum 2. februar lótu heili tríggjar fram­sýningar hjá ávikavist Stein­ prenti (Outi Heiskanen, Anna Seppälä og Ilona Raipala), Titu Vinther og Terike Haapoja upp í Norður­landa­húsinum. Installasjónin COMMUNITY eftir Terike Haapoja er fimm video projeksjónir og ljóð. Í hvørjum video, sum er tikið upp við hitaleitandi infrareyðum kamera, sæst hvussu eitt djór kølnar eftir deyðan. Í prossessini hvørvur myndin av djórinum spaku­liga, sum kroppurin gevur frá sær hitan. Áskoðarnir, sum savnast kring installasjónirnar, ger­ ast partur av gongdina, sum varir millum tveir og fimm tímar. Pekka Kuusisto í Norðurlanda­hús­inum Í sambandi við finsku vikuni í Norður­landahúsinum hevði Pekka Kuusisto kon­sert saman við Føroya Symfoni­orkestri leygar­kvøldið 8. februar. Pekka Kuusisto er finskur violin­úr­mæl­ ingur og vann tónlista­virðis­løn Norður­landa­ráðsins í 2013. Tóm rúm á Tjóðpalli Føroya Leygardagin 15. februar hevði leikurin Tóm rúm eftir Marjun Syderbø Kjelnæs heims­frum­sýning á Tjóðpalli Føroya. Dorit Hansen skrivaði: »Tað regnar við orðum, og fløðir við dansi. Nýggi poetiski leikurin Tóm rúm, sum Marjun Syderbø Kjelnæs hevur skrivað og Eyðun Johannessen leikstjórnað, er næstan ov væl ílatin á Tjóðpallinum, men sterkir høvuðsleikarar halda leikinum uppi í einum eksistentiellum stríði at finna virðir í meinings­loysinum.« Tróndur Patursson í Steinprenti 7. mars læt framsýning upp í Steinprenti. Verkini hjá Tróndi Patursson gera okkum var við ókendar síður av veruleikanum. Hann ger okkum var við okkurt, sum er eins fremmant sum alheimsins endaloysi er okkum fremmant. Í hvussu so er tað stórfingna her, tí vit kunnu ikki stýra okkara egnu hugsanum og kenslum, tá vit standa í ella framman fyri einum av listaverkunum hjá Tróndi Patursson, og á tann hátt fer hansara list nærum út um alt listarligt mark. Leyvið haldi eg Nýggj bók hjá Tóroddi Poulsen. Í ár eru liðin júst 30 ár síðani, Tóroddur Poulsen gav út sítt fyrsta yrkingarsavn Botnfall. Í februar kom ein nýggj tvímælt bók hjá honum út, LEYVIÐ HALDI EG / LØVET TROR JEG, sum er hansara fimta útgáva á danska forlagnum Edition After Hand. Hann hevur skrivað yrkingarnar á føroyskum og síðani hevur hann enduryrkt tær á donskum. Tóroddur Poulsen er innstillaður til Bókmentaheiðursløn Norðurlandaráðsins fyri bókina Fjalir.