mánadagur 17. mars 2014síða 4

Mánadagur 17. mars 2014 · Nr. 32 4 Sosialurin Hugskot og viðmerkingar – send sms til 225000 tíðindi Marjun Dalsgaard Fleiri kritiskar røddir hava verið frammi um, at bú­fólk­ ini á Psykiatriska Deplinum ikki fáa framíhjárætt at flyta inn í sambýlið, Eystan Heyg. Í vikuskiftisblaðnum prent­aði Sosialurin samrøðu við Karsten Hansen, Heilsu­ mála­ráð­harra og Tormóð Stórá, leiðandi yvirlækna á Psykiatriska Deplinum. Báð­ir finnast teir at, at tey 15 liðugtviðgjørdu fólkini, sum enn eru fastbúgvandi á Psykiatr­iska Deplinum, ikki fáa framíhjárætt til sambýlið Eystan Heyg. Sambýlið varð upp­runa­liga bygt til hesi fólk­ini, siga teir. Men Annika Ol­sen, landsstýriskvinna í al­ man­namálum hvørki vil ella kann geva teimum fram­í­hjá­ rætt. - Eg kann ikki avgera, hvør skal inn í sambýlið. Tað má vera tann borgarin, sum er ringast fyri, sum slepp­ ur inn í sambýlið. Tað eru ikki politikarar, sum skulu av­gera tað, men ein visita­ tións­nevnd við fak­fólki, sigur Annika Olsen og legg­ ur aftrat: - Eg havi sum politikari skyldu at tryggja, at tað er tann borgarin, sum hevur størsta tørvin, sum sleppur inn í sambýlið. Eitt sindur av rætt­ar­trygd má vera. Av tí sama sigur land­ stýris­kvinnan seg ikki hava heimild til at geva hesum 15 bú­fólk­unum framíhjárætt, tí byggi­samtyktin frá 2011 loy­v­ ir øðrum at búgva har. Lógin varð broytt Annika Olsen er ei heldur samd í, at íbúðirnar Eystan Heyg vórðu gjørdar ser­liga til tey, sum búgva á Psykiatr­ iska Deplinum. - Eg dugi ikki at síggja nakra­staðni, at sambýlið skal vera bygt til akkurát hesi fólk­ini, sigur hon. Tað stóð upprunaliga í lógar­tekstinum, at íbúðirnar skul­du byggjast til fólkini, sum høvdu fastan bústað á Psykitr­iska Deplinum. Lógin varð broytt í 2011, tí hildið var, at tað var skeivt at skriva í eini lóg, hvør skuldi búgva í sam­býlinum. - Tað tóktist eitt­sind­ ur fýrkantað, at avgera við lóg, hvør skuldi búgva í sambýlinum, tí hvat nú um tey ikki høvdu hug ella vórðu skikkað at búgva har, sig­ur Tormóður Stórá. Summi av búfólkunum hava búð so leingi á Psykiatr­ iska Deplinum, at tey eru stovns­gjørd og tí ikki kenna seg trygg við at flyta. Tormóð Stór­á ásannar, at tað er so, men sigur seg kortini sakna eina trygd fyri, at tey 15 fáa eitt heim uttanfyri depilin nú. - Ein psykiatriskur depil er ikki at stað, har fólk skulu búgva, sigur hann. Tað, at bú­ fólk­ini á Psykiatr­iska Depli­ num ikki fáa framí­hjá­rætt, ger, at hann óttast, at tey aldr­in koma út. Mugu virða sjálvsavgerðarrættin Landstýriskvinnan í al­ manna­málum leggur dent á, at hon vil gera alt fyri at loysa trupulleikan við teim­ um fastbúgvandi fólkunum á Psykiatriska Deplinum, men hon kann ikki lova, at tey øll flyta av deplinum. - Vit mugu virða sjálvs­ av­gerð­arrættin hjá hesum fólku­num. Tað er møguligt, at ikki øll vilja flyta. Vit kunnu ikki fara at tvangsflyta fólk - tann tankin býður mær øgi­ liga nógv ímóti, sigur lands­ stýris­kvinnan og leggur aftrat: - Hesi fólkini mugu hand­ farast við stórsta varsemi. Ser­liga, tá hugsað verður um teirra søgu - tey eru tvangs­ flutt fyrr. Vit kunnu ikki gera tað einaferð aftrat, sig­ ur Annika Olsen. Hon sigur, at tað ræður um at finna tað bestu loysn­ ina fyri øll. - Tað er møguligt, at okkurt annað tilboð er bet­ur fyri summi av hesum fólku­ num, tað má visita­tións­ nevnd­in avgera, sigur hon. Bæði Tormóður Stórá og Sirið Stenberg, løg­tings­ kvinna fyri Tjóðveldið, sum setti skrivligan spurn­ingin til Anniku Olsen, við­víkj­andi hvør skal búgva í sam­býli­ num, hava sagt, at tey ótt­ast, at einki meira hendir á hes­ um økinum, tí fleiri peng­ar ikki eru játtaðir til býli til fólk við sálarligum av­bjóð­ ing­um. Hesum nýtast tey ikki at ótt­ast, sigur Annika Olsen. - Pengar eru longu sett­ir av til hesi fólkini á fíggj­ar­ lógini - pengar sum fara til Psykiatr­iska Depilin í dag, og við teimum kann man utt­an iva gera okkurt fyri hesi fólkini uttanfyri depilin, sig­ur hon. Skulu út - Vit eru øll samd um, at hesi fólkini skulu út av Psykiatr­ iska Deplinum. Heilsu­mála­ ráð­harrin, Karsten Hansen, og eg eru samd um at fara undir eina tilgongd, har vit trygg­ja øllum, sum ynskja tað, at tey fáa ein betur bú­ stað, sig­ur Annika Olsen. Hon vil gjarna lova, at tey, ið ynskja tað, sleppa at flyta úr úr Psykiatriska Deplinum, men hon vil ikki at seta eitt tíðs­punkt fyri nær. - Nú er visitatiónsnevndin sett, og hon skal taka støðu til, hvat er besta loysnin fyri hesi fólkini, sigur Anni­ ka Olsen. Hon væntar, at nevndin tekur avgerð um, hvør skal búgva í sam­býli­ num hósdagin 20. mars. Har­ aftr­a­t fer nevndin møguliga at koma við einum tilmæli um, hvat skal gerast fyri tey, sum ikki fáa bú­stað Eystan Heyg. Ikki politisk avgerð Tað eigur ikki at vera ein politisk avgerð, hvør skal búgva Eystan Heyg. Eitt sindur av rættartrygd má vera, sigur landsstýriskvinnan í almannamálum, Annika Olsen - Eg havi sum politikari skyldu at tryggja, at tað er tann borgarin, sum hevur størsta tørvin, sum sleppur inn í sambýlið. Eittsindur av rættartrygd má vera Bakgrund Sirið Stenberg, løgingskvinna fyri Tjóðveldi, setti 11. mars 2014 skrivligan spurning til Anniku Olsen, landsstýriskvinnu í almannamálum, um hvørji fólk skulu hava bústað á nýggja sambýlinum fyri sálarsjúk, sum verður bygt í Havn. Í svarinum skrivar Annika Olsen, at tað er ein upptøkunevnd, sum skal taka avgerð um, hvør fær bústað í nýggja sambýlinum. Hetta hevur fingið fleiri løgtingslimir, landstýrismannin í heilsumálum og leiðandi yvirlæknan á Psykiatriska Deplinum, Tormóð Stórá, at staðfesta, at sambýlið upprunaliga varð bygt til tey fólkini, sum enn hava fastan bústað á Psykiatiska Deplinum, hóast at tey eru liðugtviðgjørd. Haraftrat siga tey seg óttast, at hesi fólkini ongantíð koma út av Psykiatriska Deplinum, um tey ikki gera tað nú.