týsdagur 18. mars 2014síða 11

11 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 19. mars 2014 · Nr. 33 Rúsevnismisnýtsla hava nóg mikið. Tað var sum at koma inn í eina bløðru, har tú kendi øll fólkini í um­ hvørv­inum. Tosaðu í kotum Peter og hansara vinfólk vóru varug við, at løgreglan helt eitt vakið eyga við teim­ um. Tí tosaðu tey í kotum, tá tey ringdu og spurdu, um nakað hassj var at fáa fatur á. Millum annað kallaðu tey hassj fyri Hanus. – Vit ringdu og spurdu, um tey kendu Hanus? Ella um Hanus var har? Peter hevði annars ongan­tíð ætlað sær at roykt hassj. Hann hevði tveir vina­ flokkar, har annar flokkurin tók stóra frástøðu frá rús­ evnum. – Vit plagdu at siga, at um nakar okkara royndi rús­ evnir, so skuldu vit hølva við­kom­andi av. So býtt hildu Peter og tann parturin av vina­skarðanum tað vera. – Í hinum vinaflokkinum høvdu teir roykt hassj í eini tvey ár, áðrenn Peter visti um tað. Teir vistu, hvat eg helt um tað, og tí royktu teir ikki, tá eg var har, sigur Peter, sum tó endaði við at royna at roykja hassj – og so gekk skjótt skeiva vegin. Hevur roynt tað mesta Eftir at hava roykt hassj, kom Peter framat harðari rús­evnum. – Eg føldi, at eg hevði brúk fyri øðrum. Hassj er doyv­andi, og alkohol gevur timbur­menn. So eg vildi royna okkurt villari, sigur Peter, sum hevur roynt næst­an alt, sum er at royna av rús­evnum. – Ecstasy, speed, kokain, svampar, crack-kokain, reksar Peter upp og sigur so: – Eg haldi, at tað einasta, eg ikki havi roynt, er heroin. Hørð rúsevni góvu mær orku. Eg føldi, at eg kundi gera 100 ting í senn, sigur hann. Peter greiðir frá, at hann var bundin at bæði hassji og hørðum rúsevnum. – Fólk, sum eru mis­nýt­ arar, duga væl at krógva tað. Eg roykti ikki um morgunin, fór til arbeiðis, men fekk mær ein guv sum tað fyrsta, tá eg kom heim. Eg var eis­ ini bundin at hørðum rús­ evnum, hóast eg bara tók tað um vikuskiftini. 300.000 krónur upp á rúsevni – Eg arbeiddi altíð. Millum annað sigldi eg við einum línubáti. Vit tjentu omanfyri 300.000 krónur tað eina árið. Eg megnaði at brúka allar pengarnar teir fáu dagar­nar, eg var heima. Tá eg var um­ borð, royndi eg at fáa vin­ menn at hava rúsevni klár, tá eg kom heim, so eg átti niðurfyri. Tað gleddi eg meg til. Og tá eg ikki var rúsaður, so hugsaði eg bara um, at eg mátti hava nokk. Nokk av rúsevnum til í morgin. Ikki fyrr enn eg hevði nóg mikið, slappaði eg av. Slapp burtur úr øllum Peter gjørdist so tengdur av rúsevnunum, at hann sum 31 ára gamal valdi at smugla rúsevni til Føroya. Komin til Danmarkar úr Hollandi, fekk hann kokainpakkarnar úr endatarminum. – Vit vaskaðu teir væl og virðiliga. Tóku eina rúgvu av tí, men pakkaðu tað so um í smærri posar. Danskararnir, sum vildu til Føroya, fingu kaldar føtur, tí vit frættu, at løgreglan hevði fingið fræn­ir av, at vit høvdu verið í Hollandi. So eg valdi at smugla alt einsamallur til Før­oya, fortelur Peter, sum síðani svølgdi tíggju pakkar av kokaini. – Brast bara ein teirra í maga­sekkinum, so hevði eg doyð á staðnum, fortelur Peter, sum møtti løgregluni sum tað fyrsta, tá hann trein úr flog­farinum í Føroyum. – Tá eg sá løgregluna rakn­aði eg við. Tá hugsaði eg, hvat er tað, tú gert. Tá tók eg avgerðina um, at nú kundi vera nokk. Eg hevði brot­ið øll míni mørk, og tað kundi ganga heilt galið, sigur Peter, sum kortini einki segði við løg­regluna um tað, hann hevði í búkinum. Peter varð kannaður í báðum endum, sum hann tekur til, men har var einki at finna. Hann fekk eisini boð um at gera burtur av sær í ein posa, men heldur ikki tað gav úrslit. Hóast Peter hevði tikið avgerð um, at nú skuldi hann sleppa sær burtur úr rús­ evnamisnýtsluni, var hann í eini tvístøðu. – Eg hevði rúsevnini hjá danskarunum, sum skuldu seljast, men eg vildi ikki, at tað skuldi koma út millum fólk, tí eg visti, hvat tað kundi gera við fólk. Men dansk­ar­arnir kravdu sína pengar, og komu til Føroya eftir teimum. Hesa tíðina tók Peter fleiri gramm av kokain um dagin, svarandi til 5000 ella 6000 krónur. – Hetta var ikki stuttligt. Eg vildi ikki av við rúsevnini, en eg hevði ongar pengar at geva danskarunum, sum høvdu ein mann við úr Dan­ mark, sum segðist vera úr Hells Angels. Teir skuldu hava 40.000 krónur. Peter Chodziuk fekk at enda fortalt fyrst einum vin­manni, og síðani mammu síni. Hesi fingu hjálpt Peter við bæði pengum og á rætta kós, soleiðis at hann í dag bæði turrlagdur og ikki hev­ ur nortið rúsevni síðani. Peter Chodziuk varð avlurtaður av løgregluni, sum visti um alt hansara virksemi við rúsevnum, har hann umframt at taka sjálvur eisini seldi til onnur. Peter skuldi tí inn at sita í eitt ár. Í dag er hann tó komin burtur úr øllum. Hann er giftur Rannvá, sum hann hitti eftir at hann byrjaði at ganga í Getzemane. rolant@sosialurin.fo Peter livir í dag eitt púra vanligt lív saman við konuni Rannvá Mynd: Frans Jensen