mánadagur 24. mars 2014síða 18

Mánadagur 24. mars 2014 · Nr. 35 18 Sosialurin Hugskot og viðmerkingar – send sms til 225000 ítróttur Jóannes Hansen Eftir tvey umfør hevur B36 fult stigatal. Fríggjakvøldið vóru líkindini so mikið vána­ lig, at tað bar ikki til at spæla á Argjum. Tíðliga seinna­ partin leygardagin bar betri til, hóast lotið var rættiliga frískt. B36 vann 2-1, og stóri mað­ urin millum sigurs­harr­arnar var miðvallarin Róaldur Jakobsen, sum skoraði bæði málini. Merkisvert var tað, at bæði málini vórðu skorað úr stórari fjarstøðu. Hitt fyrra við framúr fluktara úr 25 metrum, og hitt seinna av brots­teigarmarkinum. Lítla løtu undan steðg­ inum javnaði Jobin Dranga­ stein fyri AB eftir innlegg úr vinstru frá Beiniri Ellefsen. Tá kendist tað sum um, at AB var omaná, men eftir steðgin var tað aftur B36, sum stýrdi. Róaldur Jakobsen var sum vera man fegin, tá ið dómarin hevði bríkslað fyri síðstu ferð. – Tað er ikki á hvørjum degi, at eg skori tvey mál og haraftrat við langskotum. Eg eri væl nøgdur, og sjálvandi hevur tað alt at siga, at vit hava vunnið øll stigini í tætt­ ari uppgerð undir ikki serliga góðum umstøðum, sigur Róaldur Jakobsen. Hvussu upplivdi tú málini? – Tað fyrra var úr 25 metrum. Bólturin varð klarer­aður av baklinjuni og datt í boga fyri føturnar á mær. Tá ið eg smekkaði til, hevði bólturin fyrst kós mitt í málið, men so snarðai hann út ímóti stólpanum. Í seinna førinum var tað eftir fína frí­ spæling frá Adeshina Lawal. Í 1. hálvleiki hevði B36 eis­ ini betri tak á, hóast heima­ liðið hevði vindin undan. AB venjarin Bill Jacobsen heldur seg hava frágreiðingina upp á, hví tað vignaðist betri hjá gestunum enn hjá heima­ liðnum: – Teir hava fleiri royndir, enn okkara menn hava. Teir vita, hvat tað snýr seg um, og teir hava spælarar, ið evna at varðveita bóltin, hóast um­ støðurnar ikki eru góðar. Eg hugsi her um eitt nú Jákup á Borg, Lukasz Cieslewich og Adeshina Lawal. Vit gjørdu mis­tøk í verjuspælinum, og tað sektaðu teir. Í Róaldi høvdu teir mannin, sum av­ gjørdi. Vit kunnu ikki annað enn staðfesta, at teir vóru omaná hesa ferð, og so mugu vit mánadagin fara at venja meiri, segði AB venjarin. Hvussu mundi tað verið, um meiri spurdist burturúr, tá ið Cristian í Garði legði væl innfyri? – Tað kunnu vit ikki brúka til nakað uttan tað, at vit kunnu fegnast um, at vit spældu okkum til onkrar møgu­leikar. Róaldur Jakobsen var samdur við AB venjaranum: – Tað líkaði okkum væl, at vit í 1. hálvleiki høvdu vindin ímóti. At teir skoraðu dygst undan steðginum harmaðust vit um í eina løtu, men so tóku vit okkum saman aftur, og eg haldi, at vit í 2. hálvleiki arbeiddu væl og nógv í øllum ketunum. Tað bar sigurin við sær, og tað fegnast vit um. joannes@sosialurin.fo Jóannes Hansen Tað endaði 1-1 á Svangaskarði, har B68 leygardagin hevði vitjan av favorittunum í EB/ Streymi. Seks minuttir undan steðg­inum legði miðvallarin Niels Pauli Danielsen EB/ Streym framum eftir langa fram­legg­ing og eitt sindur tøv­andi B68 verjuspæl. Støðan helt sær, inntil tað restaði eitt korter. Tá javnaði B68. Í fyrstu atløgu varð hild­ið, at tað var vongverjin Bergur Gregersen, sum hevði skorað eftir frísparks­fram­ legging frá stinna mið­verj­ anum Mads Rosenberg, men sambært dómaraseðlinum var tað EB/Streyma lið­for­ maðurin Gert Hansen, sum bólturin rakti í høvdið á veg í málið. Útjavnandi málið kom ikki óvart á, tí tá hevði B68 í eina góða løtu verið tætt við. Í álopinum vóru sera skjótu Jonleif Højgaard og Esmar Clementsen, sum er komin úr B71. Uppskriftin hjá B68 var at leggja bóltar fram um verjuna, so teir báðir kundu kapprenna við EB/Streyma miðverjuna, og í fleiri førum eydnaðist tað. Tá ið dómarin bríkslaði fyri síðstu ferð, var tað týð­ uligt, at heimamenninir vóru fegnir, meðan teir í gesta­ leguni ikki vóru nøgdir: – Vit eru ikki nøgdir við hetta. Úrslitið kunnu vit ikki finnast at, tí B68 stóð seg væl. Men vit eru misnøgdir við okkum sjálvar. Ætlanin var at taga spælið sundur og at leypa á í borðunum. Tað eydn­aðist ikki, og harvið var tað lættari hjá toftamonnum, tí teir eru stinnir í sentrala part­inum, segði EB/Streyma venjarin Rúni Nolsøe. Jógvan Martin Olsen, sum saman við Øssuri Hansen hevur ábyrgdina av B68 liðnum, var fegin um, at teirra lið nú er komið á stiga­ talvuna. – Vit mugu rósa okkara spæl­arum fyri góðan hug­ burð. Eisini er tað hugaligt at staðfesta, at leikliga avrikið gerst alsamt betri. Ímóti NSÍ var stórur fjáltur á og grund­leggjandi sendingar mis­eydn­aðust. Tað var betri í 2. hálv­leiki í Runavík, og í dag sá tað aftur betri út. Vit megn­aðu ofta at spæla okkum úr fyrsta trýstinum hjá teimum, og so løgdu vit send­ingarnar í borðini og inn um verjuna. Rúni Nolsøe ásannaði, at tað var undarligt at leggja ætlanir ímóti liði, sum er mannað við fleiri spælarum, sum eru púra ókendir, men hann helt ikki, at hetta var nakað, ið kundi brúkast sum umbering um, at tað ikki eydnaðist at vinna: – Vit hava so roynt og gott fólk, at vit eiga at leggja til rættis eftir okk­ ara fyritreytum og ikki eftir, hvussu B68 liðið er samansett, og hvussu tað ætlar at spæla. Nú hava tit Skála við Margáir? – Har er einki sum eitur. Vit skulu vinna fulla úrtøku ímóti teimum, var greiði boð­ skap­urin hjá EB/Streyma venj­aranum. Jógvan Martin Olsen ásann­aði, at tað verður stór avbjóðing at fara til Fugla­ firðar, men hann heldur, at gongdin boðar frá góðum – um tað framvegis fer at ganga rætta vegin hjá B68 joannes@sosialurin.fo gongur rætta vegin á Toftum Róaldur tvey mál úr 41 metrum EB/Streyma venjarin harmaðist, og B68 venjarin fegnaðist um 1-1 á Svangaskarði »Fjórði hálvleikur hjá Jógvan Martin var næstan betri enn Triði hálvleikur á Rás2« Besta SMS'ið um dystin í Triða Hálvleiki: »Tað var trupult at verda lokalur til dystin á Argjum leygarmorgunin millum AB-B36, nú so nógvir spælarar hava umboðað bæði liðini« Besta SMS'ið um dystin í Triða Hálvleiki: (0-1) 1-1 0-1: Niels Pauli Danielsen 39. 1-1: sjálvmál 76. Dómari: Páll Augustinussen B68 Kristian Joensen – Niklas Poulsen, Jóhan Dávur Højgaard, Mads Rosenberg, Bergur Gregersen – Janus W. Mortensen, Ovi Brim (Emil Ronaldsson, 73.), Jann Ingi Petersen, Hákun Edmundsson, Esmar Clementsen (Kristian Anton Andreassen, 65.) – Jonleif Højgaard (Andrias á Líknargøtu, 69.) EB/S René Tórgarð – Jónas þór Næs, Egil á Bø, Marni Djurhuus, Pól Jóhannus Justinussen Gert Hansen, Høgni Madsen ■, Niels  Pauli Danielsen (Brian Olsen, 71.) – Leif Niclasen, Gunnar Zachariasen (Jóhannes Hansen, 68.), Hans Pauli Samuelsen ■ AB Hans Jørgensen – Jónas Stenberg, Sørin N. Samuelsen, Sorin Anghel ■, Beinir Ellefsen – Jobin Drangastein (Mikkjal T. Hentze, 82.), Bárður Olsen, Hørður Mohr (Kári Nielsen, 55. ■) – Jógvan Skeel Nolsøe ■ (Martin Midjord, 88.), Jóan Símun Edmundsson, Cristian í Garði ■ (Jógvan Isaksen, 74.) B36 Tórður Thomsen – Høgni Eysturoy, Klæmint Matras, Hørður Askham, Alex Mellemgaard (Benjamin Heinesen, 66. ■) – Róaldur Jakobsen, Símun Joensen – Jákup á Borg ■ (Tóki á Lofti, 86.), Lukasz Cieslewicz ■, Rasmus Dan Sørensen (Eli F. Nielsen, 74.) – Adeshina Lawal fótbóltur Við tveimum langskotum var B36 miðvallarin Róaldur Jakobsen munurin, tá ið B36 vann 2-1 á Argjum (1-1) 1-2 0-1: Róaldur Jakobsen 33. 1-1: Jobin Drangastein 44. 1-2: Róaldur Jakobsen 75. Dómari: Petur Reinert Myndir: Álvur Haraldsen