mánadagur 31. mars 2014síða 14

Mánadagur 31. mars 2014 · Nr. 38 14 Sosialurin Hugskot og viðmerkingar – send sms til 225000 Tróndur Arge – Gundadalur Víkingur var bara ein minutt frá at fáa sín fyrsta sigur í ár, tá teir fríggjakvøldið vitjaðu í Gundadali. Víkingur var á odda 2-1 líka til seinasta minuttin í dystinum. Tá valdi dómarin, Rúni Gaardbo, at bríksla fyri brots­sparki til heimaliðið. Á sjónvarps­ myndunum er tað torført at fáa eyga á brotssparkið, sum fekk øði í spælarar og venjarar hjá Víkingi. – Hetta er vandvittigt. Tað seinasta brotssarkið er at geva B36 eitt stig og tað finni eg meg ikki í, sigur Sigfríður Clementsen, venjari hjá Víkingi. Sigfríður var ónøgdur við dømingina sum heild eisini. – Hetta var undir alt lámark allan vegin ígjøgnum. Eg føli tað soleiðis, at vit fáa eitt brotsspark í fyrra hálvleiki. Restina av hálvleikinum dømir hann bara til teir fyri at viga upp í móti brotssparkinum. Guðhjálpi tú meg um hann ikki eisini gevur teimum eitt brotsspark móti endanum fyri at gera tað fultkomið havi eg hug at siga, sigur Sigfríður Clementsen. Sigfríður ásannar eisini, at hansara lið skuldi havt avgjørt dystin við øllum teimum møguleikunum, ið teir høvd. – Við tí dómaranum sum vit hava í dag, so royndu bæði liðini at spæla fótbólt. Eg haldi vit skapa nokk av møguleikum at vinna dystin, leggur Sigfríður Clementsen afturat. Eisini Súni Olsen var í øðini um avrikið hjá dómara­ num. – Eg haldi tað var ein annar maður, sum bleiv matchvinnari í dag. Tað sigi eg bara stutt og greitt. Tað vísir seg, at tá ávísir døma, so blívur tað ikki til fótbólt. Tú kanst ikki røra við hvøn annan og tað má onkur taka upp. Hetta er ein skandala, sigur Súni Olsen. Víkingur uttan sigur Víkingur var samanlagt omaná leikliga. Teir skaptu fleiri málmøguleikar og seinastu løtuna sat tú ikki við eini kenslu av, at B36 megnaði at trýsta fyri at fáa útjavnandi málið. Tí var neyðugt við onkrari til­ feldigheit ella onkrum ein­ mansavrikið. Víkingur fekk eisini eitt mál kolldømt í seinna hálvleiki, og tað var Sigfríður heldur ikki samdur í. Tað málið kundi havt avgjørt dystin. Í B36 kenna tey á sær, at tað vóru fleiri møguleikar at bríksla fyri brotssparki til B36 gjøgnum dystin. Víkingur hevur nú eitt stig aftaná tríggjar dystir. Tað eru væl færri enn teir helst høvdu ætla sær. ítróttur Jóannes Hansen Tað er munur á liði, sum er mannað við royndum spæl­ arum, ið hava vunnið nógv, og so nýggjum liði, sum fyri tað mesta er mannað við ungum monnum, ið hava fáar og smáar royndir í bestu deildini. Hetta er so sjálvsagt, og tað varð aftur staðfest í gjár, tá ið uppflytararnir av Skála royndu seg við Margáir, har EB/Streymur, sum seinnu árini hevur vunnið FM tvær ferðir, og sum er fleirfaldur steypavinnari, tók ímóti. 3-0 heimasigurin var rudduligur, og lítlu løtuna undan steðginum varð tað mest sum avgjørt, at tað heldur ikki hesa ferð skuldi eydnast Skála at vinna stig. Tað restaðu tveir minuttir av 1. hálvleiki, tá ið Pól Jóhannus Justinussen, sum hesa ferð var verjukendur miðvallari, við høvdinum stýrdi bóltin inn um Suna Ernstsson í Skála málinum. Bæði í hesum førinum, og tá ið leiðslan lítla løtu seinni varð tvífaldað, var talan um deyðbóltsstøðu. Pól Jóhannus var hægstur, tá ið fríspark varð sent í brotsteigin, og tá ið dómarin í tíðini, sum dóm­arin hevði lagt aftrat fyrstu trimum korterunum, bríkslaði fyri brotssparki til EB/Streym, var tað eisini eftir frísparksinnlegg. EB/ Streyma liðformaðurin Gert Hansen, sum hesa ferð var vongverji í høgru, meðan Jónas Tór Næs var fremstur í høgra borði, varð skumpaður í ryggin, og Hans Pauli Samuelsen var tryggur, tá ið hann umsetti úr ellivu metrum. Gert Hansen var ikki serliga væl nøgdur við leikliga avrikið, men hann var sjálvandi fegin um, at tað í triðju royndini í ársins landskapping eydnaðist EB/Streymi at vinna fulla úrtøku: – Vit spældu ikki væl, men tað eru stigini, sum telja, og vit vóna og rokna við, at spælið verður betri. Tað sær út til, at vit aftur í ár skulu hava tíð at finna stevið. Nýggju menninir skulu spælast inn, og tað er huga­ligt, at Arnbjørn var førur fyri at vera eitt korter á vøllinum í dag, var við­ merk­ingin hjá EB/Streyma liðformanninum, sum saman við liðfeløgunum megnaði tað, sum Rúni Nolsøe, EB/ Streyma venjarin avgjørt roknaði við, at hansara menn fóru at klára. Brian Olsen varð skiftur inn fyri Jóhannes Hansen, sum hevði fingið møguleikan á vinstra vongverja. Brian hevði bara verið fimm min­uttir á vøllinum, tá ið hann staðfesti 3-0 sigurin, og aftur ta ferðina var tað eftir deyðbóltsstøðu. Pól Jóhannus Justinussen vann við høvdinum stríðið í luftini, og Brian Olsen stýrdi við høvdinum bóltin í málið. 3-0 og harvið var tað greitt, at talan fór at verða um tryggan heimasigur. Hesa ferð var Pól Jóhannus Justinussen verju­ kendur miðvallari. Styrkin hjá honum í høvuðspælinum og kropsstyrkin vóru mill­ um orsøkirnar til, at Skála ongantíð fekk tak á mið­ vallar­spælinum. – Vit royna, og hug­burð­ urin er góður. Men hetta er øðrvísi enn at spæla í 1. deild. Tað mugu vit venja okk­um við, og vit trúgva fram­vegis upp á tað, segði Skála liðformaðurin Teitur R. Joensen. Eliesar Olsen hevði um­ skipað Skála liðið eftir tap ímóti bæði B36 og NSÍ. Petur Pauli Mikkelsen og Pætur Dam Jacobsen vóru mið­ verjar, og Teitur R. Joensen var hesa ferð vong­verji í vinstru. Næsti møguleikin hjá Skála at vinna fyrsta stigið verður á Argjum, meðan EB/ Streymur fær vitjan av KÍ. joannes@sosialurin.fo Stórur munur á royndunum Rók í Gundadali (1-2) 2-2 (1-0) 3-0 1-0: Adeshina Lawal 12. 1-1: sjálvmál 13. 1-2: Súni Olsen br 18. 2-2: Jákup á Borg br 90.+4. Dómari: Rúni Gaardbo 1-0: Pól Jóhannus Justinussen 43. 2-0: Hans Pauli Samuelsen br 45. 3-0: Brian Olsen 69. Dómari: Rói Jacobsen fótbóltur Jóannes Niclasen: B36 fjeppari Linjan hjá hasum dómaranum, var sum tá fanin skrivar S, heldigvís áttu vit seinustu krusudulluna á S'inum...tá tað fellur til okkara fyrimun í móti dystar enda so stendur heilt væl til. Koyr á B36 Steingrím Jacobsen: Skála fjeppari Til tíðir var spælið heilt OK, og liðið kom fram til nakrar góðar málmøguleikar. Nú er bert eftir at umseta málmøguleikarnar til mál, so eiga stigini at koma skjótt! skála Rúni Klein Joensen: Víkinga fjeppari Vit spæla ein góðan dyst og skapa fleiri møguleikar sum í Klaksvík, men okkara framrættaðu menn eru sindarligir framman fyri málinum. Dómarin hevði aftur ein ringan dag og kolldømdi 1 mál og dømdi eitt óskiljandi straffi. Fyrireikingarnar til kappingarbyrjan hava verið annaðleiðis og sjónligt ein OMMER! Manglandi dystarvenjing og harvið álopsstøður áðrenn kappingar­ byrjan ger tað at vit hava 1 stig av 9 møguligum. Tíbetur hava vit Skála komandi. WLYV. víkingur Rógvi Dam: EB/Streymur fjeppari Gott at vit vunnu, men vit spældu ikki nóg væl í dag. So nú er at fáa øll stigini móti KÍ næsta dyst. Saman standa vit sterk. eb/Streymur