hósdagur 3. apríl 2014síða 17

17 Fríggjadagur 4. apríl 2014 · Nr. 40 Sosialurin Hugskot og viðmerkingar – send sms til 225000 tíðindi Leo Poulsen Petur Elias Petersen er ÍSF forseti og hevur verið tað sein­astu fýra árini. Men sum nevnd­ar­limur í ÍSF eigur hann 19 ár á baki. - Eg varð valdur í starvs­ nevnd­ina hjá ÍSF í 1995, og frá 95 fram til 2005 var eg skriv­ari í starvsnevndini. Tá fór Sverri frá, og eg gjørdist næst­for­maður, sigur Petur Elias Petersen. Hvat er so hent í hansara tíð sum ÍSF starvs­nevnd­ar­ lim­ur. - Ein stór før­leika­menn­ ing er farin fram í ser­sam­ bondunum. Nevnd­ar­limirnir eru nógv meira mentir at sita har, og so hava vit eisini fingið tvey starvsfólk í um­sitingina, sum er ein stór hjálp, sigur Petur Elias Peter­sen. Hetta merkir, at ÍSF nú hevur eina veruliga fyrisiting í mun til fyrr, tá ein skrivari ar­beiddi tvei tímar um dagin. - Hetta er kanska størsta framstigið innan felags­ skapin nakrantíð, tí tað avlastar forsetan so ómeta­ liga nógv. Nú kann fyri­ sit­ing­in taka sær av fyri­ spurn­ingum og øðrum, sum for­mað­urin annars skuldi taka sær av um kvøldarnar, og tað er ein stór hjálp, sigur Petur Elias Petersen. Eisini er ein dopingnevnd sett, eins og eitt Ítróttasavn er sett á stovn. - Annars haldi eg, at størsti munurin er, at ser­ sam­bondini eru vorðin fleiri og størri, eins og ítrótturin er vaksin, sigur Petur Elias Peter­sen. Góður arbeiðsgevari Sjálvur hevur hann altíð havt stóran áhuga í at verið við har hann kann gera ein mun. - Eg føli framvegis, at eg kann gera ein mun, og tað er eisini tí, at eg havi verið við í ÍSF í skjótt 20 ár, sigur Petur Elias Petersen. Hann sigur, at tað ongan­tíð hevur ligið so væl fyri hjá sær á vøllinum, og tað er helst tí, at hann endaði í nevnd­ini hjá SÍF longu 14 ára gamal. - Starvið sum ÍSF forseti krev­ur nógva tíð, sjálvt um fyri­sit­ingin nú avlastar ein heilan deil. Hetta er sjálvboðið ar­ beiði, og eg geri nógv burtur úr at halda tað skilt burtur frá mínum dagliga arbeiði. Tað krevur sjálvandi nakað av mínum arbeiðsgevara, og har má eg siga, at han altíð hev­ur víst stórt forstáilsi fyri ikki bara mínum starvi sum ÍSF forseti, men sanniliga eisi­ni gjørdi tað tey 28 árini, Heðin Mortensen stóð á odda fyri ÍSF, sigur Petur Elias Petersen. Alt arbeiði innan ÍSF fer fram um kvøldarnar og um viku­skiftið. - Tað er so ógvuliga gott at hava ein forstandandi arbeiðs­gevara, tí tað er neyðugt tá farast skal til yms­ar fundir uttanlands, sum vara í ein dag ella tveir, sig­ur Petur Elias Petersen. Hann sigur, at tað er hent nógv gott og mennandi hesi ár­ini, hann hevur sitið í starvs­nevndini hjá ÍSF. - Tað allarbesta, sum er hent í mínari tíð í ÍSF er, at vit hava fingið lønt starvs­ fólk á skrivstovuna, sum kann avlasta meg. Men tað er sjálvandi hent nógv ann­ að positivt í mínari tíð sum limur í starvsnevndini hjá ÍSF, sigur Petur Elias Peter­ sen. Veddingarpengar Ein av heilt stóru broyt­ing­ unum hjá ÍSF var, tá vedd­ ing­ar­pengarnir komu. - Tað, at vit gjørdust ein partur av ágóðanum hjá Danske Spil, og vedd­ing­ar­ pengarnir byrjaðu at koma, loysti upp fyri so ógvuliga nógvum. Vit fáa jú meira pen­ing harfrá, enn vit fáa frá landinum, so tað hevur kollos­salt at siga, sigur Petur Elias Petersen. Veddingarpengarnir eru sostatt ein av horna­steinun­ um undir rakstrinum av ÍSF. - Tað gav eisini møguleika at seta starvsfólkini á skriv­ stovu­ni, men gav eisini rúm fyri ítróttaráðgevunum, sum hava umleið 10 ár á baki nú, sig­ur Petur Elias Petersen. Sum aðrar batar nevnir hann, at 30.000 krónur mark­ ið er eisini nakað, sum er at fegnast um. - Tað er so nakað, vit kun­ nu takka politikarunum fyri, at teir settu eitt mark á 30.000 krónur, sum leiðarar, venj­ar­ar og onnur kunnu fáa skatta­frítt, sigur Petur Elias Peter­sen. - Teir báðir ítrótta­ráð­ gev­ar­arnir hava til upp­ gávu at stuðla feløgum og sersambondum í yms­um spurn­ingum, og teir veita sína ráðgbeving úti í feløg­ unum ella í ser­sam­bond­un­ um, sigur Petur Elias Peter­ sen. Av øðrum týdn­ing­ar­mikl­ um, sum er hent seinastu tíð­ ina, nevnir hann Leikmeti. - Hetta er eitt samstarv mill­um FK og ÍSF og hevur til enda­máls, at skifta pylsur og ann­að út við sunna frukt. Tað er jú eitt av endamálunum hjá ítróttinum, at hann er heilsusunnur, og tí gevur tað mein­ing at bjóða børnum og ung­um møguleikan fyri at fáa heilsusunna frukt heldur enn til dømis pylsur, sigur Pet­ur Elias Petersen. Betri karmar ÍSF forsetin er ikki í iva um, at ítrótturin hevur størri týdn­ing, enn fólk geva sær far um í gerandisdegnum. - Ítrótturin er sosialur, upp­lýsandi og mennandi. Tað ger tey ungu fólkini til­vitað um, hvussu mann upp­førir seg, og tey fáa eina kenslu av samleika. Tað er nak­að sunt og mennandi, tey møta upp til, sigur Petur Elias Petersen. Hann heldur, at tað hevur nógv at siga, tað arbeiðið, sum ítróttaleiðarar og -venj­ ar­ar gera. - Ein kanning herfyri vísti, at samfelagsliga virðið av sjálv­bodnum arbeiði svarar til 55 milliónir krónur um árið, og eg vildi ynskt, at politikararnir skiltu, hvussu stórt sjálvbodna arbeiðið í veru­leikanum er, sigur Petur Elias Petersen. Hann viðgongur tó, at tað gong­ur rætta vegin. - Vit kunnu eitt nú taka Tórs­havnar kommunu sum hev­ur gjørt av, at ítróttahallir og vallir skulu verða ókeypis hjá feløgunum í ár, sigur Pet­ ur Elias Petersen. Hann heldur tó, at okkurt kun­di verið betri enn tað er. - Eitt nú hava vit onga borð­tennishøll og tað merkir, at borð skulu trillast aftur og fram og tað merkir, at tann tím­in, tú hevur at venja í, knapp­liga bara gerst40-50 minutt­ir, tí restin av tíðini fer við at trilla borð, sigur Petur Elias Petersen. Hann nevnir eisini boga­ skjót­ing­ina í Havn, sum ong­ an veruligan vøll hevur til skjót­ingina. - Eisini ítróttahallirnar eru ov fáar, tí tað krevur nógv at fáa alt at ganga upp, sig­ur Petur Elias Petersen. Annars verður ikki gjørt so nógv burtur úr 75 ára degn­um sjálvum. - Ítróttasavnið hevur latið bók gjørt um seinasta 25 ára skeið­ið, og hon verður løgd fram fríggjadagin, og um kvøld­ið verður ein døgurði fyri innbodnum. Annars hev­ur stjórnin gjørt av, ikki at brúka meira pening til dagin, tí hann fer jú frá teim­um ungu, sigur Petur Elias Petersen. Ynskiligt við betri kørmum ÍSF fyllir í dag, fríggjadagin 4. apríl, 75 ár, og í tí sambandi hava vit sett forsetanum, Petur Elias Petersen, stevnu til eitt prát um tíðina í ÍSF Starvslýsing: Sølufólk til Kemilux Við ágrýtni og nærlagni ert tú sannførandi og seljandi. Samstundis veitst tú, at vørurnar, tú selur, eru gjørdar við atliti til føroysku náttúruna. Jú meira tú selur, tess betri er tað fyri náttúruna. Tú arbeiðir sjálvstøðugt og fært nógv samband við okkara viðskiftafólk, tá tú vitjar tey og bjóðar fram okkara vørur og tænastur. Umframt okkara vørur til reingerð bjóða vit eisini eitt stórt úrval av pakkitilfari og arbeiðsklæðum. Hevur hetta tín áhuga ert tú vælkomin at senda eina umsókn við lívsrensli, avriti av møguligum prógvum og øðrum viðkomandi til kemilux@kemilux.com í seinasta lagi mánadagin 7. apríl. Vilt tú frætta nærri, so vinarliga set teg í samband við Rebecku, rr@kemilux.fo, tlf. 210937, ella Arna, ag@kemilux.fo, tlf. 210931. 1979-1990 valdur í nevndina í SÍF 1994-2002 liðleiðari hjá A-landsliðnum hjá monnum 1995-2003 valdur í Róðrarsambandið 1995 valdur í starvsnevndina í ÍSF 1995-2005 skrivari í ÍSF 2005-2010 næstformaður í ÍSF 2010- forseti í ÍSF FAKTA - Tað allarbesta, sum er hent í mínari tíð í ÍSF er, at vit hava fingið lønt starvsfólk á skrivstovuna, sum kann avlasta meg, sigur Petur Elias Petersen, ÍSF forseti