hósdagur 3. apríl 2014síða 43

Sosialurin nr. 40 · 4. apríl 2014 11 VIKUSKIFTI ferðamálið Hotel Costa Verde Costa Rica Eitt 727 flogfar frá 1965, sum millum annað South Afria Ari hevur varðað av, er gjørt til eitt gistingarhús í grønum øki í Costa Rica. Marglætiskømur í fantasiskum umhvørvi ger hotellið væl umtókt millum tey romantisku, so her er eitt gott boð upp á brúðarferðina. The Dog Bark Park Inn Idaho Í amerikanska statinum Idaho er hotell, ið er bygt í hundaskapi. Hetta er eitt av kendastu støðunum í statunum. Tað eru bert tvey rúm at gista í, og tú skalt verða í góðari tíð, um tú skalt tryggja tær pláss og uppliva eitt sindur av hundalívi. Letland Í 1905 var Karostas fongslið bygt í Liepaja í Letlandi. Fíggindar hjá Stalin – og seinni hjá KGB – vóru settir í fongslið. Nú ber til at vitja í fongslinum og hevur tú hug at royna at gista í einum gomlum fongsli, ber tað eisini til. Klivarnir eru reinir og tryggir, men eisini eitt sindur ræðandi. Karostas Cietums Ryugyong Hotel Norðurkorea 3000 rúm og 105 hæddir. Risastóra hotellið í Pyongyang verður kallaður heimsins best kiksaði bygningur. Hann er ikki nøkur fragd at líta á og er ikki heilt liðugur enn. Byrjað var at byggja fyri nógvum árum síðani, men byggingin steðgaði í 1992. Í 2008 var arbeiðið tikið uppaftur, og í næstum verður helst møguleiki at gista har. Godiva Chocolate Suite New York Fyritøkan Godvia, sum ger sjokulátu, hevur innrættað ein svitu við sjokulátu. Sjálvt stólar, song, lampur og alt annað innbúgv er gjørt úr sjokulátu. Svitan er á Bryant Park Hotel í New York, og har kann mann sova søtan. Kokopelli’s Cave Farmington Í Farmington í USA er hetta heilt serstaka rúmið at gista í. Tað er gjørt í einari holu meira enn 30 metrar undir jørð. Tú skalt ganga niður gjøgnum stiga, og áðrenn tú sleppur so langt, skalt tú undirskriva skjal, har tú tekur ábyrgd av tær sjálvum. Ein nátt til tey djørvu.