mánadagur 7. apríl 2014síða 22

Mánadagur 7. apríl 2014 · Nr. 41 22 Sosialurin Hugskot og viðmerkingar – send sms til 225000 ítróttur fótbóltur TAÐ ER risa munur á teimum bestu og hinum Talan var um skrædl oman á skrædl, tá ið tey í lægru deildunum royndu seg ímóti teimum stóru. Einasta undantakið var TB, sum kroysti AB í longda leiktíð og brotssparkskapping, áðrenn tað var greitt, at argjamenn høvdu vunnið Jóannes Hansen Í kvøld verður drigið um, hvussu skráin skal vera í fjórð­ings­finaluni í kapp­ ing­ini um løgmans­steypið. Fjórð­ings­finalurnar eru settar á skrá at vera sunnu­ dagin 27. apríl. Longu eftir fyrsta umfar er tað greitt, at tað bara vera feløg í fremstu deildini, ið tá fara at dystast. Harvið er tað longu nú greitt, at tað heldur ikki í ár verður, at lið úr lægri deildunum fer at bjóða teimum stóru av og røkka finaluna. Ikki síðani í áttati árunum er tað komið fyri, at lið úr næstbestu deildini hevur megnað at spæla seg í steypa­finaluna. Størsta sigurin leygar­ dagin vunnu fuglfirðingar 14-1 ímóti Undrinum, og Clayton Soares var seks faldur mál­skjútti. Hann hevur í trimum teimum fyrstu um­førunum í lands­ kapp­ingini ikki funnið vegin til meskarnar hjá mótstøðu­ liðunum. Tað man vera eyð­mýkj­ andi at leggja rygg til 14-1 tap. Men sambært venjaranum hjá Giza/Hoyvík, Símun Waag Høgnesen, sum eisini spælir á liðnum, ið partur av triði bestu deildini, so var tað ikki so galið at spæla í Fugla­ firði: – Talan var um jaliga upp­ living. Vit harmast um, at mun­urin gjørdist so stórur. Vit royndu at spæla fótbólt, men ÍF var rættiliga uppsett. ÍF sigurin á Undrinum er størsti sigurin í steypa­kapp­ ing­ini nógvu tey seinastu árini. Síðsta úrslitið, sum kann sammetast við hetta var 17. mars 2007. Tá vóru tað eisini ÍF og Undrið, sum hitt­ ust í Fuglafirði. Ta ferðina vann ÍF 11-1. Merkisvert er tað, at tað bara var ein spælari á ÍF liðnum leygar­ dagin, sum eisini var við fyri sjey árum síðani. Tað var Fritleif í Lambanum. Í Fuglafirði eru tað fleiri, sum minnast aftur á, tá ið ÍF tók fyrstu fetini í bestu deildini, og liðið legði rygg til stórskrødl. Tað er tiltikið, tá ið ÍF fyrsta august í 1971 tapti landskappingardyst ímóti HB í Gundadali, og úrslitið var 14-1! Hini skrædlini Hjá EB/Streymi var leygar­ dagin talan um av­greiðslu­ sigur í Gundadali, har úrs­ lit­ið ímóti Giza/Hoyvík var 6-1. Merkisvert var tað, at Arnbjørn Hansen var trí­ faldur málskjútti. Hann hev­ ur spælt millum lítið og einki í landskappingini orsaka av skaða, men nú tykist hann at vera komin fyri seg aftur. Í Klaksvík vann KÍ 5-0 á 07Vestur. Hesa ferð var klassa­munur. Vágamenn og klaksvíkingar hava ikki dyst­ ast í steypakappingini síðani í fjórðingsfinaluni í 2011, tá ið 07Vestur á heimavølli vann 1-0. Hetta árið vóru bæði KÍ og 07Vestur í bestu deildini. Leygardagin var klassamunur millum 07Vestur, sum í fjør flutti niður úr bestu deildini og KÍ, sum í fjør leingi var hótt av niður­flyting. Á Vágseiði tók FC Suður­ oy, sum er eitt av trimum feløgum, ið hava møguleika at flyta upp úr næstbestu deildini og í bestu deildina, ímóti toppliðnum í Effo- deildini. Tað var eingin trupul­leiki hjá NSÍ at spæla seg víðari í kappingini við 4-0 sigri. Klæmint A. Olsen hevur í trimum teimum fyrstu umførunum í lands­ kapp­ingini skorað seks mál. Leygardagin var hann á vøll­ inum í 80 minuttir uttan at skora mál. Í landskappingini hevur tað higartil í ár ikki vignast so væl hjá uppflytarunum í B68. Leygardagin vunnu tofta­menn 8-0 á heimavølli ímóti Royn. Óli Højgaard Olsen, sum higartil hevur verið so mikið darvaður av skað­um, at hann ikki hevur verið við í landskappingini, var trífaldur málskjútti, og tað boðar frá, at hann aftur er førur fyri at spæla í lands­ kappingini. Tað eigur at vera stóru styrkur hjá tofta­ monnum. Tøttu uppgerðirnar Í Serpigerði var úrslitið 2-0 heimasigur, tá ið tví­faldu steypavinnararnir í Víkingi høvdu vitjan av upp­flytar­ unum av Skála. Hóast tølini kundu bent á, at tað var tætt og spennandi, so vísti leikgongdin og býtið at málmøguleikum, at Víkingur var greitt omaná. Størstu dramaini í fyrsta umfarinum vóru í høvuðs­ staðnum. 3-2 HB sigurin á B36 verður umrøddur aðra staðni á ítróttarsíðunum. Á Argjum eydnaðist tað heimaliðnum, sum er í bestu deildini, at vinna á TB úr næstbestu deildini eftir longda leiktíð og brots­ sparks­kapping. TB fór illa við sær sjálvum í kappingini úr ellivu metrum, tí í tveimum førum sendu tvøramenn bóltin í stólpan, og tað einu ferðina fór bólturin upp um tvørtræið. – Vit høvdu leingi tak á tí, men tá ið TB javnaði til 1-1, og tað restaðu tríggir minuttir, so datt alt saman hjá okkum, staðfesti AB venjarin Bill Jacobsen eftir dystarlok. Hann var ikki nøgdur við avrikið hjá sínum monnum: – Sigurin var uppiborin, tí vit vóru spælstýrandi, og vit spældur okkum til nógv fleiri málmøguleikar. Trupul­ leikin er, at vit fóru niður við høvdinum, tá ið teir høvdu javnað, og at teir harvið tóku yvir í longdu leiktíðini, staðfesti AB venjarin, sum var fegin um, at liðið hjá honum hevði kvalifiserað seg til 2. umfar, men sam­ stundis var misnøgdur við, at hansara menn ikki megnaðu at halda høvdið kalt alla tíðina. joannes@sosialurin.fo Leygardagin 5. apríl: AB - TB 1-1 (0-0) 4-2 eftir longda leiktíð og brotssparksk. 1-0: Karstin Højgaard 67. 1-1: Ragnar Tausen 87. Brotssparkskapping: 1-0: Karstin Højgaard 1-0: Martin Tausen í stólpan 2-0: Bárður Olsen 2-1: Ragnar Tausen 2-1:Jónas Stenberg Ivan Stojkovic bjargaði 2-1: Rógvi Joensen í stólpan 3-1: Jobin Drangastein 3-1: Heini M. Mortensen omanfyri tvørtræið   Víkingur - Skála 2-0 (2-0) 1-0: sjálvmál 13. 2-0: Finnur Justinussen 32.   FCS - NSÍ 0-4 (0-2) 0-1: Jens Joensen 33. 0-2: Jens Joensen 45. 0-3: Árni Frederiksberg br 88. 0-4: Jákup Andrias Gaardbo 90.+2.     B68 - Royn 8-0 (5-0) 1-0: Óli H. Olsen 20. 2-0: Kristian Anton Andreassen 32. 3-0: Óli H. Olsen 35. 4-0: Óli H. Olsen 42. 5-0: Hákun Edmundsson 45. 6-0: Ari Johannesen 62. 7-0: Emil Ronaldsson 71. 8-0: Andrias á Líknargøtu 73.     Giza - EB/Str. 1-6 (0-1) 0-1: Niels Pauli Danielsen 3. 0-2: Arnbjørn Hansen 51. 0-3: sjálvmál 58. 0-4: Leif Niclasen 78. 1-4: Áki D. Egholm 79. 1-5: Arnbjørn Hansen 84. 1-6: Arnbjørn Hansen 90.      KÍ - 07V 5-0 (2-0) 1-0: Ndende Adama Guéye 12. 2-0: sjálvmál 41. 3-0: Ísak Simonsen br 76. 4-0: Hjalgrím Elttør 88. 5-0: Heðin á Lakjuni 90.+3.       ÍF - Undrið 14-1 (7-0) 1-0: Kristoffur Jakobsen 6. 2-0: Clayton Soares 7. 3-0: Kristoffur Jakobsen 10. 4-0: Karl Løkin 12. 5-0: Clayton Soares 14. 6-0: Karl Løkin 36. 7-0: Bogi Reinert Petersen 41. 8-0: sjálvmál 47. 9-0: Clayton Soares 0. 10-0: Pól Magnus Petersen 52. 10-1: Mikkjal Christiansen 61. 11-1: Clayton Soares 65. 12-1: Clayton Soares 66. 13-1: Pól Magnus Petersen 69. 14-1: Clayton Soares 88.    Sunnudagin 6. apríl: HB - B36 3-2 (2-0) 1-0: Fróði Benjaminsen 2-0: Rógvi S. Holm 3-0: Heini Vatnsdal 3-1: Adeshina Lawal 3-2: Rasmus Dan Sørensen LØGMANSSTEYPIÐ 1. umfar ÍF vann 14-1 ímóti Undrinum, og Clayton Soares var seks faldur mál­skjútti Mynd: Álvur Haraldsen