hósdagur 10. apríl 2014síða 51

19 Mentanarblaðið hjá Miðlahúsinum 2 • 11. apríl 2014 hvørjum øðrum og tað hendi eisini fyri Zven Balslev, sum gjørdi tvær stórar myndir, ið báðar taka støði í hugtakandi søguni hjá Williami Heinesen um knívin Roter Satan, sum tekur unga drongin, Marselius púrasta av ræði og sum m.a. fær ræðslusligna og ovur­spenta drongin til at seta seg upp móti pápa sínum. Myndir­nar hjá Zven Balslev er sera ymiskar, í mun til tann rættiliga cartoonkenda stílin teirri brúnu og grønu myndini, tykist hin lýsingin av urtapottinum meira natura­list­isk. Men har er samband millum myndirnar, tí urtapottin fann listamaðurin í vindeygakarminum hjá Williami Heinesen, har hann eisini stóð, tá William sjálvur livdi og miðskeiðis á urtapottinum sæst oddurin á áður­nevnda gandaða knívi. Í prentunum hjá Vibeke Mencke Nielsen eru tey fínligu myndevnini sett á prosatekst­brot úr bókini »Ästetik des Widerstands« hjá jødiska lista­ manninum Peter Weiss, sum var íðin fortalari fyri list við samfelagsligari ábyrgd. Vibeke Mencke Nielsen er júst heiðrað á danska kunstakademinum av tí, at tað eru 25 ár síðani, hon var sett í starv sum fyrsti kvinnuligi professarin har. Knud Odde hevur samstarvað við listakvinnuna Toni Larsen, hvørs snirklaða, poetiskt leitandi úttrykk hóskar væl saman við hansara dekorativt bylgjandi linj­um. Knud Odde er útlærdur bibliotekar og hevur eyð­vitað stóran áhuga í bókmentum. Hann er eisini hug­tikin av fornari kinverskari litteratihevd og av ein­um av høvuðs­ persónunum innan hesa hevdina, yrkjaranum Su Tung Po, sum livdi í 11.øld. Við tóma gráa vegginum á vøkru myndini, er tað sum rakar Knud Odde á hugtakandi hátt við einfeldið og dýpdina í orðunum hjá kinverska miðaldarayrkjaranum. Skrálið í tinginum Tóroddur Poulsen býr niðri, men fylgir ómetaliga væl við í øllum, sum fyriferst í føroyska samfelagnum og kemur javnan við viðmerkingum eitt nú til kjakið um stav­raðið herfyri. Onkuntíð eru hansara myndir stutt­ligar ella absurdar, men ofta er talan um eina samein­ing av fleiri rásum, ið binda saman sjálvsagdar, banalar eyg­leið­ingar við álvarsligar tilveruligar grundanir. Hans­ara steinprent »Tingini« er litríkt og bygnaðarliga rættiliga áhuga­vert. Talan er um eitt sonevnt iris­prent, har allir fimm litir eru prentaðir á myndina í senn. Mynd­evnið er kollasjukent og áskoðarin fær kensl­una av fleiri ymiskum løgum, okkurt liggur undir og annað er omaná. Miðskeiðis í myndarúminum sæst ein løgin kassi á høgum pelum, sum umvegis slangur ella leidningar hongur saman við øðrum kassum bæði ovarlaga og niðarlaga í myndini. Hendan »tagnar­ maskinan« er afturvendandi í mynd­ unum hjá Tóroddi Poulsen, hon líkist eini listarligari installatión, men sam­ bært heitinum frameiðir hon tøgn og tað er eftir øllum at døma hart til­ trongt, um vit hyggja at út­sagn­unum í mynda­rúminum; »Harra formaður, tað er hetta skrálið, sum er á skránni« stend­ur einastaðni. Setn­ingarnir eru skrivaðir á ymiskan hátt og við skift­ andi stød, so at sumt er lættari at lesa enn annað. Fremst í mynda­rúminum oman yvir øllum hinum stendur skrivað á skák við stórum bókstavum »Tigið«. Serstakliga áhugavert er tað, at hesi boðini eru skriv­að spegl­vent, tí tá tykist tað sum koma boð­ini innan úr myndarúminum. Føroya­kortið hjá Tóroddi Poulsen er stuttligt og sarkastiskt, eg haldi, at vit øll eru fevnd av verbala avsmurning­inum: »FØROYAR (FØR ER SEINNI LIÐUR AV FLEIRTALS­ ORЭINUM AKFØR (KANSKA) BILAOYGGJAR. 18 OYGGJ­ AR. TAÐ BER TIL AT KOYRA BIL ALLASTAÐNI (EISINI Á SJÓNUM) MEN HÓAST FLEIRI HAVA ROYNT BER TAÐ IKKI TIL AT GANGA«. Orðmynd-Myndorð. Norðurbryggjan. Svend-Allan Sørensen, Knud Odde, Toni Larsen, Zven Balslev, Vibeke Mencke, Nielsen, Bjarne Werner Sørensen, Tóroddur Poulsen, Claus Carstensen og Peter Laugesen, umframt originalgrafiskar útgávur hjá Daniel Milan, Pernille Kløvedal, Bjarne Werner Sørensen, Tóroddur Poulsen, Malene Bang, Zven Balslev, Emil Westmann Hertz, Stefan Rotvit, Søren Petersen, Søren  Ulrik Thomsen og Claus Carstensen. 9. maj til 10. august 2014