mánadagur 14. apríl 2014síða 5

5 Mánadagur 14. apríl 2014 · Nr. 44 Sosialurin Hugskot og viðmerkingar – send sms til 225000 eldraøkið Vestmanna: Vit yvir­ taka fyri rætta prísin Pauli T. Petersen, borgarstjóri í Vestmanna, heldur, at eldraøkið er í betri hondum hjá kommununum treytað av, at allir pengarnir fylgja við frá landinum – og tað eru 30-40 milliónir krónur meira, enn landsstýrismaðurin í fíggjarmálum hevur lagt upp til. Gera teir ikki tað, verður økið als ikki yvirtikið, slær Pauli T. Petersen fast Ingolf S. Olsen – Eg vil siga tað soleiðis, at vit eru noydd at yvirtaka eldraøkið, tí nú hava skiftandi almannamálaráðharrar og samgongur í mannaminni lov­að betri umstøður til okk­ ara gomlu, men tað er bara blivið verri. Vit vilja, og vit kunnu gera hetta betri, sigur Pauli T. Petersen, borgarstjóri í Vestmanna. Vi plássi til 24 búfólk á nýgg­ja Røktarheiminum á Grøna­nesi er Vestmanna Kom­mu­na í so máta væl fyri­ reik­að, tá eldraøkið verður lagt út til kommunurnar at um­sita. Tað verður tað á nýggj­ ári­num, stendur tað til sam­ gongu­na og Anniku Olsen, lands­stýriskvinnu í al­man- na­málum. Meira á borðið Men so skulu nakrir dýrir, leys­ir endar fáast upp á upp á pláss fyrst, er avgjørda støðan hjá kommununum. – Vit skulu hava hvørt oyra afturborið frá landinum í mun til verandi kostnað, frároknað brúkaragjøldini, tá vit yvirtaka eldraøkið, men talið, sum fíggjar­mála­ ráð­harrin hevur borðreitt við, er einar 30-40 milliónir krónur ov lítið, sigur Pauli T. Petersen, borgarstjóri í Vestmanna og stýrislimur í Kommunufelagnum. Jørgen Niclasen, fíggjar­ mála­ráðharri, roknar í fíggj­ ar­kørm­unum fyri næsta ár við, at kommun­urnar skulu hava 372,1 millión krónur frá landinum at reka eldraøkið fyri. Í hesum talinum eru tær 356,4 milliónir krónurnar, tað nú kostar at reka bústovnar og heimatænastuna, og 15,7 milliónir krónur, sum mill­ um annað er prísurin fyri ans­ingar­sam­sýning til av­ varðandi, ið sjálv ansa sín­um gomlu, økis­tera­piina, mat- og koyri­skip­anir fyri eldri, og lønarframskriving. Tøl samsvara ikki Men Pauli T. Petersen sigur, at ein samlað afturbering upp á 372,1 millión krónur er ov lítið, tí hædd er ikki tikin fyri øllum, millum annað fyri, hvussu nógv dement eru á teimum einstøku bú­ stovnunum. – Fíggjarmálaráðharrin hev­ur bara lagt upp fyri bein­ leiðis kostnaðinum av at reka bústovnar og heimatænastu og nakrar aðrar tænastur. Men í Kommunufelagnum meta vit, at talið hjá hon­um er 30-40 milliónir krón­ur ov lágt. Tølini hjá Fíggj­ar­ málaráðnum sam­svara ein­ falt ikki við okk­ara tøl. Bara í økinum Norð­streym­oy fara tað við aftur­beringar­lykli­ num hjá Fíggjar­málaráðnum at mangla útvið tvær milli­ ónir krónur í fyri at kunna røkka sama tænastu­støði sum nú á eldraøkinum, sigur borgarstjórin í Vest­manna. Alt ella onki Vestmanna Kommuna hoyrir til eldra-samstarvsøkið Norð­ urs­treymoy, ið telur Vest­ manna, Kvívíkar, Sunda og Eiðis kommunur. Pauli T. Petersen er sera avgjørdur um, at fíggjarligi parturin skal vera komin full­ komiliga upp á pláss, áðrenn eldraøkið verður yvirtikið av kommununum. Tað merkir, at allar kommunurnar skulu kunna taka undir við enda­ liga fíggjarleistinum. Og so skal vissa eisini verða fingin fyri, at ein eyka­ rokning frá Karsteni Hansen, heilsumálaráðharra, ikki end­ ar úti hjá kommununum, tá avtornar. Tað snýr seg um rokningina fyri fólk, sum hava verið í sjúkrahúsviðgerð, men sum síðani ikki kunnu útskrivast, tí tey eru røkt­ ar­krevjandi, men onki pláss er fyri teimum á røktar- og ellisheimum. Karsten Han­sen hevur alment sagt, at hann ætlar at senda hesa rokn­ing­ ina víðari til Al­mannaverkið. – Hatta er ein leysur endi, sum skal verða fingin upp á pláss áðrenn 1. januar 2015. Og annars er tað sera einfalt. Um tað vísir seg, at vit ikki fáa fulla afturbering í mun til verandi kostnað, tá fíggjarlógin er samtykt í vetur, so yvirtaka vit ikki eldraøkið á nýggjárinum. Tað kemur als ikki upp á tal, sigur hann. Betri tænasta Samstundis sum borgar­ stjórin í Vestmanna er sera avgjørdur viðvíkjandi fígg­ ing­ini, so leggur hann kort­ ini stóran dent á, at hann inni­liga ynskir eldraøkið út til kommunurnar. Hann er nevniliga sann­ førdur um, at tey eldru fara at fáa eina væl betri tæn­ astu undir kommun­un­nar veingja­breiði saman­bor­ið við nú, har eldra­økið verður um­sitið av Almanna­verk­in­ um. – Tað hevur nakað at siga, at vit eru tætt upp á borgararnar. Vit kenna um­ støðurnar og tey eldru í Pauli T Petersen, borgarstjóri í Vestmanna, leggur dent á, at hóast hann krevur allan kostnaðin endurrindaðan av landinum, so ynskir hann inniliga eldraøkið út til kommunurnar at umsita. – Skiftandi almannamálaráðharrar og samgongur hava í mannaminni lovað betri umstøður til okkara gomlu, men tað er bara blivið verri. Vit vilja, og vit kunnu gera hetta betri, sigur hann Framhald á 6