týsdagur 15. apríl 2014síða 18

Mikudagur 16. apríl 2014 · Nr. 45 18 Sosialurin Hugskot og viðmerkingar – send sms til 225000 tíðindi í Keypmannahavn í hjartanum Mentunarbrúgv Frigg festivalurin Tá Frigg-festivalurin fer av barkastokki um góðar triggjar vikur, verður talan um veldugan mentunarpall í sjálvum hjartanum av Keypmannahavn Jákup Mørk Ikki síðani stóra »Føroyar í Focus« varð hildið miðskeiðis í 80’unum, hevur føroyskt mentunarlív havt ein so­ mikið stóran pall, sum talan verður um, tá Frigg-festi­val­ urin verður hildin í Kongens Have í danska høvuðs­stað­ num um góðar tríggjar vikur. Tónleikur fyllir sín stóra part av skránni, og skráin er kanska besta prógvið fyri, at her er talan veruliga um ein felags pall fyri út­ norð­ur. Danska Medina er uttan iva størsta navnið á skránni, men íslendski Bubbi Morthens og grønlendskuk Nanook og Rasmus Lyberth eru sann­iliga nøvn, ið kunnu fáa respektivu útisetarnar at fylkjast. Og føroyskir úti­ setar fáa so sanniliga eisini sítt við eitt nú Eivør, Hanus og Týr fyri bara at taka nøk­ ur nøvn úr rúgvuni. Hartil verður spennandi matur úr hjøllunum í Norður­atlantshavi á skránni, eins og list og sniðgeving eis­ ini verður at síggja. Saman­ lagt er talan soleiðis um breið­an mentunarpall, sum í tveir dagar situr til háborðs í hjarta­num í danska høvuðs­ staðnum. Grand Prix fyllir býin Steintór Rasmussen er ein av høvuðsfyriskiparunum, og hann dylur ikki fyri, at tað er við spenningi, at seinastu fyri­reikingarnar nú skulu fáast frá hondini. – Eg tori at siga, at hetta er eitt rættiliga ambitiøst projekt, og tað er við eini góð­ ari kenslu, at vit nú leggja hond á seinastu fyri­reik­ ingar­nar. Vit hava merkt stór­ an áhuga fyri festivalinum. Kanska serliga úr Føroyum og frá føroyskum útisetum, men avgjørt eisini frá ís­ lendingum, grønlendingu og dønum, sigur Steintór. – Vit hava eisini selt hampu­liga nógv atgongu­ merki longu nú, og tað er eis­ ini eitt gott tekin. Ikki minst, nú talan er um fyrsta árið hjá festivalinum. Hann fegnast eisini um, at danskir miðlar veruliga tykj­ ast hava lagt til merkis, at nakað serstakt er í umbúna. – Tað hevur uttan iva gjørt góðan mun, at vit hava fingið eina somikið góða stað­seting til festivalin. Kongens Have er ein perla í Keyp­manna­havn, og tað er altso ikki hvønn dag, at stór tiltøk verða hildin her. Bara tað í sjálv­um sær er við til at kveikja áhugan, og eitt nú koma vit at síggja innsløg hjá bæði DR og TV2, eins og Politikkens hus fer at gera nakað burturúr, so eg ivist onga løtu í, at profileringin verður góð, sigur Steintór. Samstundis sum Frigg verð­ur hildið, er eisini onnur stórhending á skránni í Keyp­manna­havn. Sum vinnari av Eurovision – Melodi Grand Prix – er Dan­ mark nú vertur fyri kapp­ing­ ini, og hetta verður um sama mundið, sum Frigg-festival­ urin. Men tað kann kanska roknast sum ein fyrimunur hjá Frigg, heldur Steintór. – Sjálvandi tekur Euro­ vison sín stóra part av fokus ta viku­skiftið, men tað nýtist nú ikki at vera so ringt kort­ ini. Tað merkir í øllum førum, at sera nógv fólk eru í Keyp­ manna­havn hetta viku­ skiftið, og tað er væl eis­ini soleiðis, at øll rúmast ikki úti á Refshaleøen, har Prix’ið verður hildið. Og tá kann tað verða sera gott hjá okk­um at standa við einum góðum og fjøltøttaðum mentunar­til­ boði, heldur Steintór. – Og her má eg aftur vísa á breiða útboðið, sum eis­ ini fevnir um so nógv meira enn tónleik. Vit hava ein Gutta Winther, sum gevur upplivingar fyri bæði eygu og góma, og hann fer at borð­ reiða við eitt nú før­oysk­um laksi, grøn­lendskum rækjum, íslendskur skyr og donskum frí­lands­kjøti. Vit hava móta­ sýningar við føroyskari snið­ geving, eins og fleiri aðrir før­oyskir vinnuspírar verða at síggja. Fylla allar sansir Steintór hevur í skjótt nógv ár verið ein av høvuðs­fyri­ skip­ar­unum av Summar­ festival­inum í Klaksvík, og hann hevur eisini verið við til at skipa fyri hópin av øðrum hend­ingum og útgávum. Tí kennir hann sjálvandi væl til tær óvissur, sum eru knýttar at slíkari verkætlan, men nú vit telja dagarnar nið­ur til Frigg, situr hann kort­ini við eini góðari kenslu. – Vit fáa ikki gjørt so nógv miera, enn at vit syrgja fyri kørmunum til festivalin. Her hava vit roynt at gjørt okk­ ara, so tey vitjandi kunnu fylla allar sansir, umframt at hetta gjarna skal vera eitt til­tak, sum kann byggja brýr mill­um norðanlond. Tað kann væl vera, at vit hesa ferð hava høvuðsdentin á Føroyar, Ísland og Grønland, um­framt at Medina avgjørt er eitt av størstu donsku nøvn­unum yvirhøvur, men tað í sjálvum sær nýtist ikki at vera eitt varandi konsept. Tað kann væl vera, at vit næsta ár hava okkurt stórt svenskt navn á skránni, og at fokus verður eitt lítið sind­ur øðrvísi. Men grund­ setn­ing­urin verður tó alla tíðina óbroyttur. Í Før­ oyum hava vit seinnu árini sæð óteljandi spírar innan tónleik, sniðgeving, íverk­ setan og mentan, og tað ræður um at geva hesum ein so góðan pall, sum vit á nakran hátt kunnu. Tað er sjálvt kon­sept­ið í hesum, og so mugu vit jú síggja, um hetta skal eitt sindur henda ella hand­an vegin, heldur Steintór. Og so slepst ikki undan at nevna, at í mun til eitt nú Summarfestivalin, so er vandin fyri órógv frá náttúr­ unnar hond ikki heilt tann sami. – Sjálvandi kunnu vit ikki garantera fyri veðrinum. Men sannlíkt er veðrið gott og turt í Keypmannahavn í mai mánaði. Sjálvandi kann tað regna, og tað er ikki víst, at sólin bakar, men tað verð­ ur neyvan talan um um­ støður, sum vit onkra tíð hava sæð í Føroyum. Skuldi tað komið hartil, at vit fáa sama ódnar­veður, sum vit høvdu á Vágsbøi í 2007, ella kanska sama regn sum í 2011, so er spurn­ingurin kanska, um eg ikki eigi at leggja frá mær sum festival-fyriskipari, sigur Steintór Rasmussen. jakup@sosialurin.fo Frigg-festi­val­urin verður hildin í Kongens Have í danska høvuðs­stað­num