mikudagur 23. apríl 2014síða 53

Sosialurin nr. 46 · 24. apríl 2014 13 VIKUSKIFTI Tibidabo Tivoli Ein uttanlandsferð er ikki fullkomin, fyrrenn tú vitjar í tivoli. Í Barcelona eitur tivoliið Tibidabo, og her finnur tú sjórænarar, nýmótans og eldri tivoliferðir, og eitt fantastiskt útsýni yvir býin. Adressa: Plaza del Tibidabo 3-4 Bara opið um vikuskiftini í vár og heyst Hygg inn á www.tibidabo.cat FC Barcelona savnið & Camp Nou Tour Ein fótbóltsdystur við FC Barcelona stendur óivað høgt á listanum hjá nógvum – um tað ikki ber til, er hetta heilt víst eitt gott nummar tvey. Á Camp Nou Experience sleppur ein afturum sjálvt stadion at vitja skiftirúmini, plássið hjá forsetanum, og at ganga út á vøllin, har sum spælarirnir ganga. Adressa: Aristides, Maillol 12-18 Savnið er opið frá 10.00-18.30 Parc Guell Barcelonasonurin Antonio Gaudí hevur gjørt nógv kend hús í býnum. Men køirnar eru oftani langar at koma inn, og tí er Parc Guell eitt betri hugskot fyri barnafamiljuna, ið vil síggja okkurt av verkinum hjá Gaudi. Fyri børn verða túrar eisini gjørdir, har spøl læra børnini um verkið hjá Gaudí. Adressa: Casa del Guarda, Park Güell Opið frá 11.00 Zoo Barcelona Yvir 4000 djór, delfinframsýning og stórt spælipláss er í djóragarðinum í Barcelona. Serligir túrar eru fyri børn, har lívið hjá djórinum verður lýst. Adressa: Parc de la Ciutadella Djóragardurin er opin frá 10.00-19.00 At hugsa um tá tú ferðast við børnum: • Vel eitt hotell við rúmligum kømurum. Tað ger ferðina betri fyri bæði børn og foreldur • Tak ein lítlan vogn við til tey minnu børnini. Gott, um tey skulu sova eina løtu, ella um tit eru úti um kvøldið. • Ger ting hvør sær – so at mamman sleppur at royna klæði, meðan pápin er á spæliplássinum, og umvent tá pápin vil til fótbólt – ella líknandi. • Tak ein lítlan bólt við. So kunnu tit altíð spæla eitt sindur, um tit koma til ein grasvøll. • Et ein góðan døgverða um dagin, í staðin fyri um kvøldið. Tá eru børnini betri fyri, og máltíðin gerst hugnaligari fyri øll. Á Camp Nou er pláss fyri 100.000 áskoðarum Hesin fílurin er ein av 4.000 ymiskum djórum, ið eru at síggja í Barcelona Zoo Parc Güell er eitt barnavinarligt høvið at síggja verkini hjá Antonio Gaudi