mánadagur 28. apríl 2014síða 14

Mánadagur 28. apríl 2014 · Nr. 47 14 Sosialurin Hugskot og viðmerkingar – send sms til 225000 ítróttur Fótbóltur Løgmanssteypið Hilmar Jan Hansen Tríggjar ferðir var Arnbjørn T. Hansen á rætta staðnum til røttu tíðina, og tað skuldi vísa seg at gerast mun­urin á EB/Streymi og NSÍ, tá liðini fyri aðru ferð í eina lítla viku møttust við Margáir og plássið í hálv­final­uni í kappingini um Løg­mans­ steypið stóð upp á spæl. EB/ Streymur vann 4-3 eftir um­ dyst og er áttanda árið á rað í hálv­finaluni í steypa­kapp­ ingini! Tá Arnbjørn og lið­felagar­ nir vaknaðu, vóru bara einir tólv minuttir eftir av dyst­ inum. Fyrst minkaði Niels Pauli Danielsen um munin við einum dundurfluktara, áðrenn Arnbjørn fyrst bleiv leysur innan fyri verjuna hjá NSÍ og síðani eftir eitt inn­ kast saksasparkaði bóltin í málið til 3-3 og umdyst! Dysturin hevði annars verið javnur at byrja við, men gestirnir vóru næskari og eis­ini meira avgjørdir, tá týð­andi bóltar skuldu vinn­ast, og mitt í fyrra hálv­ leiki bragdaði fyrstu ferð, tá saman­spælt úti í høgru síðu endaði við, at bólturin kom innfyri og endaði hjá Árna Frederiksberg, sum smekk­ aði til í málið. Síðani gjørdi Klæmint A. Olsen um seg við tveimum skallarum, øðrum beint fyri stegðin og hinum eitt korter inn í seinna hálvleik, og so var NSÍ á odda 3-0. Og áðrenn EB/Streymur nakrantíð av álvara kom í nánd av at fáa mál, kundi NSÍ havt skorað bæði eina og tvær ferðir… Fimm minuttir inn í um­ dystin, sum mátti spælast eftir 3-3 javnleikin í vanliga dystinum, gjørdi Arnbjørn T. Hansen vart við seg við sín­ um triðja máli, ið fullførdi hans­ara reina »hat-trick«, tá hann í tveimum atsóknum fekk sent bóltin í NSÍ-málið enn einaferð til 4-3, sum eis­ ini bleiv endaliga úrslitið. Okkurt serligt Eftir dystin kundi høgri bakk­ur hjá sundalags­ monn­um, Jónas Þór Næs, stað­festa, at hann nú hevði fingið sjón fyri søgn, at EB/ Streymur er eitt steypalið úr ser­ligum tilfari: – Ja, teir siga, at okkurt serligt er við steypa­kappingini og EB/ Streymi, og tað fekk eg so at føla hesaferð upp á tann góða mátan, segði hann. Jónas ásannaði, at tað sá ikki gott út hjá EB/Streymi í fyrra hálvleiki og væl inn í seinna hálvleik, tí spælið var ov vánaligt, men afturfyri var tað ótrúliga stuttligt at sleppa at venda dystinum so­leiðis. – Sjálvt um vit ikki hava spælt væl, havi eg ongantíð følt tað, sum at dysturin var liðugur í ótíð, tí har eru kvikir menn frammanfyri, sum altíð kunnu skora eitt mál upp á smáar kjansir. Vit eru altíð við, og tíbetur bleiv tað hesaferð til okkara fyri­ mun, segði hann og viðgekk, at tað kundi verið endað heilt øðrvísi: – Tá tað var 3-0, fór Egil fram í álopið, men longu tá kundi NSÍ gott fingið okkurt mál aftrat og vunnið dystin, tí teir høvdu stórar kjansir, áðrenn vit komu í gongd. Men so fekk Niels Pauli hatta málið, sum kveikti vón hjá okkum og nervar hjá NSÍ, og tá vendi dysturin. Tað var heilt fantastiskt! Betri báðar ferðir Var frøin stór á sunda­lags­ monnum eftir fjórðings­ finalu­sigurin, vóru gestirnir úr Runavík tilsvarandi vón­ brotnir, tí teir vóru á sigurs­ kós so leingi og skuldu havt lukkað dystin, áðrenn EB/ Streymur nakrantíð kom í gongd. – Skuffilsið er sjálvandi øgiliga stórt, tí vit høvdu tað í pottinum, tá vit vóru á odda 3-0 og høvdu tamarhald á tí heila, so vit fyri tað saktans kundu verið frammanfyri við enn fleiri málum, stað­ festi hjálparvenjarin hjá NSÍ, Helgi L. Petersen, eftir dystin. – Nú standa vit við ong­ um, og tað er øgiliga keðiligt. Teir kastaðu alt eftir okkum, bókstaviliga, við sínum longu innkøstum inn til Pól Jóhannus Justinussen, og so høvdu teir Arnbjørn T. Hansen har, sum avgjørdi tað í dag. Tað sá ikki gott út hjá teimum, men nú eru teir í hálv­finaluni, og tað er flott. Hóast tapið eftir um­ dystin í gjár, heldur Helgi seg kunna staðfesta, at NSÍ nú í tvær 90 minuttir á rað hevur spælt javnt ímóti EB/ Streymi, uttan at standa nakað aftanfyri – heldur tvørturímóti: – Vit hava verið klárt betri enn teir báðar dystirnar, og tað kunnu vit taka við okk­um. Men teir eru í hálv­ finaluni og tað eru vit ikki, so tað kunnu vit bara iðra okk­um um. Eg haldi tó, at vit taka okkum fram fyri hvønn dyst, so alt sær ikki bara svart út allíkavæl, segði Helgi L. Petersen. hilmarjan@sosialurin.fo Arnbjørn avgjørdi alt (0-2) 3-3 4-3 (eftir umdyst) 0-1: Árni Frederiksberg 22. 0-2: Klæmint A. Olsen 45. 0-3: Klæmint A. Olsen 66. 1-3: Niels Pauli Danielsen 79. 2-3: Arnbjørn Hansen 81. 3-3: Arnbjørn Hansen 89. 4-3: Arnbjørn Hansen 95. Dómari: Petur Reinert EB/Streymur René Tórgarð – Jónas þór Næs, Egil á Bø ■, Marni Djurhuus, Gert Hansen (Rógvi E. Nielsen, 78. ■) – Høgni Madsen, Niels Pauli Danielsen, Pól Jóhannus Justinussen ■ – Gunnar Zachariasen (Leif Niclasen, 61.), Arnbjørn Hansen, Hans Pauli Samuelsen NSÍ Andras Gango – Jónhard Frederiksberg, Jens Joensen (Debes Danielsen, 96.), Per Langgaard, Einar Tróndargjógv – Magnus H. Olsen ■, Sjúrður Jacobsen (Haraldur R. Højgaard, 103.) – Andy Olsen (Meinhard Olsen, 115.), Jann Martin Mortensen, Árni Frederiksberg ■ – Klæmint A. Olsen Hóast EB/Streymur var við undirlutan meginpartin av dystinum ímóti NSÍ, kendu sundalagsmenn sína vitjunartíð, og teir kundu prísa seg lukkuligan fyri at hava Arbjørn T. Hansen í sínum parti, tí hann vann teimum dystin og hálvfinaluplássið Jens Joensen í miðverjuni hjá NSÍ var so óheppin at koma fyri, tá Arnbjørn T. Hansen hjá EB/Streymi skoraði avgerandi málið í dystinum, at hann mátti út á børu og í røntguna. Seint í gjárkvøldið komu tó boð um, at hann hevði keikt fótin og ikki brotið hann, sum fryktað varð fyri av fyrstan tíð Mynd: Pætur Albinus Myndir: Álvur Haraldsen