mánadagur 28. apríl 2014síða 15

15 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 28. apríl 2014 · Nr. 47 ítróttur Tróndur Arge – Gøta Tað var einki at taka feil av, tá Finnur Justinussen stutt fyri tíð bleiv spældur leysur móti málinum hjá KÍ. Seinasta steypavónin á hes­ um sinni stóð at bresta, tí Finnur Justinussen hevur funnn­ið máltevið aftur. Støðan er 2-0 og KÍ hevur roynt sítt, men sjáldan er tað vandamikið frammanfyri mál­inum hjá Geza Turi. Finnur Justinussen leggur sær bóltin til rættis við bring­uni og skjýtur hann í málið til 3-0. Fjórðingsfinalan mill­ um Víking og KÍ er av­gjørd. Víkingur hevur enn eina ferð kós móti Løg­mans­steyp­ inum, sum teir hava vunnið tríggjar ferðir síðani GÍ og LÍF løgdu saman í 2008. Teir eru tvífaldir steypa­vinn­arar, og hava framvegis møgu­leik­ an at vinna Løg­mans­steypið fyri triðju ferð upp í slag. Víkingur í umstilling Sjálvur dysturin var ikki væl spældur, men tað vóru nøkur áhugaverd taktisk ting at halda eyga við. Víkingur hevði heilt klárt eina ætlan um at trýsta KÍ liðið heilt upp á hálvuni hjá teimum, men komu klaksvíkingar burt­ur úr fyrsta trýstinum, so bakk­aði restin av Víkinga lið­num heilt aftur í egnan brotsteig. Hetta skapti tvær støður. Ein støða var, at Víkingur vann bóltin og royndi seg við mót­álopi, ella umstilling, sum tað eisini verður kallað. Tað eydnaðist á góðari leið, men skotini frá millum ann­ að Halli Hansson rakti ikki málið. Ein onnur óneyv skot­ roynd, hesa ferð frá Filip Djordjevic, endaði fyri føtur­ nar á Finni Justinussen, sum aftaná tríggju minuttir kundi prika bóltin í málið til 1-0. Hin støðan var, at KÍ spældi seg inn á hálvuna hjá Víkingi, sum bakkaði undan. Tað endaði við onkrum hiss­ini innleggi, sum Atli Gregersen og Súni Olsen ikki høvdu stórvegis trupulleikar av. Tíðliga í seinna hálvleiki kom Víkingur upp á 2-0, tá Geza Turi setti gongd í eitt skjótálop. Tað endaði við, at Hanus Jacobsen sendi bólt­in upp í málhornið, eftir upp­ spæl í høgru. Víkingur fekk løn fyri allar málroyndirnar teir høvdu og skjóta álopsspælið. Tannleyst KÍ álop Tveir dystir upp í slag hevur KÍ spælt við tveimum fram­ herjum. Tað hevur eydnast væl og liðið hevur vunnið báðar dystirnar. Í gjár riggaði einki við tveimum fram­herjum. Víkingur hevði tamarhald á miðjuni, har Atli Danielsen og Ndende ikki megnaðu at verja fyri Víkinga álopunum, og megn­ aðu heldur ikki at seta nakað í gongd. Størsti trupulleikin hjá KÍ í fyrra hálvleiki var, at liðið kom ikki fram til nakrna líkinda møguleika. Hvørki Páll Klettskarð ella Rodrigo Silva fingu nakað burturúr, meðan Henry Heinesen hevði ein óhepnan dag á høgra vongi. So var bara Hjalgrím Elttør eftir, sum royndi sítt frá vinstra vongi. Í seinna hálvleiki skifti Eyðun Klakstein, venjari hjá KÍ, til 4-3-3, har Rodrigo Silva fór á vinstra vong og Hjalgrím Elttør var tann fremsti av trimum mið­ vallar­um. Tað tóktist rigga væl betri. Liðskiparin var eis­ini um reppið at javna, tá hann royndi seg við skoti, sum Geza Turi akkurát fekk beint á stongina. Ólukku tíð fyri KÍ, so kom Víkingur upp á 2-0 bara min­uttir seinni. Hetta var ein spann av køldum vatni so beint í andlitið á KÍ, sum hevði ringt við at fóta seg aftur. Spælið var nú á eini góð­ari leið, men Víkingur hevði eisini dystin júst har teir vildu. KÍ hevur í Jonas Flindt Rasmussen, Sørmundi Kalsø, Ndende og Atla Danielsen eitt sterkt grundarlag fyri at verja, men í gjár stóð verju­ partinum ikki sterkur. Víkingur klókari Í landskappingini vunnu KÍ og Eyðun Klakstein á Sigfríða Clementsen og Víkingi. – Eitt ella annað stað, so haldi eg at vit kunnu siga, at teir klóku vunnu í dag. Um vit siga at Eyðun var klók­ari enn eg seinast, so javnaðu vit út aftur í dag, sigur Sigfríður Clementsen, sum ikki hevur roynt at tapt í steypa­kapp­ ingini við Víkingi enn. Víkingur hevur ikki tapt í steypakappingini síðani 2011. Tað stendur við enn og tað gera málini hjá Finni Justinussen eisini. Hann hev­ur nú skotið fýra mál í tveim­um dystum. trondur@sosialurin.fo Fótbóltur Løgmanssteypið Tannleyst KÍ lið endaði í steypafellinum hjá Víkingi (1-0) 3-0 1-0: Finnur Justinussen 8. 2-0: Hanus Jacobsen 49. 3-0: Finnur Justinussen 90.+2. Dómari: Lars Müller Víkingur Geza Turi - Sámal Jákup Joensen (Heðin Hansen, 83.), Atli Gregersen, Súni Olsen, Erling Jacobsen – Hallur Hansson, Hans Jørgen Djurhuus – Sølvi Vatnhamar, Hansus Jacobsen, Finnur Justinussen – Filip Djordjevic (Ingi Sørensen, 60.) KÍ Meinhardt Joensen – Jóhan Jacobsen, Jonas Flindt Rasmussen, Sørmundur Kalsø ■, Tórur Justesen (Heðin á Lakjuni, 46.) – Henry Heinesen (Heðin Klakstein, 83.), Atli Danielsen, Ndende Adama Guéye, Hjalgrím Elttør – Rodrigo Silva (Ísak Simonsen, 72.), Páll A. Klettskarð Vánaligar málroyndir, skjótálop og málnøsin hjá Finni Justinussen tryggjaðu í gjár, at stolta steypasøgan hjá Víkingi heldur fram, meðan KÍ 15. árið á rað ikki vinnur Løgmanssteypið Myndir: Álvur Haraldsen