mánadagur 28. apríl 2014síða 46

22 nr. 4 I 28. apríl 2014 Vinnublaðið hjá Miðlahúsinum Føroyskir sniðgevar og skapandi vinnur Innan móta og sniðgeving er rákið til fyrimuns fyri tí eksotiska og serliga tí norðurlendska. Norðurlendskt er tað heilt stóra. Føroyskt er in. Tað gevur føroyskum sniðgevum viðvind á heimsmarknaðinum Marjun Dalsgaard øroyar eiga sera evnarík fólk innan films­list, tónleik brúkslist og sniðgeving. Tað er í heilum, at føroyingar traðka fram á altjóða pallin og vísa seg at vera í heims­ klassa innan allar møguliga skapandi vinnur. Millum bestu sniðgevar, sum hava vunnið fótafestið á altjóða pallinum, eru Barbara í Gongini, ið selur um allan heim og um­setur fyri milliónir, og Guðrun & Guðrun, ið somuleiðis hava lagt heimsmarknaðin undir seg og sum nú av álvara eru á veg til Tokyo. Ein undirskóg av smærri kreativum snið­gevum við nýskapandi verkætlanum síggja somuleiðis dagsins ljós. Bundnir steinar, troyggjur til stólar og onnur ný­hugsandi hugskot eru at síggja. Vit hava tosað við nakrar av sniðgevunum innan skapandi vinnuna, harímillum Elsu Bech, sum hevur bústað í Svøríki og Ann Højgaard Slot, sum býr í Århus og Guðrun Ludvig í Tórshavn. Tríggir snið­ gevar, sum eru ymisk støð á yrkis­leiðini. Íblástur úr Føroyum Allar hava tær tað til felags, at Føroyar virkar sum ein drívmegin, íblástur ella frírúm, har skapandi megin fær fríar ræsur. Arbeiðið við sniðgeving er ein ferð í fleiri stigum við ymiskum royndum við litum, strukturi og toyi. Íblásturin er kenslur og upplivingar úti í verð og heima – og ofta í møtinum millum mót­setningar­nar. Eitt nú mót­setningarnar millum støð, sum Tórshavn og New York, ella toy, sum blondur og ull, ella tað kann vera heim­longsulin og alsk til Føroyar hjá teimum, ið er búsitandi uttan­landa. Mót­setningar, ið møtast, kontrastir, ið verða settar saman, møtið millum tað harða og tað bleyta við rót í føroyskari mentan, før­oyskari bindi­mentan, før­oyskari rávøru og før­oyskari náttúru er felagsnevnarin, tá hesir føroysku snið­ gevararnir arbeiða. Tær marknaðar­føra seg sum føroyskar, og tær marknaðar­føra Før­ oyar við hvørjum luti, sum tær fram­leiða. Tó er ikki altíð lætt at hava við Føroyar at gera. Tollur, GATT- tollur, av­greiðslu­ av­gjøld frá posta og aðrar forðingar standa í vegin hjá teimum smáu, sum royna at fóta sær. Ofta ein frummskóg av ørkymlandi reglum, sum ein, sum brúkar sína orku upp á skap­ andi megina hevur ilt við at gjøgnum­skoða. F Vinna hevur prátað við føroyskar sniðgevar, sum eru ymisk støð á yrkis­leiðini, har endamálið er at sleppa at liva av tí, sum teimum dámar allar best at gera Tað norðulendska er in fyri tíðina og Føroyar eiga nakrar av teimum størstu norðurlendsku sniðgevunum. Guðrun & Guðrun og Barbara í Gongini eru saman við fýra íslendskum og trimum grønlendskum sniðgevum í hesum døgum valdar út til eina listaframsýning í Frankfurt, har myndir eru gjørdar við útgangsstøði í teirra søgu og verki. Myndin er úr bókin Weather Diaries og heitið er »Barbara í Gongini, The Others«