mánadagur 28. apríl 2014síða 51

27 Vinnublaðið hjá Miðlahúsinum nr. 4 I 28. apríl 2014 ollmarkið er 300 krónur við porto, tá tú situr í Føroyum og keypir á net­inum. Tað merkir, at tað als ikki loysir seg hjá føroyingum at keypa á netinum. Elsa Bech er snið­gevi, búsitandi í Svøríki, men flestu av hennara kundum búgva í f Føroyum. Hon er bangin fyri, at tað kann vera ringt hjá kundum at gjøgnum­skoða prísirnar á netinum, tí tollmarkið í Føroyum er so lágt, at tað kemur tollur á alt. Haraftrat verður avgjald fyri hand­faring av pakkanum lagt á frá Posta. Sostatt kann ein kundi koma út fyri at keypa eitt turri­klæði fyri 300 krónur, men enda við at gjalda 600 krónur. – Hetta er ein stórur trupulleiki hjá mær, tí tollmarkið er so lágt, at mínir kundar kunnu næstan einki keypa uttan at fara upp um tað. Hvat kanst tú fáa fyri 299 krónur í dag? Kanska eina T-shirt, sigur Elsa. Hon heldur, at toll­markið átti at ligið á umleið 2.000 krónum. – Nógv tann stórsta sølan hjá mær er um­ vegis netið, men nethandil til Føroya kanst tú ikki hava nógv av, um ikki tollmarkið hækkar, sigur hon. Umframt netið verða hennara vørur seldar gjøgnum Sirri í Føroyum. Síðst í maj letur Elsa Bech handil upp í Malmø, og hon droymur um at lata ein handil upp í Føroyum eisini. Fyrsta kollektiónin Eftir at hava fingið tvey børn á rað, hevur Elsa Bech verið á barsil í nøkur ár, og er nú aftur til arbeiðis við fullari megi. Hon hevur gjørt sína fyrstu kollektión og hevur verið á messu, har stórur áhugi hevur verið fyri klæðunum hjá henni, fortelur Elsa Bech – Eg kenni tað, sum nakrar hurðar lata upp fyri mær nú, og havi góðar vónir, sigur Elsa. Fyri fyrstu ferð fæst hon einans við at snið­geva pløgg, og hon kennir, at fyritøkan er við at takað rætta skap. Vørurnar verða fram­ leiddar í Litavia, og tað er eitt samstarv, sum hon er fegin um. – Fyrr gjørdi eg alt sjálv, men eg eri komin har til nú, at eg einans brúki tíð uppá at snið­ geva, og tað er tað rætta fyri meg, tað er tað, sum eg skal gera, sigur Elsa Bech. Hon hevur fyrr bundið nógv av vørunum sjálv, men er farin heilt burtur frá at binda. – Tað tekur sera langa tíð at binda, og eg kann ikki gera alt tað sjálv, sigur hon. Hon hevur altíð bundið nógv, og hevur eisini funnið nógvan íblástur í at binda, eins og tað at leita eftir rætta toynum kann geva henni íblástur. – Eg gangi nógv á toymessur. Um eg finni eitt klæði, sum eg havi hug til at arbeiða við, byrja hugskotini at taka skap, alt eftir, hvat eg haldi toyi egnar seg til, og hvat eg havi hug at blanda tað saman við, sigur hon. Íblástur í tí føroyska Klæðini frá elsabech eru ein blanding af ráðum og femininum. – Ofta blandi eg tað ráða og tað eleganta ella tað feminina. Eg royni at gera mínar vørur í einum passformi, so nógv kunnu brúka tað, og vil gjarna hava, at har er nakað fyri øll, sigur Elsa. Eins og hinir snið­ gevararnir, greiðir Elsa frá, at hon fær íblástur í Føroyum. – Tað ráða er kanska serliga nakað, sum kemur frá tí føroyska. Fjøllini, mjørkin og sjógv­urin umboða hetta ráða, sum eg so blandi saman við tí mótsatta – tí bleyta og tí ele­ganta, sigur Elsa. Føroyska bakgrundin er av­ger­andi fyri hennara skapandi menning, heldur hon. – Mamma bant nógv, og eg havi altíð bundið nógv eins og eg havi klipt og málað og veri von at skapa. Eg dugdi ikki at seyma tó, men tað var eg púra erlig um, tá eg var til upp­tøkuroynd á designskúlanum, sigur Elsa. Á skúlanum lærdi hon tó at seyma. Tað hevur mangan verið hart arbeiði, men tíðin har hon situr langar nætur og framleiður sjálv er av. Hon ger tað mesta við tekingum og á teldu, og so sendir hon tað til litavska sam­ starvs­felagarnar, sum seyma klæðini. Gott samstarv Samstarvið við framleiðararnar riggar væl og eingir trupulleikar eru við samskiftinum, sigur Elsa Bech. Hon hevur fyrr nýtt fram­leið­ arar í Indien, men tað vóru oftari trupul­leikar við at skilja hvønn annan tá, sigur hon. Hóast at tey, sum seyma, eru langt burturi, er samskiftið lætt og hon kennir, at veitararnir í Litavia eru við í menningini av vørunum. – Hjá mær byrjar tað við, at eg fari á messu. Har finni eg toy, sum eg havi hug at brúka. Eg blandi ofta ymisk materialir saman, og alt eftir, hvat eg finni, byrjar plaggið at taka form. Eg sendi síðani eina tekning til veit­arar­nar í Litavia, og tey senda so tað seymaða klæðið aftur, greiðir Elsa frá. Soleiðis verður arbeiðið gjørt nakrar ferðir, inntil hon er nøgd, og hon setir so plaggið í framleiðslu, til dømis 50 pløgg av hvørjum. – Samskiftið er munandi lættari í dag við maili og iPhone, har tað er lætt at taka eina mynd, tá ein skal greiða frá, hvat ein meinar við, so eg upplivi ongan trupulleika. Tvørtur­ ímóti haldi eg, at vit skilja hvønn annan sera væl, sigur hon. Nakað til øll Elsa leggur seg eftir at gera snið, sum nógvum dáma. – Eg sniðgevi til allar aldursbólkur og vil gjarna hava nakað til øll, sigur hon. Hon hevur áður sniðgivið tilhoyr til klæðir í størri mun. Eitt nú turriklæði, húgvir og so fram­ vegis. Men hesum er hon farin burtur frá, eins og hon er farin burtur frá at binda. At hava eina heila kollektión við samanhangi í er nakað nýtt, og hon er sera spent uppá hetta. At lata ein handil upp ger tað lættari at selja, og hon droymir um at lata ein upp í Føroy­um eisini. – Tá eg havi ein handil, kann eg framleiða beinleiðis í handilin. Har er einki millumlið, og tað er nógv tann lættasti mátin at selja upp á, sigur Elsa Bech. Teir flestu av hennara kundum eru í Føroy­um, men tað er ringt at selja gjøgnum netið til Føroya. Tað er ofta lættari hjá henni, at taka vøru til Føroya, gjalda toll av henni og selja hana í Føroyum. Trupult at selja til Føroya Elsa bech er í holt við at fáa eina fyritøku upp at standa í Svøríki, har hon býr. Nógv teir flestu av hennara kundum búgva í Føroyum, men tað er trupult at selja til Føroya, sigur hon Marjun Dalsgaard T Elsa Bech stendir fyri merkinum elsabech. Hon sniðgevur klæðir, sum hon selir á netinum, men hon fer har­ aftrat at lata ein handil upp á Malmö á Kockumsgatan 2, Davidshall Torg. Elsa Bech er útbúgvin á Columbine Skolen í Keypmannahavn og hevur har­aftrat eina útbúgving sum design teknolog á KEA í Keypmannahavn. www.elsabech.dk Fakta