hósdagur 1. mai 2014síða 38

Sosialurin nr. 49 · 2. mai 2014 6 VIKUSKIFTI Hvat er starv títt? Stjóri í Sp/f SMAKKA og yogalærari í Yogahúsinum. Hvørja uppliving í starvinum minnist tú best og hví? Nú er SMAKKA spildurnýtt felag, sum byrjar við at gera nýggja kafé í Norðurlandahúsinum. Tær bestu upplivingarnar higartil eru tá ið vit fingu at vita, at vit vunnu útboðið um kaffistovuna, og tá ið vit gjørdu avtalu um samstarv við Hafnia. Hvat er gott við starvinum? At fáa møguleika at byggja eina fyritøku upp heilt frá botni, sum hevur til endamáls at menna útboðið av vælsmakkandi heilsugóðum mati. Hvønn tónleik dámar tær best? Alt eftir hvat høvi er, elski góðan tónleik. Mær dámar t.d. væl sendingar hjá Kára Sverrisyni, Meinhardi Jensen og Edvard Nyholm Debes. Hvat ger teg í góðum lag? Várið, tá alt sprettir á foldum, men eisini skifti til hinar árstíðirnar, og tá ið eg hugsi um alt eg havi at gleðast um, serliga mina familju og vinir. Hvat ger tú í frítíðini? Við smábørnum fer mesta tíðin saman við teimum. Vit fara ofta smáar túrar og hava onkuntíð matpakka ella døgurðan við okkum. Ferðast tú í egnum landi? Ja, men sum so nógv onnur kundi eg gjørt meira av tí. Vit fara tó næstan hvørt summar onkran tjaldtúr og undir Hamri í Froðba er og hevur altíð verið mitt yndisstað. Hevur tú húsdjór? Ja, ein kritahvítan, næstan 14 ára gamlan frens, sum eitur Ké Er tú til aktiva feriu ella vil tú sleikja sól á strondini? So avgjørt til aktiva feriu, men eg hevði ikki takka nei til eina fríviku á strondini just nú Hvørjum hyggur tú eftir í sjónvarpinum? Síggi ofta barnasendingar og tær føroysku sendingarnar. Hvønn ítrótt dámar tær best? At hyggja at dámar mær best fimleik, dans og list­ skoyting, sjálv dámar mær at renna, dansa og spæla hondbólt, tó at eg havi ikki spælt hondbólt síðani er var heilt ung. (Yoga verður ikki roknað sum ítróttur). Hvat er tín lívrættur? Vælgjørdir grønmetisrættir, frískt grønmetisdjús við nógvum ingiferi, og rísgreytur við kaneli. Eg elski eisini ræst kjøt og ræstan fisk, men eti tað ikki serliga ofta. Hvør bók liggur á náttborðinum? Nógvar ymiskar bøkur liggja opnar. Fyri tíðina verða nógvar kókibøkur lisnar og bøkur um barnauppaling. My experiments with Truth hjá Mahatma Gandhi liggur eisini á náttborðinum og á kindle’inum havi eg í eina tíð verið í gongd við at lesa Anna Karenina hjá Tolstoy. Sigst, enn óváttað, men hvat ger tað? Havi frætt, at eitt upp­ skot er á veg úr hægri staði um nýtt heiti til vikuna fyri páskir, so siga nøkur, tí ósemja er um, antin ein vika byrjar sunnu­dag ella mánadag, og byrja páskirnar hósdag ella sunnu­dag? Ruðu­ leikin er við at gerast full­komin. Men, vikan, vit tosa um her, er stilla vikan, dymbildaga­vikan, men okkara millum stilla vikan. Eggini verða rullað annan páska­dag, tí einki buldrar so øgiliga sum eitt harðbalið egg, sum fer í knús. Mammon, hasin háli fanin, vann borgarakríggið um jólini, hoyrdi eg í Útvarpinum herfyri. Nú er bara ein megahøgtíð eftir hjá teimum kristnu, funda­ menta­listiskum og lunkaðum. Men nú er næst størsta religión­in farin at hótta páskirnar. Stilla vika skal tí brúkast til at stilla kanónirnar. Hon skal eita stillingarvikan. Skrúva og snara og sikta eftir teimum, sum ikki trúgva rætt. Í ár brustu kristindómurin og ítróttin saman um skírisdag, tí kirkjutíðin bráddliga varð longd nakrar timar pluss summartíð, so handbólturin noyddist at taka eitt alt ov langt timeout. Ítróttin bakkaði, men tað verður neyvan aftur. Í ítrótti er loyvt at banna og blóta, sparka og royta og hava aðrar gudar, tá dómarin ikki hoyrir ella sær. Men Gud hoyrir og sær alt, eisini uttan fyri óvan­ liga kirkju­tíð. Eingin finala fyrr enn klokkan hevur sligið seinastu ferð, og dómarin bríkslað fyrstu ferð. Øgiligur gangur í stillu viku. Vána taktikkur hjá kirkjuni kort­ini. Fólk durva skjótari ella sovna eftir ein rimmar páska­ døgurða enn seint fyrrapart, millum ábitið og døgurðan við heitari sós og súltutoyi. Hetta er seinasti skansin hjá løggildu skattafíggjaðu sálar­ hjálpini. Og hann skal sjálvandi verjast. Og, sum tey siga í ítrótti, álop er besta verjan. Útvísing í miðjari útgangsbøn. Og so skuldi enn eitt meistara­ verkið úr Hollywood vísast í før­oyska sjónvarpinum, men tað langa fríggjakvøld. Tó ikki fyrr enn børnini vóru farin í song, ella áttu at verið farin í song. Ikki tí at børnini og aðrar veikar sálir tola ikki at síggja Jesus. Nei, tí so nógvur harð­ skapur er í filminum. Síðani nær hava børn ikki tolað at sæð fiktivan harðskap? Í ongum filmum er so nógvur harðskapur sum í teknifilmum, tekni­filmum fyri børn. Teir verða vístir, áðrenn børn­ ini fara í song. Tey í kirkjuni hjá fólkinum eru so ill um filmin um Jesus, tí hann sigur vist ikki somu søguna um Jesus enn ta 1900 ára gomlu, sum er sannleikin for ever og ikki pilkast skal við. Sannleikin er altíð fremri enn fiksjónin, skald­ skapur, lygn, hugurin at gera seg upp og lata Jesus svíða fyri tað. Latið hann nú fáa frið, gravar­ frið. Men, sum sagt, fyribils er støðan 1-0 til kirkjuAliðið. Sein­ asta bríkslið hevur tó ikki skrætt tøgnina í stilluviku. Og bólturin er líka rundur sum jørðin var fløt, tá tey kristnu bardu seg upp í fremstu deildina. Fólkaræðið er í vanda. Føroyar eru ein politikoloni, og tí er eingin kriminalitetur her. Tað var ikki hildið vera ágangur á demokratiið fyrr, tá øll í Føroyum avlurtaðu Tórshavn Radio og loggaðu til slatur og sleyg. Men tá var loggingin ikki upp­funnin og Kaj Leo var ikki løg­maður, og heldur ikki tá var nakar kriminalitetur, sum verdur er at tosa heim um í avlurtaðari telefon. Størsti trupulleikin við fólka­ ræð­inum eru annars politikarar­ nir, sum fólkið velur at ráða í fólka­ræðinum. Fólkaræði er kriminielt. Men revsiramman er max fýra ár, so vit tosa ikki um harðan kriminali­tet. Umafturafturum høgni djurhuus Móðurmálsviðursløn 2012 Hildur Eyðunsdóttir lagt til rættis: Leo Poulsen Várið tá alt sprettir á foldum ger meg í góðum lag Tað sigur Hildur Eyðunsdóttir, sum við nýggja felag sínum júst hevur vunnið útboðið um kaffi­ stovuna í Norðurlandahúsinum. Við smá­børnum fer mesta frítíðin, og vælgjørdir grønmetisrættir, frískt grøn­metis­djús við nógvum ingiferi, og rísgreytur við kaneli, er hennara lívsrættur Churchtime-out