mánadagur 5. mai 2014síða 13

13 Mánadagur 6. januar 2014 · Nr. 2 Sosialurin Hugskot og viðmerkingar – send sms til 225000 Mánadagur 5. mai 2014 · Nr. 50 ítróttur Fótbóltur Silkeborg á veg í bestu deildina Felag við føroyskum landsliðsleikara hótt av húsagangi Tað gongur væl hjá Silkeborg í løtuni. Liðið hevur beina kós móti uppflyting í næstfremstu donsku deildini og í gjár eydnaðist tað føroyska landsliðsleikaranum Christian Holst at koma á máltalvuna, tá liðið vann ein týdningarmiklan 0-2 sigur á Brønshøj André Olsen Christian Holst hevur annars gjørt greitt at hann skiftir felag í summar, tá sáttmálin við Silkeborg gongur út. Hin føroyski leikarin á liðnum hjá Silkeborg er Ari M. Jónsson. Ari M. Jónsson hevur verið nógv darvaður av skaða gjøgnum størsta partin av kappingarárinum, men mánakvøldið spældi Ari við eykaliðnum hjá Silkeborg, ið vann 4-1 á AC Horsens. Tað eydnaðist eisini Ari M. Jónsson at koma á máltalvuna. Vejle spældi málleysan javnleik Vejle Boldklub hevði før­ oyska landsliðsleikaran Viljormur Davidsen á vølli­ num allar 90 min­uttirnar, tá teir á heimavølli spældu málleysan javnleik móti HB Køge. Heimasíðan hjá Vejle gjørdi eina samrøðu við Viljormur aftaná dystin og tá segði hann soleiðis um dystin. – Vit spæla ein forferdu­ liga vánaligan fyrra hálvleik. Vit koma ikki inn í okkara fyrsta press, vit tapa tví­ dystirnar á vøllinum, meðan teir stýra dystinum akkurát sum teir vilja. Vit gera ov nógvar persónligar feilir og skulu prísgeva okkum lukkuligar, fyri at vit ikki vóru aftanfyri í hálv­leik­ inum. – Í seinna hálvleiki spæla vit væl. Tað er klassamunur á avrikinum hjá okkum í fyrsta hálvleiki og seinna hálvleiki. Vit kunnu vera nøgdir við avrikið í seinna hálvleiki, men avrikið í fyrra hálvleiki iðrar meg nógv. Vejle Boldklub liggur á 7 plássið í næstbestu donsku deildini. Vejle var annars leingi við í oddastríðnum, men eftir at kappingin byrjaði aftaná jól, hevur tað ikki hilnast so væl sum eydnað fyri Vejle Boldklub. Eingin føroyingur á vøllinum í bestu deildini Tveir føroyskir leikarar eru við á liðunum, ið dystast um danska meistaraheitið í ár. Sonni Ragnar Nattestad er fastur partur av hópinum hjá FC Midtjylland, meðan Gilli Sørensen leikar fyri danska felagið AaB. Gilli Sørensen hevur tó verið óheldigur við einum skaða størsta partin av várinum og aftur í vikuskiftinum mátti hann sita uttanfyri við einum skaða í fótinum. Tað er ikki greitt hvussu drúgvur skaðin kann vera. Sonni Ragnar Nattestad sat allar 90 minuttirnar á bonkinum, tá FC Midt­ jylland sunnudagin vann 3-1 á heimavølli móti FC Vestsjælland. Sigurin bar við sær, at FC Midtjylland nú aftur er á fremsta plássinum í bestu donsku deildini. FC Midtjylland eru javnir í stigum við AaB, men FC Midtjylland hevur ein betri málmun. Sostatt er stórur spenningur um danska meistaraheitið, nú tað einans resta 3 umfør. Í Skotlandi vann Mother­ well á heimavølli 2-1 móti St. Johnstone. Gunnar Nielsen sat allar 90 minuttirnar á bonkinum hjá Motherwell, meðan kappingarneytin Lee Hollis vardi málið. Motherwell er á 3 plássið í fremstu skotsku deildini. Teir eru eitt stig aftanfyri Aberdeen, ið liggur á øðrum plássið. Liðini í fremstu skotsku deildini mangla at leika 2 dystir hetta kapp­ ingarárið. post@sosialurin.fo André Olsen Vejle Boldklub taldist millum tey heilt stóru feløgini í donskum fótbólti fyrr í tíðini. Tann støðan er nú eitt sindur broytt, tí tey seinastu mongu árini hevur Vejle Boldklub ferðast millum tilveru í bestu og næstbestu deildini. Og mest av øllum hevur liðið havt eina stabila tilveru í næstbestu donsku deildini. Felagið við teimum stoltu traditiónunum, ið hevur uppalt so stórar stjørnur í donskum fótbólti sum Allan Simonsen og John Sivebæk er nú hótt av húsagangi. Í einum opnum brævi frá nevndini til áskoðararnir sigur nevndin at um felagið í minsta lagi ikki fær 4 milliónir krónur inn í næst­ um, er felagið hótt til at lukka tí professionellu deild­ ina hjá fótbóltinum.  Føroyski landsliðsleikarin Viljormur Davidsen er ein partur av hópinum hjá Vejle Boldklub.  Viljormur Davidsen sigur seg tó onga viðmerking hava til støðuna og sigur at leikararnir einans kunnu hugsa um tann ítróttarliga partin. –      Eg havi onga við­merk­ ing til støðuna í felagnum. Vit leikarar kunnu einans hugsa um tann ítróttarliga partin. Vit gera tað so væl sum vit kunnu til venjing og tað er eitt gott samanhald á liðnum. – Eg vóni at felagið fær teir pengarnir inn sum mangla, tí eg trívist væl í felag­num og vit leikarar gleða okkum at spæla teir seinastu dystirnar í hesum kappingarárinum.  post@sosialurin.fo