mánadagur 5. mai 2014síða 24

Mánadagur 5. mai 2014 · Nr. 50 24 Sosialurin Hugskot og viðmerkingar – send sms til 225000 Vilmund Jacobsen KJ Hydraulik skal byggja ikki færri enn seks alibátar í ár, harav hin seinasti, sum verður latin í desember, verður nummar 38 í røðini í søgu felagsins. Tilsamans vórðu 17 bátar bygdir á Eiði, og síðan hevur KJ bygt 21 bátar aftrat. Í løtuni standa hesir báðir skrokkarnir, sum eru á myndini, á Kambsdali, har teir skulu gerast lidnir til føroyskar alifyritøkur. KJ hevur eitt gott samstarv við skipasmiðju í Letlandi, har stálarbeiði til teir mongu seinastu bátarnar er gjørt. - Men, tað eru vit, sum eiga tekningarnar og alt konseptið, sigur KJ. 35 miljónir Skrokkarnir við dekki og húsi koma, sum myndin vísir, tómir heim úr Letlandi, og síðan verður alt arbeiði, íroknað sandblásing, máling og allar instalatiónir, gjørt her heima. Teir seks alibátarnir, sum KJ Hydraulik skal byggja í ár, merkja ein umsetning í fyritøkuni á umleið 35 miljónir krónur. - Hin fyrsti báturin varð latin Luna í januar. Haraftrat byggja vit fýra bátar til Bakkafrost og hin seinasti, sum verður latin í desember, er til Marine Harvest Føroyar. Størstu alibátarnir, sum KJ Hydraulik byggir, eru 14 metrar langir og sjey metrar breiðir. - Vit umboða og instalera eisini kranar, spøl, motorar og annað, sum skal í bátarnar, og nautiska útgerðin verður eisini keypt frá føroyskum veitara, sigur KJ. Umframt tær instaleringar, sum eru í alibátunum, er eisini nógvur hydraulikkur, og er tað nakað, sum KJ eru meistarar í, er tað júst í hydraulikki. 180 aliringar Seinastu 3-4 árini hevur fyritøkan á Kambsdali framleitt umleið 180 aliringar, og bara í ár skulu ringar gerast fyri umleið 11- 13 miljónir krónur. - Fyri tveimum árum síðan vóru teir størstu aliringarnir 128 metrar í ummál, men ringarnir, sum bygdir eru síðan, eru 160 metrar í ummál. So, hetta eru rættiliga stórir aliringar, sum vit byggja á Eiði, sigur KJ. KJ byggir fleiri alibátar Stálarbeiðið til teir mongu seinastu bátarnar er gjørt í Letlandi, men KJ Hydraulik eigur tekningarnar og alt konseptið Hesir báðir alibátarnir standa nú á Kambsdali. KJ hevur avtalur um seks alibátar í ár - fyri umleið 35 miljónir krónur Vilmund Jacobsen Jón Bogi Guttesen er settur sum havn­ar­ meistari við Tvøroyrar Havn. Hann er 35 ára gam­al. Jón Bogi tók við starvinum hin 1. mai eftir Hjalgrím Vester­ gaard. Nýggi havnar­ meistarin er útbúgvin skip­s­førari og hevur siglt úti við Mærsk, um­ framt at hann hevur undir­víst á Sjónámi í Klaks­vík og á Martec í Frede­rikshavn. Hann og familjan eru flutt aftur til Tvør­oy­ r­ar og hava keypt hús í Húsgarði í Trongis­ vági. Tvøroyri nýggjan havnar­ meistara Vilmund Jacobsen Talið av svanum á føroysku vøtnunum kring um landið hevur neyvan í nýggjari tíð verið størri, enn tað er í dag. Ikki tí; at síggja hvítan svan í Føroyum hevur gjøgnum nógv ár ikki verið nøkur óvanlig sjón. Í dag síggjast svanar javnan næstan á hvørjum vatni, og vøtnini eru mong í tali. Minni vanligt er at síggja svartan svan. Fyri eini tíð síðan - ella í fyrru hálvu av mars í ár - hevði in.fo ein greinastubba um ein svartan svan, sum var á Vatninum í Vági. - Talan er um eitt svanapar, men tað sjáldsama er, at tann eini svanurin er svartur, meðan hin er hvítur, skrivaði in.fo. Á Skálafirði Sunnukvøldið sat hesin svarti svanurin einsamallur á sjónum innan fyri bátahylin í Skálafirði. Um hetta er sami svanur, sum var á Vatninum í Vági í mars, er ilt at siga, men sunnukvøldið var so eingin hvítur "maki" saman við honum ella henni. Spurningurin er, um svørtu svanarnir í Føroyum eru fleiri í tali - ella, um hesin nú er vorðin stakur. Cygnus Atratus Naturstyrelsen í Danmark veit um svarta svanin - á latínskum "cygnus atratus" - at siga, at hetta er einasta svanaslag, sum er svart. Slagið verður ikki mett at hoyra heima í Danmark, og tí verður roynt at bera so í bandi, at teir ikki gerast fleiri í tali, so náttúrliga javnvágin verður órógvað Svarti svanurin hoyrir náttúrliga heima í Australia. Úr Avstralia til Føroya Sunnukvøldið lá hesin svarti svanurin einsamallur og damlaði í Skálafirði Um svarti svanurin í Skálafirði sunnukvøldið er sami svanur, sum var á Vatninum í Vági í mars, er ilt at siga. Ruddingardagurin verður í Runavíkar kommunu leygardagin hin 10. mai. Økið er stórt, og nógv er at taka upp eftir ein langan og harðan vetur. Sjórænaraflagg á stong við úthúsini á Eiðinum í Nólsoy. Hvat liggur aftan fyri hetta, er ikki gott at vita, men helst er hetta bara barnaspæl.