týsdagur 20. mai 2014síða 33

5 Mikudagur 21. mai 2014 · Nr. 57 Sosialurin Var seks ár til skips Kaj Leo var tilsamans seks ár á sjónum, og tað var eina góð­veður­s­ nátt í Kyrrahavinum, at hann gjørdi av, at hansara lívsstarv ikki skuldi vera á sjónum. - Tað var mánalýsi hesa náttina. Eg stóð og hugdi niður í sjókortið og hugs­aði, at nú hevði eg gjørt mær nakr­ar royndir á sjónum, men at sjógv­urin fór ikki at gerast mítt lív. Eg vildi eisini sleppa at roynda meg í vinnulívinum uppi á landi. Tað, sum var uppi á landi, dró nú meira enn sjógvurin. Eg haldi ikki, at hetta hevði nakað við heimlongsul at gera, men tá eg hugsi um hesa tíð­ina, hevur ítrótturin ivaleyst fylt og drigið nokso nógv í mínum huga­heimi. Eg vildi meira enn bara at vera burtur í sjóvinnuni. Gjørdist fiskasølumaður Kaj Leo sigur, at meðan hann var heima millum túrar, tá hann var í farmaskipasigling, fekst hann eitt nú við at selja bilar hjá Reyni Ser­ vice, og seinni var hann eisini í star­ vi hjá bilasøluni í eitt ár ella so. - Í 1989 fór eg at arbeiða á Føroya Fiska­sølu, og her byrjaði eg við Birgiri Danielsen sum stjóra. Seinni tók Bjarti Mohr við starvinum og at enda Niels Sørensen. Her starvaðist eg árini 1989 til 1995. Eftir hetta fór eg í starv hjá Kósini í Klaksvík, har eg var søluleiðari við Jóhan Páll Joen­sen sum stjóra árini 1995 til 1997. At enda í føroyskum vinnulívi var Kaj Leo samognari í út­flutn­ ings­fyritøkuni Farex í 10 ár. Støðan millum Føroyar og ES Vit spurdu eisini løgmann, nær hann gjørdist politiskt áhugaður - ella, um tað alla tíðina hevur búð ein ávísur politikari í honum. - Nei, eg skonkti ikki politikki ein tanka tey fyrstu nógvu árini av mínum unga og vaksna lívi. Áhug­ in fyri politikki kom ikki, fyrr enn eg kom í starv sum sølumaður í Føroya Fiskasølu. Tað var ikki minst okkara tollviðurskifti við ES við laksi og øðrum fiskaúrdráttum, sum eg helt vera burturvið. Hann sat við stóru kundunum í Evropa og sá, hvussu vónleys støð­ an við høgu tollforðingunum var. Tá birtist ein neisti í honum, og hann sá, hvussu ES ynskti at keypa okkara rávøru, men ikki okkara fram­leiðslu. - Eg vildi gjarna viðvirka til, at vit fingu betri viðurskifti við ES. Or­søk­in til, at eg seinni stillaði upp fyri Sambandsflokkin var, at eg helt, at hesin flokkur best fór at slóða fyri, at Føroyar fingu betri sømd­ir í ES. Tað skal heldur ikki vera nøkur loyna, at tað var Ed­ mund Joensen, sum eggjaði mær til at stilla upp, sigur hann. Politiska gongdin Kaj Leo Johannesen var árini 1997- 2000 býráðslimur í Tórshavnar býráð og hevur síðani 2002 verið løg­tings­maður. Hann varð valdur til land­stýris­ mann í uttanríkismálum í 2004, tá hann eisini gjørdist formaður í Sam­bands­flokkinum. Hin 26. september í 2008 varð hann valdur sum løgmaður fyri ABC-samgonguna. Eftir løg­tings­ valið 2011 helt hann fram sum løg­maður í samgongu millum Sam­bands­flokkin, Fólkaflokkin, Mið­flokkin og Sjálvstýrisflokkin. Í oktober 2011 fór Sjálv­stýris­ flokk­urin úr samgonguni, eftir at Kári P. Højgaard varð koyrdur frá sum landsstýrismaður, men sam­ gongan var nóg stór til at halda fram við hinum trimum flokk­ unum. - Eg gjørdi alt fyri at fáa mína siglingstíð so skjótt sum til bar, tí dreymurin var at fáa eina útbúgving sum skipsførari, sigur Kaj Leo Holm Johannesen, ið fór til skips fyrstu ferð sum 13 ára gamal og sum annars sigldi við línuskipinum Váðasteini í fýra ár. Mynd: Álvur Haraldsen