hósdagur 12. juni 2014síða 6

Fríggjadagur 13. juni 2014 · Nr. 66 6 Sosialurin Hugskot og viðmerkingar – send sms til 225000 Marjun Dalsgaard Almannaverkið hevur gjørt skjótt av, og nýggjur økis­ leiðari er longu settur í starv í Heimatænastuni, øki 1, sum er Suðurstreymoy. Meta av Fløtum er í løtuni leiðari á Lágargarði, og er biðin um at røkja starvið sum økisleiðari í øki 1 eisini. Hon hevur játtað, og tekur við alt fyri eitt. – Fyrst og fremst fari eg at brúka orkuna upp á at betra um trivnaðin hjá starvs­ fólkunum, tí eg havi skilt, at trivnaðurin er ein trupul­ leiki, sigur Meta av Fløtum. Hon veit tó einki um, hvat trupul­leikin er, sigur hon. – Nú má eg seta meg inn í støðuna, eg veit einki um, hvat gongur fyri seg, ella hvat trupul­leikin er, men eg havi skilt á lagnum, at trivn­ aðurin ikki er góður, so tað er har, eg fari at leggja mína orku, sigur Meta av Fløtum. Tað fer hon at gera við at lurta eftir starvsfólkunum. – Eg havi boðað starvs­ fólkunum frá, at eg komi út í bólkarnar, og eg fari at lurta eftir teimum, so eg fái eina hylling av, hvat trupulleikin er. Hvat halda tey, eigur at gerast øðrvísi, og so taki eg tað har frá, sigur hon. Fakligan stoltleika Umframt trivnaðin, hevur verið funnist at fakliga støð­inum í øki 1. Meira enn helvtin av starvfólkunum hava onga fak­liga útbúgving, og har­aftrat eru fleiri, sum heldur ikki hava royndir innan eldra­røkt. Meta av Fløtum sigur, at hon hevur ikki sett seg inn í viður­ skift­ini enn, men at hon vil styrkja starvsfólkið fakliga. – Eg vil gjarna geva teim­ um fakligan stoltleika, og eg fari at seta meg inni í, hvussu vit kunnu hækka fakliga støðið. Tað er av týdningi at skilja, hvar fólk eru, so fyrst fara vit at finna útav, hvat fakliga støði er, og hvønn tørv starvsfólkini hava. Síðan fara vit møguliga at bjóða teimum skeið, eins og sjúkra­røktarfrøðingar, sum longu eru í skipanini, skulu vera við til at hækka støðið hjá hinum, sigur hon. – Tað týdningarmesta er at lurta eftir starvsfólkunum, hjálpa teimum og styrkja tey fakliga, sigur Meta av Fløtum. Pengarnir seta markið Tað er eingin loyna, at eldra­ økið hevur verið fyri nógv­ um spar­ingum, og tað er av­bjóð­andi at fara undir eitt starv sum leiðari í einum øki har starvsfólkini mistrívast og pengarnir eru fáir. – Tað er vist, at pengarnir avgera, hvat er møguligt og ikki. Vit kanna tørvin hjá teimum eldru, og meta um hvørja tænastu tey skulu hava, men um vit kunnu veita ta tænastuna velst um, um nakrir pengar eru, sigur Meta av Fløtum. Hon er 60 ár, og hevur hollar royndir bæði innan sjúkrarøkt á Lands­sjúkra­ hús­inum og sum leiðari innan eldraøkið. Áðrenn hon byrjaði sum leiðari á Lágargarði, var hon varaleiðari í Heima­tæn­ast­ uni, øki 1 í fýra ár og leiðari í einum fyribils starvi í eitt ár. Hon søkti starvið sum leiðari av Lágargarði í 2007. Sostat var Cecilia Vestur­ eið sett sum økisleiðari í øki 1 2007, tá Meta av Fløtum fór á Lágargarð. Fyribils loysn Meta av Fløtum tók nakrar dagar at hugsa seg um í, áðr­ enn hon takkaði ja til starvið sum økisleiðari Hon mátti millum annað spyrja stýrið fyri Lágargarð um tað var í lagi fyrst. Tað var tað, men treytin var, at hon helt fram á Lágargarði. Hon takkaði ja, men væntar sær langar dagar. – Eg vænti tað ber til, tí at eg kenni økið so mikið væl, og tí tað koyrir rættiliga væl á Lágargarði. Fleiri av mínum uppgávum kunnu røkjast av deildarleiðarum á Lágar­ garði, sigur hon. Hon leggur aftrat, at ein orsøk til, at hon segði ja, er at tað er ein tíðar­ avmarkað uppgáva. Sostatt er loysnin gald­ andi til 1. Januar 2015, tá komm­unurnar yvirtaka eldra­økið. Tó er tað møguligt at halda fram eftir 1. januar, tí bæði Lágargarður og Heima­tæn­astan verða lagdar undir komm­un­una. Hóast 60 ár á baki hevur hon ongar ætlanir um at. – Eg havi nógv at geva av, og tað, at eg eri 60 ár, hevur teir fyrimunir, at eg havi nógvar royndir. Eg ætli mær als ikki at pakka saman enn, sigur Meta av Fløtum. marjun@sosialurin.fo heimatænastan Eg fari fyrst og fremst at lurta Nýggi økisleiðarin í Suðurstreymoy fer at brúka orkuna upp á trivnaðin. Fyrst og fremst fer hon at lurta eftir, hvat starvsfólkini hava at siga, sigur Meta av Fløtum – Nú fari eg at seta meg inn í viðurskiftini, so eg skilji starvsfólkini, og hvør trupulleikin er, sigur Meta av Fløtum. Hon hevur tikið við sum økisleiðari í Heima­tæn­ast­uni, øki 1, men skal sam­ stundis røkja starvið sum leiðari á Lágargarði