mánadagur 16. juni 2014síða 8

Mánadagur 16. juni 2014 · Nr. 67 8 Sosialurin Hugskot og viðmerkingar – send sms til 225000 fiskavirking á húsagangi Ingolf S. Olsen Meinhard Jacobsen, ið var stjóri á Faroe Seafood, tá tað fór á húsagang 3. desember 2010 heldur fast um, at Framherji-Samherji- Varðin-samtakið, ið tá var í tingingum um at keypa fyritøkuna, slapp fram at nógv meira tilfari enn vanligt er í slíkum sølutilgongdum. Eitt datarúm við tilfari um fyritøkuna var gjørt, sum eisini er vanligt, tá ein fyri­ tøka er til sølu, og um hetta segði Ingi Højgaard, ið var vorðin nevndarformaður í Faroe Seafood á aðal­fund­ inum 3. september 2010 so­ leiðis í Vinnublaðnum hjá Sosialinum 2. juni í ár: ”Tað er onki forgjørt í tí, tí tað er jú tað, eitt datarúm er til – at áhugaðir keyparar skulu hava ein møguleika at síggja, hvat tað er, teir keypa, áðrenn teir keypa. Annars kunnu teir ikki takað støðu til, um teir skula seta pengar í og undir hvørjum treytum. Frammanundan skulu teir skriva undir upp á, at tað, teir fáa innlit í, er í trúnaði.” Harraboð Men sambært Meinhardi Jacob­sen fingu áhugaðu keyp­ararnir – eftir ófrá­víki- ligum kravi frá Inga Højgaard – atgongd til meira enn bert datarúmið. – Sjálvt um eg mótmælti, so fekk eg harraboð frá Inga Højgaard um, at áhugaðu keypararnir fingu atgongd til allar okkara skipanir inklusiv kundar, ordrabøkur, søluavtalur og annað, sum tað bestemt ikki er vanligt at fáa atgongd til, fyrr enn ein bindandi keypsavtala er gjørd. – Eg bað nevndar­for­ mann­in um at sleppa at síggja eina slíka avtalu, men tað kundi hann sjálvsagt ikki vísa mær, tí ein sovorðin avtala var als ikki gjørd, og sum øllum kunnugt, so bleiv hon ongantíð gjørd, sigur Meinhard Jacobsen. Handilin datt nevniliga niður fyri, tá til stykkis kom, tí áhugaðu keypararnir kundu ikki blíva samdir við pant­havararnar – Eik og Kaup­thing – og stutt eftir fór Faroe Seafood á húsagang. Sølustjóri váttar Símun P. Jacobsen var sølustjóri hjá Faroe Seafood og tann, sum helst gjørdi mest brúk av og hevði størstu vitanina um internu skip­anirnar hjá fyritøkuni, og hann váttar, at áhugaðu keyp­ararnir fingu atgongd til hesar skipanir. – Jú tað gjørdu teir, og tað er eisini rætt, sum Meinhard Jacobsen sigur, at tað er púra óvanligt at geva nøkrum innlit í hesar skipanir, áðrenn ein bindandi søluavtala er gjørd. Tað hevur onki við datarúmið at gera, tí hesar skipanir hava allar upp­lýs­ ingarnar um rakstur, avtalur, goymslur, prísir og alt annað í realtíð. – Hevur tú hesar upp­lýs­ ingar, so veist tú alt og hevur ein greiðan fyrimun fram um øll onnur í eini keypstilgongd og ikki minni ein stóran kappingarfyrimun, um tú aftaná ikki keypir, men heldur fert at kappast við hesa fyritøkuna. Tað gjørdist tó ikki aktuelt í hesum førinum, tí Faroe Seafood fór á húsagang, sigur Símun P. Jacobsen. Opin kort Men Meinhard Jacobsen vísir tó á, at júst hetta, at áhugaðu keypararnir lupu frá handlinum, eftir at teir høvdu verið inni í øllum teimum internu skipanunum, hevði gjørt tað fullkomiliga ómøguligt yvirhøvur at fari undir at gera royndir at finna aðrar keyparar. - Hvør fer at keypa eina fyritøku, tá ein veit, at kappingarneytar liggja inni við øllum upplýsingum um alt, sum hevur við fyritøkuna at gera? Ongin sjálvandi, tí tað er sum at spæla kort við opnum kortum, meðan mótspælararnir kunnu halda síni kort tætt at kroppinum, staðfestir fyrrverandi stjórin í Faroe Seafood. Atgongd í hvønn loynikrók Av misgáum var ein óliðug og tískil óneyv útgáva av greinini “Bústjórin vísir at­ finningum aftur” sett á tema­ síðurnar um Faroe Seafood í Vinnublaðnum í Sosialinum mánadagin 2. juni. Í greini svarar Ingi Høj­ gaard, advokatur og annar bústjórin í trotabúnum eft­ir Faroe Seafood, upp á atfinningar frá Meinhardi Jacobsen, fyrrverandi stjóra í fyritøkuni. Í greinini stendur millum annað, at Ingi Højgaard var valdur til bústjóra av kredi­ torunum beinanvegin aftaná húsagangin 3. desember 2010. Tað er ikki heilt rætt, tí tá var hann valdur til fyribils bústjóra. Ikki fyrr enn á skifti­rættarfundi seinni í mánaðinum varð hann form­liga valdur til bústjóra. Og hann var valdur til fyrst fyribils bústjóra og seinni bústjóra av Eik og ikki av øllum kreditorunum, sum greinin leggur upp til. Í svarinum upp á skuld­ set­ingarnar um passivitet er Ingi Højgaard endurgivin fyri at siga, at hann ikki helt seg vera rætta mannin at fara út at selja fyritøkuna. Men grundgeving hansara fyri hesum – at hann Helt Meinhard Jacobsen sjálvan vera tann besta til hetta, tí hann kendi felagið og vinnuna betri – var tíverri ikki komin við. Eisini kann ein av end­ur­ gevingunum geva ta fatan, at áhugaðu íleggjararnir gingu frá aftur einum longu gjørdum handli, men Ingi Høj­gaard leggur dent á, at ongin avtala nakrantíð var gjørd við teir. Í Vinnublaðnum í Sosial­ in­um á internetinum er rætta greinin í. Í greinunum 2. juni skrivaðu vit, at Samherji er móðurfelag hjá Framherja. Hetta er skeivt. Samherji eigur minni enn 25 prosent í Framherja. Feløgini eru samstarvsfeløg. Vit biðja um umbering fyri mistøkini. Meinhard Jacobsen, ið til tað seinasta bardist fyri, at Faroe Seafood ikki skuldi fara á húsagang, er enn fortørnaður inn á, at áhugaðir keyparar undan húsagangingum fingu atgongd til allar internar skipanir hjá fyritøkuni, uttan at nøkur bindandi keypsavtala var gjørd, og fyri síðani ikki at keypa kortini. – Hvør fer at keypa eina fyritøku, tá ein veit, at kappingarneytar liggja inni við øllum upplýsingum um alt, sum hevur við fyritøkuna at gera? Ongin sjálvandi, tí tað er sum at spæla kort við opnum kortum, meðan mótspælararnir kunnu halda síni kort tætt at kroppinum, sigur hann Fyrrverandi stjórin í Faroe Seafood heldur fast um, at samtakið, sum samráddist um at keypa fyritøkuna, slapp fram at øllum internum upplýsingum og skipanum og ikki bert tí, sum var í datarúminum. Fyrrverandi sølustjórin í Faroe Seafood váttar, at so var. Rætting: Eik valdi Inga