mánadagur 16. juni 2014síða 11

11 Mánadagur 16. juni 2014 · Nr. 67 Sosialurin Hugskot og viðmerkingar – send sms til 225000 Marjun Dalsgaard Grein 19 nevndin er sett og hevur nú skipað seg við Joen Magnus Rasmussen úr Fólkaflokkinum, sum for­ manni, Kristinu Háfoss, frá Tjóð­veldi, sum næstformanni og Helga Abrahamsen úr Sambandsflokkinum. Arbeiðið at kanna Eik Grunnin og grunnaeftirlitið er sostatt byrjað, men vandi er fyri, at vit fáa enn eina skerda kanning av Eik Grunn­inum. Tað er nevniliga ikki vist, at ein grein 19 nevnd, har løgtingsfólk standa fyri kanningini fær at­ gongd til tey neyðugu skjøl­ ini í Eik Grunninum, tí tað er ein privatur grunn­ur. Spurningurin er reistur í løgtinginum, og tískil hev­ur nevndin kallað lands­stýris­ mannin í vinnu­máli, Johan Dahl til fundar hósdagin 19. juni. Undir øllum umstøðum væntar Joen Magnus Ras­ mussen ikki, at arbeiðið við kanningini kemur í gongd fyrr enn eftir summarsteðgin. Málið er, at kanningin er liðug í næstu tingsetu, tað vil siga í seinasta lagi, áðrenn tingið fer heim á Ólavsøku í næsta ár. Halda fram har Eyð­ finnur Jacobsen slepti Eyðfinnur Jacobsen, advo­ kat­ur gjørdi eina skerda kann­ing av Eik Grunninum, sum var handað Skráseting Føroya í desember í 2013. Í hesu kanningin kom gransk­ ingarfólkið fram til ymisk viðurskifti, sum hann helt áttu at verið kannað nærri. Grein 19 nevndin fer at taka aftur í hesi evni og kanna tey víðari í tann mun, at hon hevur heimild til tess, sigur Joen Magnus Ras­mus­ sen. Millum annað staðfesti Eyð­finnur Jacobsen, at nevnd­in í Eik Grunninum ólóg­liga hevði heimiðlað sær sjálv­um at veita lán fyri upp til eina milliard krónur. Har ímillum 700 milliónir krónir til tveir íslendarar, sum skulu keypa partabrøv í Kaupthing Banka, fyri lánið, eins og aðrir handlar vóru við partabrøvum, sum áttu at verið góð­kendir av Skrásetingini. Gransk­ingar­ fólkið leggur í kanningini áherðslu á, at nevndin í Eik grunninum, sum var tann sama sum í Eik Banka, sum heild tóktist at hava ilt við at skilja í millum, nær hon tók avgerðir vegna Eik Bankan og nær hon tók avgerðir vegna Eik Grunnin. Skal betra um eftirlitið Í mun til grunnaeftirlitð, hev­ ur grein 19 nevndin atgongd til øll skjøl, sum hon skal brúka. Arbeiðssetningurin er at kanna eftirlitið við Eik Grunninum frá 2002 til 2014. Endamálið við grein 19 kanningini er ikki at leggja ábyrgd á einkultpersónar vit tí fyri eyga at rættarsøkja, men einans at læra av hendingunum. Sostatt verður eingin per­sónur ábyrgdaður fyri gongdina, og hetta er millum annað av tí málið er fyrnað og fær tískil undir ongum umstøðum avleiðingar, sigur Joen Magnus Rasmussen. – Tað er møguligt, at vit finna út av, at eftirlitið ikki hevur røkt sína skyldu. So er avleiðingin, at tingið krevur, at eftirlitið verður gjørt á rættan hátt framyvir. Vísir kanningin hinvegin, at trupulleikin er, at eftir­lits­ kravið ikki er gott nokk, so kunnu vit brúka kanningina til at broyta reglarnar fyri eftirlitinum, sigur Joen Magn­us Rasmussen. Enn eru eingir pengar settir av til kanningina. Tað verður gjørt, tá nevndin er komin ásamt um, hvørjir serfrøðingar skulu brúkast til at gera kanningina, sigur formaðurin. Kanna eftirlitið frá 2008 Skráseting Føroya gjørdist grunnaeftirlit tann 1. januar í 2008. Tað er sostatt heldur ikki vist, at grein 19 nevndin kann kanna grunnaeftirltið í tíðini áðrenn 2008. For­ mað­urin væntar ikki, at før­oysku myndugleikarnir sleppa at kanna Erhvervs- og Selskabsstyrelsen, har grunnaeftirlitið var fram til 2008, men skrásetingin, sum øll árini hevur verið millumlið millum føroyska grunnin og Erhvervs- og Sel­skabsstyrelsen, skal kann­ast aftur til 2002. Upp­ runaliga var ætlanin, at eftir­litið skuldi kannast í tíðar­skeið-inum 2002 – 2010, men vinnunevndin hevur skotið upp, at grunna­ eftirlitið skal kannast til mai í 2014. Sostatt verður kanningin af Skrásetingini í tíðarskeiðinum 2002 – 2014. Viðvíkjandi úrslitinum av kann­ingini, stendur grein 19 nevndin sostatt við tveim­ um trupulleikum, nevni­liga atkomiligheit til skjøl í Eik Grunninum, og til grunna­ eftirlitið áðrenn 2008. – Vit kanna tað, sum vit hava heimild til, og so má løgtingið taka støðu til, hvat skal henda aftaná, sigur Joen Magnus Rasmussen. Kanningin skal viðgerðast í løgtinginum, tá hon er liðug, so støða kann takast til, hvørjar avleiðingar hon skal hava. Vandi fyri enn einari skerdari kanning tíðindi Tað er ikki vist, at grein 19 nevndin fær atgongd til neyðugu skjølini í Eik Grunninum, ið er ein privatur grunnur, og vandi er sostatt fyri, at vit fáa enn eina skerda kanning Grein 19 kanningin Grein 19 nevndin er mannað av Joen Magnus Rasmussen, Fólkaflokkurin, Kristina Háfoss, Tjóðveldi og Helgi Abrahamsen, Sambandsflokkurin. Sambært uppskotinum skal grein 19 nevndin kanna virksemið í Eik grunninum frá 2002 til 2010, men vinnunevndin hevur skotið upp, at tíðarskeiðið, sum grunnaeftirlitið skal kannast, verður frá 2002 til mai í 2014. Arbeiðssetningurin hjá grein 19 nevndini fevnir ikki um sakarmáls- ella revsirættarviðurskifti hjá einstaklingum, men hevur sum endamál at byrgja fyri, at somu feilir henda aftur. Andstøðuflokkarnir hava ført fram, at tað er óheppið, at samgongan fær formannin og meirilutan í grein 19 nevndini, og at andstøðan átti at fingið formannin, men hetta hevur ikki fingið undirtøku. Nevndin skipaði seg í síðstu viku og Joen Magnus Rasmussen, Fólkflokkurin er formaður og fær tí eisini avgerandi orðið, tá skrivari og løgfrøðilig ráðgeving skal setast at hjálpa nevndini. Næstformaður er Kristina Háfoss, Tjóðveldi. Grein 19 nevndin fer at taka aftur í niðurstøðurnar hjá Eyðfinni Jacobsen, men tað er ikki vist, at hon fær atgongd til øll neyðug skjøl, sigur formaðurin í nevndini, Joen Magnus Rasmussen