mikudagur 16. juni 2004síða 11

Nr. 112 - 16. juni 2004 21 6-mannafør, menn: Teir duga ikki og kortini vinna teir Tað var fyri at fáa vektina niður og konditiónina upp, at sjómansskúlanæming ar, sum ongantíð hava róð áður, fóru at venja við Jarnbardi, sum teir nú eru bestir við KAPPRÓÐUR Jóannes Hansen joannes@sosialurin.fo Menninir á Jarnbardi gjørdu leygardagin sum kvinnurnar umborð á Jarnbardi. Teir vunnu sína kapping. At Jarnbardur vinnur á somu stevnu bæði við monnum og kvinnum kemur ikki fyri á hvørjum ári. – Tað var beinanvegin onkur, sum segði, at hetta var søguligt, tí hetta skuldi vera fyrsta ferðin, at báðar manningarnar vunnu á somu stevnu. Men hetta varð skotið niður aftur beinanvegin. Tað varð upp- lýst, at eina ferð áður hevur Jarnbardur vunnið við bæði monnum og kvinnum á somu stevnu, og tað var á Vestanstevnuni í fjør. Kjartan Mohr er báts- formaður umborð á Jarn- bardi, og tað er hann, sum veit hesi tíðindini. Men hann er skjótur at leggja afturat, at nú má eingin heingja hann upp á nakað, tí hann er spildurnýggjur í róðrarumhvørvinum. Og tú ert longu bátsfor- maður á 6-mannafarinum, sum er betri enn hini? – Hetta er fyrsta árið, at fleiri okkara leggja álvara í kappróðurin. Onkrir okkara hava luttikið í kappróðri fyri einum tveimum árum síðani, men tá vandu vit ikki seriøst. Tað gera vit nú. Tveir ganga á sjómans- skúla, ein er liðugur í sjó- mansskúlanum fyri stutt- um, og ein gongur í mask- inmeistaraskúla. Tíðliga í ár gjørdu vit av, at vit skuldu royna at manna Jarnbard. Málið var fyrst og fremst at missa eitt sindur av vektini, sum kanska var vorðin í so stór. Nógva og miðvísa venjingin hevur havt við sær, at vit hava rokkið primera málinum. Nú eru vit komnir í so mikið góða venjing, at tað ber til at kappast um fremstu plássini, og nú vit vunnu á Skálafjørðinum, eru vit vornir heilt spentir, greiðir Kjartan Mohr frá. Hann og bátsfelagarnir um- borð á Jarnbardi hava ilt við at bíða inntil leygardagin, tá ið teir aftur fáa høvi at kappast. Elsti maður umborð er bátsformaðurin, sum er 27. Stýrimaðurin er 16, og hinir eru har ímillum. Manningin er henda: Kristian Eyst- uroy, Schønning Hentze, Ásmund Zachariassen, Pet- ur Kristian Nielsen, Árant Løkjá, Rúni Mohr og Kjart- an Mohr, sum altso er bátsformaður. Nær vart tú greiður yvir, at tað kundi bera til hjá tykkum at vinna? – Eftir Norðoyastevnu- róðurin vóru vit greiðir yv- ir, at vit kundu standa okk- um betri, enn vit gjørdu ta ferðina. Tá høvdu vit onkr- ar smávegis trupulleikar, sum gjørdu tað eitt sindur torført hjá okkum. Men kortini vóru vit við í kapp- ingini heilt har frammi, har fjarstøðan frá nummar eitt og til okkum á fjórða pláss- inum bara var tvey sekund. – Hesa ferð var alt, sum tað skuldi vera. Eg haldi, at vit vóru fremstir, eftir at tey fyrstu fimtan tøkini vóru tikin, og so vóru vit á odda alt málið. Munurin var ikki so stórur. Aftur hesa ferð vóru tað Sundabáturin, Gongurólvur og Strálan, sum kappaðust við okkum, og eg rokni við, at tað eisini tær næstu ferðirnar í hvussu so er fara at vera hesir, sum fara at bjóða okkum av. Hvat er stóra styrkin hjá tykkum? – Vit eru í góðari likam- ligari venjing. Vit eru treiskir, men eg haldi ikki, at vit eru serliga góðir kapprógvarar. Vit eru ikki upplærdir at rógva taktiskt, og vit hava heldur ikki ser- liga gott lag, men vit orka, og vit vilja vinna, heldur Kjartan Mohr. Bátsformaðurin umborð á Jarnbardi heldur, at unga manningin umborð á Gongurólvi hevur stak gott róðrarlag. Hann væntar eisini, at nýggja Strálan fer at gera nógv fyri at vinna, og hann vísir á, at Sunda- báturin longu á Norðoya- stevnu gjørdi vart við seg. Fyri tey norðuri í Sundi kendist leygardagurin eitt sindur snópisligur. Fitt av áskoðarum fylgdu Sunda- bátinum um Leirvíksfjørð og út á Skálafjørðin. Gong- urólvur vann kappingina við Sundabátin um næst- fremsta plássið, men mun- urin var lítil og eingin. Sundbáturin fekk synd- arliga vánaligan start. Eftir startspurtin vóru teir eina løtu aftastir, men so komu teir so spakuliga fyri seg. Tað vóru trupulleikar um- borð á Sundabátinum fyrstu løtuna. Ein reim, sum spenti pútuna hjá ein- um av rógvarunum fasta, slitnaði, og eina løtu lá ikki fyri hjá hesum at spenna rættuliga í. Strálan endaði bara eitt sekund aftanfyri Sundabátin. Eingin ivi er um, at teir báðir saman við Gongurólvi fara at bjóða Jarnbardi av í Hvalvík leygardagin. 6-mannafør, menn: 1 Jarnbardur 07.45.18 2 Gongurólvur 07.47.07 3 Sundabáturin 07.47.18 4 Strálan 07.48.18 5 Lómur 07.53.11 6 Sølmundur 07.55.11 7 Hósvíkingur 07.59.12 8 Víkingur 08.04.10 9 Hvessingur 08.07.22 10Sandingur 08.09.24 FM-kappróður 5-mannafør, dreingir Stig Eystanst. 1 Blikur 12 7 2 Spógvin 12 5 3 Havfrúgvin 7 4 4 Fípan Fagra 7 3 5 Tekla 3 2 6 Sílið 2 0 7 Firvaldur 1 1 6-mannafør, kvinnur 1 Jarnbardur 14 7 2 Páll Fangi 10 5 3 Lómur 8 4 4 Gongurólvur 5 3 5 Víkingur 4 1 6 Sølmundur 3 2 5-mannafør, gentur 1 Blikur 11 7 2 Sílið 11 4 3 Firvaldur 8 5 4 Havfrúgvin 8 3 5 Junkarin 2 2 6 Fípan Fagra 2 0 7 Ørning 1 1 8 Frúgvin 1 0 6-mannafør, menn 1 Sundabáturin 11 4 2 Jarnbardur 10 7 3 Gongurólvur 10 5 4 Strálan 7 3 5 Lómur 3 2 6 Víkingur 2 0 7 Sølmundur 1 1 8-mannafør 1 Argjabáturin 14 7 2 Kvívíkingur 9 5 3 Nevið Reyða 9 4 4 Ørvur 6 3 5 Knørrur 4 2 10-mannafør 1 Havnarbáturin 14 7 2 Nólsoyingurin 9 4 3 Eysturoyingur 7 5 4 Vestmenningur 7 3 5 Vágbingur 5 2 6 Hoyvíkingur 2 1 Tað var nú mest til stuttleika, at teir á Jarnbardi fóru at rógva kapp. Og tað er so sanniliga eisini stuttligt at fáa gullmerkini handað Mynd: Álvur Haraldsen 21 20 Nr. 112 - 16. juni 2004 5-mannafør, dreingir: Argjadreingir settu vertirnar upp á pláss Á Norðoyastevnu vóru teir næstfremst- ir, og á Skálafjørðin- um eydnaðist tað Bliki at troka Spógv- an burtur av fremsta plássinum KAPPRÓÐUR Jóannes Hansen joannes@sosialurin.fo Á Norðoyastevnu vóru teir ov stuttir. Tá vann nýggi báturin hjá Kappróðrarfel- agnum NSÍ. Á Skálafjørð- inum varð lagt upp til, at Spógvin skuldi verja heið- urin og æruna hjá vertun- um. Tað eydnaðist ikki. Argjadreingir vóru teimum ov boysnir. Eftir fyrstu tøk- ini í startspurtinum var Blikur fremstur, og hann helt seg á tí plássinum alla tíðina. – Vit vóru eitt lítið sindur trilvandi á allar fyrstu tøk- unum. Men vit mistu ong- antíð nakað serligt í mun til teir, sum vit roknaðu við, at vit skuldu kappast við. Tá ið vit fóru niður á lunnin, kendu vit beinanvegin, at vit vóru væl við. Vit hildu okkum til tað, sum vit frammanundan høvdu av- rátt, og tað var nóg mikið. Bogi Augustinussen er annar av lærmonnunum á Bliki. Hann er bátsformað- ur, og hann er ein av trim- um, sum eisini róði við Bliki í fjør. Hinir báðir eru stýrimaðurn og so annar av rúmmonnunum. Dreingjamanningin um- borð á Bliki er henda: Kristoffur Dam Joensen, Bogi Augustinussen, Knút Jarnskor, Áki Olsen, Eli Haralsen Hultgren, Petur Mortensen og Gunnar Poulsen. Vóru tit alla tíðina greiðir yvir, at tit vóru fremstir? – Vit høvdu Spógvan tætt hjá okkum. Á Norðoya- stevnu var lá hann ikki so langt frá okkum. Tá segði stýrimaðurin hjá okkum beinanvegin, tá ið vit vóru komnir á mál, at Spógvin var frammanfyri okkum. Ta ferðina taptu vit, tí enda- spurturin var ikki nóg góð- ur hjá okkum. Hesa ferð vitsu vit, tá ið vit komu á mál, at vit høvdu vunnið á Spógvanum, og vit hildu okkum eisini at hava vunn- ið á Havfrúnni. Vit hildu okkum hava kappast við Fípuna Føgru um fremsta plássið. So vísti tað seg, at vit høvdu vunnið, og at tað var Spógvin, sum var nummar tvey, greiðir Páll Augustinussen frá. Á málinum var fjarstøðan frá Bliki og aftur til Spógv- an ein stór hálv bátslongd. Kappingin stóð alla tíðina millum somu bátarnar, sum á Norðoyastevnu vóru við í kappingini um fremsta plássið. Beinanvegin eftir startspurtin vóru tað Hav- frúgvin, Blikur og Spógvin, sum lógu framvið í kapp- ingini um fremsta plássið, og bátarnir hjá Klaksvíkar Róðrarfelag vóru eisini væl við. Fípan Fagra endaði á fjórða plássinum, og Tekla gjørdist nummar fimm. Fjarstøðan frá Bliki og aftur til Teklu var stívliga tvær bátslongdir. Tvey tey seinastu árini hevur Sílið hjá Havnar Róðrarfelag verið FM vinnari, og tey bæði árini frammanundan var Tjaldrið hjá Kappróðrarfelagnum NSÍ FM vinnari. Hesa ferð var Sílið nummar átta, og Tjaldrið varð nummar ell- ivu. Drekin var nummar sjey, og Firvaldur av Tvør- oyri sníkti seg inn á sætta plássið, sum gav honum eitt stig. Spenningurin í FM kapp- ingini er so stórur, sum tað ber til. Spógvin og Blikur liggja borð um borð við tólv stigum í part. 5-mannafør, dreingir 1 Blikur 5:26:07 2 Spógvin 5:28:18 3 Havfrúgvin 5:30:06 4 Fípan Fagra 5:32:12 5 Tekla 5:33:11 6 Firvaldur 5:36:10 7 Drekin 5:38:19 8 Sílið 5:40:01 9 Royndin Fríða 5:42:03 10 Kollur 5:43:14 11 Tjaldrið 5:44:13 12 Svanur 5:46:16 13 Báran 5:49:18 Eftir triðja plássið í Klaksvík, har sum Sílið vann, býttu tær á Argjum og tær í Sílin- um um pláss í Runa- vík KAPPRÓÐUR Jóannes Hansen joannes@sosialurin.fo Fýra teir fremstu bátarnir á Skálafjørðinum leygardag- in vóru teir somu, sum end- aðu á fýra teimum fremstu plássunum í Klaksvík. Men hesa ferð var røðin øðrvísi, enn hon var ta ferðina. Tá vann Sílið hjá Havnar Róðrarfelag, og Blikur á Argjum varð nummar trý. Hesa ferð vann Blikur, og Sílið var nummar trý. Tað ber við sær, at hesir báðir bátarnir liggja borð um borð í FM kappingini. Í Klaksvík varð Hav- frúgvin nummar tvey, og Firvaldur varð nummar fýra. Á Skálafjørðinum varð Firvaldur av Tvøroyri nummar tvey, og Havfrúgv- in úr Vestmanna varð nummar fýra. Tískil liggja hesir báðir bátarnir borð um borð í kappingini um triðja plássið. Tað gekk rættuliga javnt á alla tíðina á Skálafjørðin- um. Kappingin stóð millum Firvald og Blik, sum bara var skutin undan tvørábát- inum. – Vit kendu alla tíðina á okkum, at tað sá ikki so galið út.Vit vistu, at vit vóru við í kappingini, og vit sóu, at Sílið, sum vit roknaðu at vera ein av vandamiklastu bátunum at kappast við, var aftanfyri okkum. Men vit vóru ikki greiðar yvir, hvat nummar vit vóru. Tá ið vit vóru komnar á mál, hildu vit okkum vera nummar trý. So rópti onkur, at Firvaldur hevði vunnið, tí tað hevði útvarpið sagt. Aftaná varð staðfest, at vit høvdu vunn- ið, og tað var ein deilig kensla. Vit hava vant við róðrarmaskinum og við at renna síðani eina ferð í januar. Fyrst í apríl fóru vit so í bátin. Fyri einum mán- að síðani vórðu vit noyddar at skifta eina út, tí hon hevði fingið skaða í ryggin. Tann, sum kom umborð, hevði róð í fjør, og nú kenna vit okkum at vera sera væl fyri, sigur Anna Andresen, sum er bátsfor- maður umborð á Bliki á Argjum. ríggjar umborð á Bliki róðu eisini í fjør, og fýra hava ongantíð róð áður. Manningin er henda: Joan Mikkelsen, Anna Andre- sen, Marna Rubeksen, Jóna Thomsen, Maud Poulsen, Maiken Petersen og Elsa Magnussen. Í fyrstu atløgu royndi dómarin at leggja 5-manna- førini við gentum til fasta startin, men tað eydnaðist ikki. So varð roynt við leys- um starti. Blikur kom væl frá tí, og tær vóru fyrstar á mál. Munurin frá nummar eitt og til nummar tvey var eitt hálvt sekund. Firvaldur var mest sum leysur av Sílinum, sum var í tættari kapping við Havfrúnna um triðja plássið. Longu sunnudagin var Blikur við gentumanning aftur at síggja á Havnarvág. Tær vandu aftur týsdagin, og tær skulu venja aftur í dag og í morgin. So verður báðurin kýndur og klapp- aður, áðrenn tað leygardag- in aftur verður kapping og álvari. Ta ferðina verður kappingin í Hvalvík, og ta ferðina ætla tær á Argjum sær aftur at vinna. Tað ætla tær í Havnini, Vestmanna og á Tvøroyri sær eisini. Tað er lagt upp til rættuliga spennandi kapping, og tað er ikki í mongum kapp- ingum, at talan er um so opna kapping, sum tað er millum 5-mannaførini við gentumanningum. 5-mannafør, gentur 1 Blikur 5:51:02 2 Firvaldur 5:51:15 3 Sílið 5:54:23 4 Havfrúgvin 5:55:07 5 Junkarin 5:58:12 6 Ørnin 6:00:01 7 Frúgvin 6:01:02 8 Drekin 6:02:21 9 Fípan Fagra 6:03:09 10 Tjaldrið 6:16:14 11 Falkur 6:17:14 12 Spógvin 6:25:00 13 Hvassi 6:29:04 14 Tekla 6:36:03 5-mannafør, gentur: Tær á Argjum settu Havnina upp á pláss Kappingin stóð alla tíðina millum somu bátarnar, sum á Norðoyastevnu vóru við í kappingini um fremsta plássið Mynd: Álvur Haraldsen Allan vegin frá starti til mál var at kalla eingin munur millum bátarnar í genturóðrinum Mynd: Álvur Haraldsen C M Y K 20