týsdagur 17. juni 2014síða 9

9 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 17. juni 2014 · Nr. 68 meldurin – Tað hevur ávirkað míni nærmastu, at eg havi livað, sum eg havi. Tað, at eg eri, sum eg eri, og síggi út, sum eg nú einaferð geri, er nakað, sum familjan, serliga konan og døturnar, hava hoyrt fyri. Mangan er blivið sagt við tær, at tað er synd í teimum, tí tær skulu hava handa play­ boyin til mann og pápa, og hvat veit eg. Men eg gavst ikki fyri tað. Eg eri, sum eg eri, og soleiðis er tað, sigur Halleluja Sofus avgjørdur. Forfeingiligur Nú Halleluja Sofus í næsta mánaði kann hátíðarhalda tey 60 árini, hann hevur á baki, hevur hann gjørt sær nakrar tankar um tað at eldast. Og hann vil eldast við stíli. – Gamlir menn gloyma ofta at røkja seg sjálvan og lata seg seg forfalla. Soleiðis vil eg ikki vera, og tí gangi eg eisini høgt uppí, hvussu eg síggi út. Eg vil anga av parfumu og vera pent ílatin, tá høvi býðst, sigur Halleluja Sofus og leggur afturat: – Eg eri ótrúliga for­ feingi­ligur. Eg strípi mær fram­vegis ljóst eina ferð um mán­aðin og snøggi hetta síða hárið. Tað er ikki tí, at eg eri bangin fyri at blíva gamal, men eg vil bara ikki síggja út, sum fleiri av hesum her gomlu monn­unum, sum ikki hugsa bara eitt lítiðsindur um, hvussu tær síggja út, greið­ir Halleluja Sofus frá. Hvat klæðum viðvíkur, hevur Halleluja Sofus eisini altíð verið sín egin. – Eg gangi nokk í løgnum klæðnum, men eg so floyti á, hvat fólk halda um tað, tí eg elski at ganga í annarleiðis klæðum. Eg haldi eisini, at mann skal hava eina ávísa karismu fyri at ganga í løgn­ um klæðum, og tað er ikki ein og hvør sum kann tað. Eg billi mær sjálvum inn, at eg kann, sigur Halleluja Sofus og flennir. Sermerkti klædnastílurin og útsjóndin annars er eisini nakað, sum Halleluja Sofus veit, at nógv hava eina mein­ ing um. – Nú eg hugsi um tað, so var tað kanska meira fyrr, at øll høvdu eina meining um meg, mína útsjónd og lívsstíl, men nú hava tey líkasum góð­tikið meg. Kanska tí at tey vita, at líka mikið, hvat fólk halda og siga um meg, so geri eg tað, sum passar mær, sigur Halleluja Sofus av­gjørdur. Stóri smádrongurin Hóast ikki heilt ungur long­ ur, sigur Halleluja Sofus seg lítið og einki merkja til tey 60 árini. Hann roynir eis­ini at gera sítt til fyri at sleppa undan teimum ymsu skavank­unum, sum ikki eru óvan­ligir, tá kroppurin eldist. – Eg royni at passa upp á meg sjálvan. Eg havi ongan­ tíð roykt, og so drakk eg ikki fyrstu ølina, fyrr enn eg var 34 ára gamal. Og so ikki at gloyma, haldi eg meg í gongd við at spæla, sigur Halleluja Sofus og heldur fram: – Eg eri framvegis eitt stórt spæl allur, sum eg eri. Eg eri ein mega vaksin smá­ drong­ur, heldur Halleluja Sofus skemtiliga fyri. Fyri hann er tað umráð­ andi, at alt ikki er so álvar­ samt, og lívið bara skal snúgva seg um at forvinna pen­ing, gjalda rokningar og ar­beiða frá átta til fýra. – Eg plagi at siga, at ert tú ikki ein smádrongur, ert tú eingin maður. So einfalt er tað. Ein maður, sum gevst at spæla, verður keðiligur, irri­ter­aður og bittur. Menn skulu ikki bindast niður á nakran hátt, teir mugu sleppa at spæla, sigur Halleluja Sofus, sum sjálvur als ongar ætlanir hevur um at gev­ast við sínum spæli. – Eg hugni mær við bil­ unum og eri so heppin at hava møguleika at gera tað, eg havi hug til. Og so fari eg eis­ini at spæla meira við tón­leikin og ætli mær at geva eina fløgu út til jóla. Eg hugsi ikki stórvegis um, at eg um fáar vikur verði 60 ár. Aldur er bara eitt tal, sigur Halleluja Sofus. rannva@sosialurin.fo – Konan og døturnar hoyra ofta fyri, at eg eri, sum eg eri. Mangan er blivið sagt við tær, at tað er synd í teimum, tí tær skulu hava handan playboyin til mann og pápa, og hvat veit eg, sigur Halleluja Sofus