hósdagur 19. juni 2014síða 33

Sosialurin nr. 69 · 20. juni 2014 9 VIKUSKIFTI – Mær dámar ómetaliga væl nýggju farstøðina og haldi tað er sera týdningarmikið, at fyrsta møti, fólk fáa við Føroyar, er jaligt. Hendan farstøðin tryggjar tað, sigur Tróndur Patursson um nýggju far­støðina á Vága floghavn. Tróndur Patursson hevur snið­givið 30 fuglar, ið prýða nýggju farstøðina, ið varð tikin í brúk í vikuni. – Hugskotið til fuglarnar kom fyri 15 árum síðani, tá eg gjørdi nakrar líknandi fuglar í Kastrup. Tað er jú eitt tætt sam­band millum flúgvaran og fuglin, og tað var jú við íblástri frá fuglinum, at Leonardo da Vinci teknaði bæði flogfør og tyrlu fyri skjótt 600 árum síðani, sigur Tróndur Patursson. – Fuglurin hevur ein kosmiskan týdning. Hann umboðar frælsi. Hjá føroyingum hevur verið eitt sindur torført at koma av land­ inum, og vit hava altíð verið bundin av sjóvegis sambandi, men ofta man føroyingurin hava hugt upp í loft, at fuglinum, og hugsað – Á, um eg bert hevði veingir og verið frælsur sum fuglurin, sigur Tróndur Patursson. – Fuglarnir á farstøðini føra á ein hátt náttúruna inn í bygningin, teir knýta á ein hátt náttúruna og bygningin saman. Nakrir av fuglunum hanga úr loftinum, aðrir eru límaðir á stóru rútirnar. 30 fuglar eru í far­støðini, teir størstu hava eitt veingja­spenni upp á tveir og ein hálvan metur. Teir eru gjørdir úr 10mm glasi og eru brendir í trý døgn í ovninum, við 700 hitastig. – Hetta er eitt sera tíðar­krevj­ andi arbeiði og onkrir av fuglunum mugu tvær ferðir í ovnin, so teir brenna í seks dagar, sigur hann. Fuglarnir eru ein partur av eini framsýning, ið Tróndur Patursson hevði í New York í fjør. Har vóru 100 fuglar sýndir fram, og nú hanga 30 teirra í nýggju farstøðini. Ætlanin er, at framsýningin skal ferðast víðari til Hørpuna í Reykja­ vík og vísast fram sum partur av mentanar­náttini har seinni í summar. Hesir 30 fuglarnir vera tó verandi í Vágunum. Í løtuni evnar hann nýggjar fuglar til fram­sýningina í Reykjavík. Onkrar av­bjóð­ingar hava stungið seg upp við fram­sýningini í Reykjavík, men Tróndur Patursson vónar, at teir verða loystir sum skjótast. Danjal av Rana Frælsir fuglar á flogvøllinum U2 Rattle And Hum Tað er ikki trupult at finna eina góða útgávu hjá írska rockbólkinum U2, men ætlar tú tær til kjarnuna hjá U2, kanst tú lurta eftir hesari útgávuni, sum inniheldur eitt bland av liveupptøkum, tøkuløgum og nýggjum sangum. Ein framúr útgáva, sum bjóðar minniligar løtur við sangum sum Helter Skelter, Desire, Silver And Gold og Angel of Harlem. Bono og bólkur eru í stórformi á hesari útgávu. Pink Floyd Dark Side of the Moon Áttanda útgávan hjá Pink Floyd seldi umleið 50 milliónir eintøk og var á hitlistum í 741 vikur. Samstundis sum útgávan var størsti handilsligi sigurin hjá Pink Floyd, var plátan eisini eitt meistaraverk, sum nú 40 ár seinni kann spæla upp ímóti øllum tónleiki, sum er skaptur síðani. Guns N’ Roses Appetite for Destruction Sjáldan hevur ein rockbólkur brakað ígjøgnum ljóðmúrin við sínari fyrstu útgávu, sum Guns N’ Roses gjørdi við hesari plátu frá 1987. Skarpa røddin hjá Axl Rose og eyðkenda gittarspælið hjá Slash vóru grundarlagið undir einum óvanligum gjøgnumbroti. Hetta er størsta løtan við G N’ R – og ein framúr rockútgáva! Frændur Frændur II Fáar føroyskar útgávur mynda eins væl eina tíð og eitt tíðarrák, sum onnur útgávan hjá Frændum, ið kom í 1986. Sjarmerandi innspælingar av góðum sangum, sum hava ein boðskap til samfelagið og tíðina gera hesa fløguna til nakað heilt serligt. Hetta var útgávan, sum gav okkum klassikarar sum Føroyar, Eros og Hvítar flykrur og hýsir stórum sangum sum Friðarsangur, Nýggjur Vetur og Zelot. Tróndur Patursson hevur gjørt list til nýggju farstøðina á flogvøllinum Í vikuni hevði poppbólkurin Oe Direction tvær útseldar konsertir í Parkini í Keypmannahavn. Nógv føroysk ungfólk – við foreldrum – vóru til konsertirnar í Parkini, og fagnaður var stórfingin. Soleiðis er tað eisini alla aðra­ staðni, har dreingjabólkurin hevur sínar framførslur. Ummælarin hjá Politiken heldur tó, at tíðin er við at verða farin frá One Direction. – Tað er næstan komiskt, tá ið fimm ungir mans fyrst í 20’unum syngja ein óskyldigan setning sum »The way that you flip your hair gets me overwhelmed«, tá ið tað samstundis stendur púra greitt, at teir ikki longur eru børn, men væl trenaðir og tatoveraðir menn, skrivar ummælarin hjá Politiken. One Direction varð sett saman í X Factor kappingini í Onglandi, og teir eru helst størsta succes í kappingini higartil. Men nú eru teir fimm í bólkinum blivnir vaksnir, og tað er trupult at halda fast í fortíðini, har teir vóru teir fittu og óskyldigu dreingirnir, sum sjermandi kundu syngja um tey smá og týðandi tingini hjá tann­áringum og børnum. – Tað er hart at blíva vaksin, skrivar ummælarin hjá Politiken. Størsti drengja­bólkurin í heim­inum er vaksin úr klæðunum One Directon ov vaksnir til dreingjapopp