týsdagur 24. juni 2014síða 9

9 Mikudagur 25. juni 2014 · Nr. 71 Sosialurin Hugskot og viðmerkingar – send sms til 225000 ygni tøðu fiskidagaskipanin toskastovnurin er framvegis ikki komin fyri seg aftur. Fiskimenn Meðan Havstovan byggir sítt tilmæli á yvirlitstrolingar og náttúruvísindaligar kann­ ingar, so hevur Fiski­daga­ nevnd­in millum annað bygt sítt tilmæli á eina spurnar­ kanning millum fiski­menn. Sambært Dennis Holm hevur nevndin tos­að við tveir triðingar av øll­um teim­ um, sum virka í fiski­daga­ skipanini. – Tað er heilt tilvitað at kanningin er gjørd, nú fjórða árið á rað, sigur Dennis Holm og vísir á, at Fiski­daga­ nevndin hevur eina aðra tilgongd til veruleikan enn Havstovan. – Uppgávan hjá Fiski­ daganevndini er at umboða sjónarmiðini hjá teimum, sum liva og virka í vinnuni hvønn dag. Í ár vísir kanningin, at fiskimenn eru nógv positivari í ár, sammett við í fjør. Eitt nú er nógv meira til av toski, og tilgongdin er betri. Hóast fiskimaðurin veit, at hansara svar í spurnar­ kann­ingini í ringasta føri kann merkja færri fiski­ dagar og harvið lægri hýra, so metir formaðurin í Fiskidaganevndini kortini, at kanningin gevur eina rætt­ vísa mynd. – Talan er um eina sam­ røðu­kanning, har svarini skulu útgreinast. Hartil um­ boðar kanningin sum nevnt tveir triðingar av øllum teim­ um, sum virka undir fiski­ dagaskipanina, argu­men­ terar Dennis Holm. Endurskoða Í heyst eru trý ár síðani Fiskimálaráðið fekk handað uppskot um eina sonevnda umsitingarætlan fyri toska-, hýsu- og upsastovnarnar í føroyskum sjógvi. Í tí frá­ greiðingini staðfesti arbeiðs­ bólkurin, at síðani fiskidaga­ skipanin varð sett í verk, eru ongar eftirmetingar gjørd­ar av skipanini í síni heild. Ei heldur er nøkur heildar­ meting gjørd av, um skipanin virkar eftir ætlan. Í sínum nýggjasta tilmæli til landsstýrismannin eftir­ lýsir Havstovan, at um­sit­ ingarætlanin verður brúkt til nakað. Boðini frá Havstovuni eru soljóðandi: – Umsitingarætlanin er latin Fiskimálaráðnum í oktober 2011, og umráðandi er, at hon verður viðgjørd av avvarandi myndugleikum, politikarum og vinnu sum skjótast og síðani sett í gildi. Somuleiðis sigur Hav­ stov­an í sínum tilmæli, at ein veiðu­setningur verður inn­førd­ur, sum byggir á lív­frøði­lig tilvísingarvirði. Setn­ingurin skal greitt siga, hvat skal gerast, um stovn­arnir minka niður um eina minstustødd. Alt skal grundast á vísindaligar kann­ ingar og arbeiði, og vera í tráð við ráðgeving frá ICES. Ein slíkur veiðisetningur kann, sambært Havstovuni, slóða fyri at føroyskur botnfiskur kann fáa MSC góðkenning sum verandi burðardyggur. Í sínum tilmæli eftirlýsir Fiskidaganevndin eisini, at verandi fiskidagaskipan verð­ur endurskoðað. – Vit eru eftirhondini komin hartil, at roknistykkið, sum fiskidagatalið varð grund­að á í 1996, nú verður gjørt av nýggjum, sigur Denn­is Holm, formaður í Fiski­daganevndini. FAKTA - Fiskidaganevndin Landsstýrismaðurin velur eina Fiskidaganevnd, umboðandi vinnuna á sjónum, sum letur landsstýrismanninum metingar um støðuna í botnfiskastovninum og tilmæli um fiskidagar, og hvussu fiskiskapurin skal skipast tað komandi fiskiárið. Nevndin og varaumboð verða vald fyri 4 ár í senn. Landsstýrismaðurin ger reglugerð um val og virki nevndarinnar og tryggjar nevndini neyðugt tilfar til tess at útinna arbeiðssetningin. Landsstýrismaðurin velur formann og varaformann og setur skrivara. Í Fiskidaganevndini sita í dag Dennis Holm (formaður), Dánjal í Skálum (partrolarar), Janus Knudsen (trolbátar), Absalon í Buð (meginfelag útróðrarmanna), Hálvdan Gudmundsen (felagið línuskip), Sámal Poulsen (fiskimannafelagið) FAKTA Sambært lógini um vinnuligan fiskiskap skal fiskidagatalið ásetast við løgtingslóg hvørt fiskiárið. Landsstýrismaðurin í fiskivinnumálum leggur lógaruppskotið fyri tingið á ólavsøku. Uppskotið byggir á tilmæli frá Havstovuni og Fiskidaganevndini. Á hvørjum ári fyri 15. juni skal Havstovan lata landsstýrismanninum stovnsmetingar, tilmæli um fiskidagar komandi fiskiárið og, hvussu fiskiskapurin skal skipast tað komandi fiskiárið. Broytingar í fiskidagatalinum skulu m.a. vera grundaðar á metingar um, hvat fiskidagatal fyri hvønn høvuðsbólk av fiskiførum best tryggjar, at fiskastovnarnir verða gagnnýttir burðardygt.     Á hvørjum ári fyri 22. juni skal Fiskidaganevndin, grundað á eina mest hóskandi veiði fyri fiskiárið, lata landsstýrismanninum tilmæli um fiskidagar fyri komandi fiskiárið og, hvussu fiskiskapurin skal skipast tað komandi fiskiárið. Broytingar í fiskidagatalinum skulu m.a. vera grundaðar á metingar um, hvat fiskidagatal fyri hvønn høvuðsbólk av fiskiførum best tryggjar, at fiskastovnarnir verða gagnnýttir burðardygt. FAKTA - Havstovan Havstovan er fyrisitingarliga skipað undir landsstýrismanninum og letur landsstýrismanninum upplýsingar viðvíkjandi støðuni í fiskastovnunum og vísindarligar tilráðingar og metingar samsvarandi endamálinum í hesi lóg. Aftur í ár er sera stórur munur á tilmælunum frá Havstovuni og Fiskidaganevndini. Tilmælini eru grundarlagið undir lógaruppskotinum um áseting av fiskidøgum, sum landsstýrismaðurin í fiskivinnumálum leggur fyri løgtingið á ólavsøku.