hósdagur 17. juni 2004síða 6

10 Nr. 113 - 17. juni 2004 Nr. 113 - 17. juni 2004 11 Aftur standa vit við eitt vegamót. Høvuðsvinnan, fiski- vinnan, fær frá fiskivinnuráðgevingini greið boð: veiðan eftir m.a. toski má minkast munandi. Trýstið á toska- stovnin er vorðið ov stórt og má skerjast so ella so. Hetta eru greiðu boðini frá ICES til eitt nú føroyskar myndugleikar. Nú skulu so okkara egnu fiskifrøðingar og ráðgevar hjá landsins myndugleikum meta um tilmælini frá altjóða stovninum ICES, ein stovnur, sum á hvørjum ári kemur við fakligum tilmælum um fiska- stovnarnar, veiðutrýst og tilmælda veiðu. Ein stovnur, sum eisini hevur verið fyri hvøssum atfinningum bæði í útlandinum og her heima á klettunum. Tað er greitt, at okkara fiskimenn og reiðarar og tey, sum vara av fiskivinnuni, ikki uttan víðari vilja góðkenna øll tilmæli, sum koma frá stovnum sum ICES og somuleiðis okkara egnu fólkum, sum arbeiða við stovnsmetingum. Tað er ikki so langt síðani, at tilmælini frá sama stovni vórðu kolldømd av politisku myndugleikunum her heima eitt nú eftir ráðgeving frá kendum íslendskum fiskifrøð- ingi og ráðgeva. Nú ljóðar so, at hann er komin til Føroya í kjalarvørrinum á nýggjastu ICES-frágreiðingini. Vit minnast øll, hvussu avgjørdur sami ráðgevi var í fjør, tá hann mælti okkum at síggja heilt burtur frá tilmæl- unum frá ICES og okkara egnu fiskifrøðingum. Og so bleiv. Man tað fara at vera so í ár eisini kundi verið spurt. Í skrivandi løtu vita vit tað ikki. Sjálvandi ber tað ikki væl til at skerja veiðuna tvs. daga- talið ógvusliga nógv niður í einum høggi, tí so rillar alt tilverugrundarlagið. Hinvegin ber heldur ikki til bara at ignorera fakliga arbeiði hjá fiskifrøðingum heima og í ICES. Hóast hesi ikki altíð nýtast at siga allan sann- leikan, so byggja tey kortini á drúgvar kanningar og metingar. Eins og í øðrum lívsins viðurskiftum ber heldur ikki her til at siga, antin ella. Tað má finnast ein millumvegur, sum tryggjar eina framhaldandi skilagóða veiðu men sum samtíðis eisini gevur ávaringunum og fakligu tilmælunum frá fiskifrøðingunum gætur. Tað, sum oftani verður nevnt "tann gylti millumvegurin". Men kortini eiga vit heldur ikki at brúka henda sum ein regul. Tí er tað so, at toskastovnurin er álvarsliga hóttur, eiga vit eisini at lurta eftir teimum signalunum. Vit eiga ikki at gloyma gongdina út fyri New Foundland, tá tosk- urin rætt og slætt hvarv av heimskortinum og framvegis ikki er komin fyri seg aftur. Nú alivinnan er í sorli, nú rækjuveiðan líður, ja nú hesar báðar stoltu og týðandi vinnur nærum eru við at bløða út fækkast beinini búskapurin hevur at standa á. Tí setur tað eisini uppaftur størri krøv til okkum øll um at ansa væl eftir tí ríkidømi, sum er eftir, eitt nú toskinum. Eitt ríki- dømi, sum vit hava fingið til láns frá okkara eftirkomar- um. Tað skal vera okkara vón, at føroyskir politikarar og myndugleikar lurta eftir ráðunum frá okkara egnu fiskifrøðingum og viga tey væl og virðiliga. Hvørja endaliga loysn teir skulu koma til hava vit onga patentloysn uppá. Men brúkið vit og skil og vísið var- semi. DAGSINS MEINING Sosialurin Vísið varsemi VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Jákup Mørk jakup@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Gudny Langgaard gudny@sosialurin.fo Finnbjørg Nattestad finnbjorg@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Dagfinn Olsen dagfinn@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Heini í Skorini heini@sosialurin.fo Rúna Sivertsen runa@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Hans Kárason Mikkelsen hans@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Hestprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Atli S. Justinussen Árnafjørður Kappróður, okkara mentan- arítrótt, er nú við árunum bara blivin meira og meira harður, og sjálvsagt ótrú- liga spennandi, soleiðis at úrslitini eru ótrúliga jøvn, at tað er minni enn eitt sekund millum bátarnar. Inni á málinum er upp- tøkutól, so eftirkannast kann, tá javnt er millum bátarnar. Alt gott um upptøkutól, men tá vit nú liva í einari tøknitíð, hevði tað ikki verið upp á tíðina, at allir bátar fingu eina strikukodu á stavnin, so tá bátarnir komu inn um málstrikuna, har ein fotosella var, blivu skrásettir automatiskt í einari teldu á málinum, so onki ivamál var eftir róð- urin. Kappróðrar-Mál ! Í blaðnum leygardagin høvdu vit eina rættleiðing til tíðindini í Degi og Viku mánkvøldið og týskvøldið í síðstu viku. Tá hevði sjón- varpið innslag um, at Sosialurin førdi eina »herferð móti Hermanni Oskarsson«, tí hann á ráð- stevnu hjá Norðuratlants- bólkinum á Christiansborg skal hava sagt, at blokkurin er skaðiligur. Vit fíltust á, at sjónvarpið bar rong tíðindi og mani- puleraði við Sosialinum hendan dagin. Sjónvarpið misbrúkti yvirskriftina á forsíðuni, sum sjónvarps- maðurin segði snúgva seg um Hermann Oskarsson. Orðini vóru: »Øsir danir upp móti føroyingum«. Yvirskriftin vísti til sam- røður við løgmann, vara- løgmann og fíggjarmála- ráðharran, sum allir vístu á, at teir hildu, at Tjóðveld- isflokkurin við at flyta føroyskan politikk niður til Danmarkar »øsir danir upp móti føroyingum«. Hetta hevði einki við Hermann Oskarsson at gera! Eg gjørdi mær eisini tann ómak at ringja til sjón- varpsmannin og vísa á mína misnøgd. Hann gav mær rætt í, at tað helst ikki var rætt at vísa á okkara »matarlepa« og at tað held- ur ikki var relevant at vísa myndir av blaðhúsinum hjá Sosialinum – fyri at gera innslagið meira dramatiskt. Hann segði, at hann helt, at vit ikki høvdu gjørt okkara journalistiska arbeiði nóg væl, men at »kritikkurin var noteraður«. Kortini valdi hann aftur at gera sama mistak týskvøldið – aftur at manipulera við forsíðuni hjá Sosialinum, sum einki hevði við málið um Hermann Oskarsson at gera. Í grein í blaðnum í dag setir Høgni í Jákupstovu, journalistur í Svf, seg sum dómara yvir okkum, og vísir á, at vit ikki gera okk- ara journalistiska arbeiði til lýtar, og at hann »stendur fast við, at Sosialurin eisini var partur í einari hetz og jagstran av einum almenn- um persóni, sum varð skyldugur í at hava sagt sína meining í Danmark«. Lat meg beinanvegin við- ganga, at vit ikki eru lýta- leys á Sosialinum – eins væl og eingin annar fjøl- miðil er tað. Men tá Høgni í Jákupsstovu fer so langt sum at siga, at vit fremja »karaktermorð«, so fær tað meg at ivast í, hvør tað er, sum setir dagsskránna. Setningurin hjá Bjarna Djurholm um Hermann Oskarsson átti helst ikki at verið við. Men harfrá at fara at generalisera alt at snúgva seg um hendan per- sónin, tað er ov langt úti. Hava politikarar úr Javnað- arflokkinum, Sambands- flokkinum og Fólkaflokk- inum nú ikki loyvi at kriti- sera Tjóðveldisflokkin fyri hansara virksemi í Dan- mark? Vit hava als ongan áhuga í at leggja eftir Hermanni Oskarson. Tað hevur heldur ongan týdning fyri okkum, um hann er tjóðveldismað- ur ella okkurt annað. Men vit góðtaka ikki at verða løgd undir hesa »herferð«, og vit góðtaka heldur ikki at vera orsøkin til skeivan boðskap frá ráð- stevnuni hjá Norðuratlants- bólkinum. Vit høvdu fólk á staðnum sum skrivaði frá stevnuni. Okkara fólk hev- ur so ikki mett, at tann part- urin, sum snúði seg um blokkstuðulin og Hermann Oskarsson var tað týdn- ingarmesta, so vit kunnu ikki verða orsøkin til, at so nógv fólk hava fingið hetta skeivt í hálsin. Orsøkin er kanska at finna hjá fyrireikarunum sjálvum. Í Fregnum valdi skrivarin hjá Norðuratlants- bólkinum í fyrstu útgávu eftir ráðstevnuna við feitum stavum at endurgeva Jørn Astrup Hansen, banka- stjóra, fyri at siga, at »Blokkstuðulin er skaði- ligur«… Hesum vísti Jørn Astrup Hansen aftur í blaðnum í gjár. Tað er harmiligt, at tað er so trupult hjá sjónvarps- manninum at viðganga, at hann gjørdi eitt mistak. Var talan ikki um eitt mistak, so var tað tilætlað at Sjónvarp Føroya leggur Sosialin undir hesa herferð. So kunnu vit bert staðfesta, at so hevur Høgni í Jákups- stovu ein trupulleika. Eirikur Lindenskov, blaðstjóri Misskilta jagstranin í Sjónvarpi Føroya Hans Birgir Hansen Biggi samfelagsrevsari úr Havnini Eg havi nógv atfinning- arsemi ið gevur úrslit tá ein vísir á teir grund- leggjandi skeivleikar, og órættvísi, hvussu sam- felagið er innrætta og skipa, í stríð við »Mannarættindar skip- anir«. Tað er einki sum eitur, at tey lóggevandi, døm- andi, útinnandi, valdir, fáa hevja lóg og rætt, landaskil, eins fyri allar føroyingar, vísandi til stættarskipan, muni, og tí rikna familjupolitik! Tað hevur avgerandi týdning, at øll kunnu sýna hvør øðrum ein sømuligan atburð, og læra at kenna, og virðis- meta onnur medmenn- iskju, hvat tey ráðaríku, ikki vilja gera í Føroy- um! Fólki innanfyri av- greiðslur, umsitingar, og í tí dagliga samskifti, taka einki fyrilit og hógv, mótvegis egnu viður- skiftiafólkum og med- menniskju, tá valdsmis- nýtslan er í hæddini ídag! Øll medmenniskju hava krav upp á at fáa frið og vera tryggjaði, mótvegis øllum teim frísku, ið ikki hava nóg mikið við at greiða egnu lívsviðurskiftir, og skipa gerandislív í Føroyum. Lóggávur, skipanir, mannagongdir, kunn- og reglugerðir, innanfyri av- greiðslur, umsitingar, al- menna, land, kommunur, ríkið, privata, er ikki til- laga viðurskiftafólki og medmenniskju! Samfelagið er kavet- andi rotið, korrupt, sjúk- ligt, viðbreki, tá fólkið ikki fær fortreytir, til- verugrundarlagið, eftir egnu førleikaevnum, og vera kunnað um sam- felags ábyrgdir og skyld- ir ídag. Tað er ræðuligt at uppliva samfelagið, ið er fyrilitað, kenslu, sam- visku, skyld, ábyrgdar- leyst, kalt og kyniskt, úti á øllum støðum, almenn- ingurin, hevur atgongd og úti í øllum náttarlívin- um! Tað skal finnast harð- liga at øllum teim frísku, hvussu hesi fara við teim, ið eru øðrvísi uttan fyri stættaskipan, muni og tí rokna familjupoli- tikki, á almenna og privata arbeiðsmarknaði ídag! Tað er skelkandi at uppliva og síggja hvussu børn, ungdómur, tilkom- in, eldra fólki, er broytt tann skeiva vegin av áðurnevndu, ið er høv- uðsupprunin til atfinn- ingarsemi í lesarabrøv- um! Tað er fullkomuliga burtur við børn, ung, tilkomin á bústovnum og v i ð g e r ð a r s t ov n u m , sjúkrahúsum, ellis- og røktarheimum, ið fáa eina ómenniskjaliga røkt og viðgerð eins og djór- ini fáa! Eg skrivi alt út frá egnum erfaringum, lívs- royndum, kenslum, meiningar, upplivingar, ið ein fær greitt frá í teim túsundtals lesarabrøvum, ið gevur øllum innlit, forstáilsi, tilvitan í dag! Eg eri hart ímóti medesinsku viðgerðum og elektroshok og at børn, ung, tilkomin, eldra fólki verður við tvangshóttanum og skip- anum tikið av ræði í egnum barnaheimi í øll- um Føroyum! Øll ið stuðla og halda hondina yvir slíkum at- sóknum geva mær veru- liga andstygd í ikki eru frægari enn øll fakfólk, starvsfólki innanfyri ráð- andi kreftir skipanir, myndugleikar, valdir! Samfelagið fyri øll í Føroyum VIÐMERKINGAR Jón Ellendersen Oyrarbakki Tað kann tykjast eitt sindur løgið, og eisini eitt sindur ábyrgdarleyst, at Oyrar- bakki sum ein av teimum fáu bygdunum í Føroyum einki bussskýli hevur, ikki minst tá hugsað verður um, at vit hava ein stóran skúla, har børnini mangan standa í regni, kava, stormi og kulda og bíða eftir bussin- um. Og bíða, tað noyðast øll sum ætla sær við Bussleið- ini av Oyrarbakka, tí bæði bussurin úr Leirvík og úr Havn kemur tá tað, so at siga, passar honum. Til tíðina kemur hann so ikki, hvør orsøkin so man vera. Tað kann ikki vera rætt, at børn og eldri fólk skulu fáa karm omaná karm, standa og frysta í kulda uttan nakran sum helst møguleika at kroka, og næstu ferð bussurin støðg- ar, um tað so er norðureftir, suðureftir ella út móti Skálafjørðinum, standa øll trygt og gott í bussskýlin- um, væl vard móti regni, vindi, kulda og kava. Eg vóni, at hetta brævið er nóg mikið, tí um stutta tíð letur upp ein nýggjur stovnur, ein barnagarður, vøggustova og frítíðarheim í einum, og tá haldi eg, at tað líkist ongum, at bert tey, sum hava egnan bil, hava tað fullu gleðina av stovn- inum. Sjálvandi er onkur orsøk fyri, at vit einki skýli hava, men um tað so bert eitur fyribils, sum er mest út- breidda sjúka í Føroyum, so hava børnini, sum ganga á felagsskúlanum, tey gomlu, sum ætla sær suðureftir ella aðra veðir við bussinum, rætt til eitt skýli. Við vón um, at tá skúlin byrjar aftur, stendur eitt flunkandi nýtt skýli og bíðar eftir næmingunum. Einki bussskýli á Oyrarbakka Høgni í Jákupsstovu Journalistur Sjónvarp Føroya Blaðstjórin á Sosialinum, Eirikur Lindenskov, hevur fingið ilt í afturpartin, or- sakað av at Sjónvarp Før- oya vísir á matarlepan hjá blaðnum, saman við matar- lepanum hjá hinum størra blaðnum, Dimmalætting. Eirikur Lindenskov sigur, at tað harmar tey á Sosial- inum almikið at vera mis- brúkt á ein slíkan hátt. Veruleikin er tíverri tann, at Sosialurin hevur sett all- ar vanligar journalistiskar leiðreglur til síðis í sínari viðgerð av ráðstevnuni á Christiansborg, tá ið blaðið ókritiskt og uttan á nakran hátt at geva rúmd fyri aft- ursvari av sera grovum ákærum móti einum óheft- um ráðgeva. Tað varð tí at Sosialurin varð nýttur sum myndabakgrund í innslag- num í Degi og Viku um herferðina móti Hermann Oskarssyni. Hermann Oskarsson er tjóðveldismaður Á síðu 6 og 7 í Sosialinum hendan dagin eru tríggjar greinar um ráðstevnuna á Christiansborg. Jóannes Eidesgaard, Bárður Nielsen og Bjarni Djurholm siga sína hugsan um tað, sum fram er farið á Christiansborg. Løgmaður heldur, at Høgni Hoydal øsir danir upp ímóti føroy- ingum, Bárður Nielsen heldur at Høgni Hoydal roynir at gera tað í Dan- mark, sum ikki eydnaðist í Føroyum og Bjarni Djur- holm heldur, at Føroyingar eru farnir undir skaðiligt virksemi í Danmark. Tað eru greinarøðir sum hava ein heilt greiðan vink- ul - samgongumenn fáa møguleika at siga sína hugsan um tiltakið hjá Tjóðveldisflokkinum í Danmark. At greinarnar í sær sjálvum ikki seta ein einasta kritiskan spurning til teir tríggjar samgongu- menninar er sín søk, at blaðmaðurin spyr sam- gongumenninar um nakrar fyrilestrar sum hvørki hann ella samgongumenninir vita nakað sum helst um, er ein onnur. Men tað er ikki tað ringasta. Ketan hjá Sosialinum hoppar av álvara av, tá ið Bjarni Djurholm at enda verður siteraður fyri at siga, at ein av høvuðsrøðarunum varð í uppskoti at vera val- evni til Tjóðveldisflokkin. Blaðmaðurin hjálpir so lesarunum at upplýsa, at talan er um Hermann Oskarsson. Bjarni Djur- holm sleppur at enda greinarøðina á síðunum 6 og 7 við at siga, at so er ikki meira at siga um tað. Insinuatiónin er heilt greið. Hermann Oskarsson er tjóðveldismaður og tískil fremur hann eisini undir- gravandi virksemi í Dan- mark. Haraftrat verður Her- mann Oskarsson knýttur - orsakað av hasari viðmerk- ingini og upplýsingini frá blaðmanninum - saman við Tjóðveldisflokkin. Herman Oskarsson hjálpir Høgna Hoydal at skapa øsing mill- um føroyingar og danir og hann roynir eisini at hjálpa Høgna Hoydal at fremja tað í Danmark, sum hann ikki megnaði í Føroyum. Men hví er Sosialurin trupulleikin og ikki Bjarni Djurholm, sum jú eigur orðini? Orsøkin er ógvuliga einføld. Tá ið Sosialurin letur ein slíkan setning standa totalt einsamallan og tað einasta sum verður gjørt fyri at hjálpa lesaran- um ávegis er ein upplýsing um at tað er Hermann Osk- arsson, sum Bjarni Djur- holm sipar til, so ger Sosialurin setningin hjá Bjarna Djurholm til sann- leika. Men veruleikin er, at hatta er ein grov insinua- tión, eitt karaktermorð sum liggur í hasum reglunum. Tað sum verður sagt mill- um reglurnar, er at Her- mann Oskarsson kann ikki nýtast til nakað sum helst, hevur einki trúvirði og tað einasta hann ger er at renna ørindi fyri Tjóðveldis- flokkin. Hvar eru teir kritisku spurningarnir til Bjarna Djurholm? Nakrir teirra kundu verið: Hvussu veitst tú at Her- mann Oskarsson er tjóð- veldismaður? Um hann varð á listanum veitst tú so, at hann sjálvur bað um at sleppa á listan? (Tað gjørdi hann ikki, eg havi spurt hann, HíJ) Meinar tú at hann ikki kann brúkast sum formaður í Búskaparráðnum, tí at hann er tjóðveldismaður? Kanst tú prógva at hann er tjóðveldismaður? Kanst tú prógva at hann rennir ørindi fyri Tjóð- veldisflokkin? Og so framvegis. Eirikur Lindenskov sigur, at teir í sama blað lata Her- mann Oskarsson koma til orðanna um kæruna frá Føroya Fiskimannafelag. Gamaní er tað rætt, men blaðið velur ikki at kon- frontera Hermann Oskars- son við karaktermorðið, sum Sosialurin letur Bjarna Djurholm fremja á síðu 7. Hermann Oskarsson slepp- ur ikki at svara uppá grovu ákærurnar frá Bjarna Djur- holm. Ákærur, sum eru so grovar at kundu tær prógv- ast, SO átti Hermann Oskarsson at farið frá. At pástanda at Hermann Oskarsson er komin til orðanna er, fyri at siga tað milt, ein hálvur sannleiki. Ja, hann er sloppin at svara uppá kæruna frá FF - men so heldur ikki meira. Tað at karaktermorð eru so løtt at fremja í Sosialin- um er ein háðan móti øllum sunnum journalistikki. Hatta er tabloidjournali- stikkur sum hevur eittans endamál og tað er at selja bløð. At so karakterlík fylgja í kjalarvørrinum, tað sær blaðhúsið á Argjum ikki út til at leggja nakað í. Tað er í stuttum orsøkin til at eg sum journalistur framvegis standi fult og fast við, at Sosialurin eisini varð partur í einari hetz og jagstran av einum almenn- um persóni, sum varð skyldugur í at hava sagt sína meining í Danmark. Ein persónur, sum má og skal hava møguleika fyri at koma við konstruktivum íkasti til kjakið í Føroyum og í Danmark. Tað er mikið møguligt at karaktermorðið hjá Bjarna Djurholm einans varð eitt mistak, frá blaðmanninum ella Bjarna Djurholmi sjálvum. Men so er tað Eirikur Lindenskov einsa- mallur sum situr eftir við ábyrgdini. Greinin hjá Eirikki Lindenskov eitur "Skeiv endurgeving í Sjónvarpi Føroya." Innslagið í Degi og Viku skuldi kanska heldur itið "Karakter- morðið í Sosialinum." Hermann Oskarsson hunddálkaður í Sosialinum C M Y K 11 10