hósdagur 26. juni 2014síða 5

5 Fríggjadagur 27. juni 2014 · Nr. 72 Sosialurin Hugskot og viðmerkingar – send sms til 225000 mentan Kinna og Inger Kinna Poulsen er cand.mag í donskum og listasøgu og arbeiðir í Hoydølum, har hon undirvísir í donskum og listasøgu. Harumframt kuraterar hon framsýningar og hevur m.a. sett saman framsýningina Billedord Ordbilled á Norðurbryggjuni. Næsta verkætlanin er Ólavsøkuframsýningin, sum letur upp ólavsøkuaftan í Listasavninum. Inger Smærup Sørensen hevur útbúgving innan listafrøði frá Lærda Háskúlanum í Keypmannahavn. Hon arbeiðir freelanse við at gera listaframsýningar, eitt nú stendur hon fyri Summarframsýningini, Glas, sum er í Norðurlandahúsinum í hesum døgum. Inger leggur somuleiðis mentunarinnleggið, Mentan, sum er hvønn mánað í Sosialinum, til rættis Kinna og Inger byrjaðu listablogguna, Listin, fyri 4 árum og 2.337 innleggum síðani. Ein hálv millión vitjandi hava verið inni á blogguni hesi fýra árini. Kinna Poulsen. Hon hevur ikki havt trupulleikar við at arbeiða kritiskt, men hon hevur merkt á um­hvørv­ in­um, tá hon hevur verið atfinningarsom. – Eg havi merkt tað sera væl, tá eg eri komin inn í eitt rúm – tað hevur nærmast ver­ið, sum um eg var ein kakkerlakkur, sigur Kinna Poulsen. Inger Smærup Sørensen sigur, at hon hevur verið serliga glað fyri, at tað er eydnast at fáa listafólk at koma við teirra verkum. – At gera "bloggulist" Eitt nú okkara skaldskapsjóla­ kalendera, har Toroddur Poulsen, Carl Jóhan Jensen, Rói Patursson og Sissal Kamp­mann hava havt eina yrking fyri hvønn dag í de­ sember, tað var eg sera fegin um, sigur Inger Smæ­rup Søren­sen. Harumframt tekur hon mót­mælis­listina fram, sum nakað, hon hevur verið serliga glað fyri. – Eg haldi, at tað hevur ver­ ið stuttligt at brúkt blogg­una uttan fyri blogg­ una. Eitt nú tá vit gjørdu eina fram­ sýning saman við Amnesty á blogg­ uni, har listafólk kundu senda vir­ tuel lista­verk til blogg­una, sum seinni vóru brúkt til eina veruliga fram­sýn­ing, sigur hon. Men ilt er at siga, hvat hevur haft størstan týdning. – Nakrar av teimum grein­ unum, sum eg havi brúkt longst tíð upp á, og sjálv havi verið glaðast fyri eru kanska lisin av trimum fólkum, með­ an tað hevur fingið stóran týdning og skapað nógv kjak, at skriva nakrar linjur frá Tingvarpinum av og lagt tær út, sigur Inger Smærup Sørensen. Hugurin drívur verkið Tær hava lagt nógv arbeiði í blogguna, og tað hevur tikið nógva tíð, men áhugin hevur drivið verkið. – Tað hevur verið rættu­ liga ymiskt, hvussu langa tíð vit hava brúkt upp á blogg­innleggini, og hvussu umfatandi tey hava verið. Onkuntíð hava eg sitið til klokkan 02 um náttina fyri síðan at fara upp aftur klokkan 05, fyri at gera eina grein lidna, áðrenn eg skal til arbeiðis, sigur Kinna Poulsen. Orsøkin til, at Inger og Kinna fóru undir blogg­ una, var, at tær hildu, at ment­anar­tilfar manglaði í almenna rúminum. Tað mangl­aði kjak og vitan um list, eins og kritisk viðgerð av ment­anar­politikkinum. – Vit høvdu ikki nakað for­ kromað endamál við blogg­ uni. Vit vóru samdar um, at alt ov lítið verður gjørt um mentan í fjølmiðlunum, og tí vildu vit gera nakað sjálvar. So fóru vit í holt við tað, sigur Kinna Poulsen. Listabloggin er vorðin ein so fastur táttur í almenna rúminum, at fólk gloyma, at tað er ein privat blogga. – Fólk finnast at, at vit ikki umrøða alt, men hetta er ein privat blogga, sum vit gera av áhuga, og vit ummæla sjálvsagt list, sum vit halda er áhugaverd, sigur Kinna Poulsen. Einastandandi møguleikar í Føroyum Dagliga bloggan er somu­ leið­is ein avbjóðing, sum hevur kravt, at tær hava fylgt væl við, og at tær hava gingið til nógv tiltøk. Nú gleða tær seg til at fara til ein sjónleik ella eitt tiltak uttan at skulu hugsa um, at tað møguliga skal ummælast ella viðmerkjast. – Tað eru longu fimm dag­ ar, har vit ikki hava skrivað. Tað er heilt løgið, tí ikki ein dagur er gingin í fýra ár uttan. Nú skulu vit líka hava eina pausu. Møguliga okkurt annað stingur seg upp, sigur Inger Smærup Sørensen. Mentanarpolitikurin er tungur, og kann vera troytt­ andi í sær sjálvum, men tað er av týdningi at arbeiða við tí. – Mótsatt sjálvari listini kann eg gerast sera móð av øllum rundan um listina. Tú skalt vera tolin, um tú vilt síggja betringar á ment­ anar­politiska økinum, men eg haldi kortini, at tað er vert at arbeiða við, tí tað eru fan­tastiskir møguleikar fyri at gera verðsins besta mentanar­politik í Føroyum, sigur Inger og leggur aftrat: – Vit eru so lítil, at vit kunnu gera eina fyrstaflokks listarliga royndarstøð, tí tað eru so nógv ting, sum eru lættari, at gjøgnumføra, tá landið er so lítið. Tískil eru einastandandi møguleikar í Føroyum, og teir gleði eg meg til at gera brúk av. marjun@sosialurin.fo