hósdagur 22. mai 2014síða 38

Sosialurin nr. 58 · 23. mai 2014 10 VIKUSKIFTI samkyndir fráflytarar Filip Mortensen og Petur Háberg liva báðir sítt vanliga lív heima í Føroyum. Tí gjørdust teir ikki sørt skakkir, tá teir á týskari heimasíðu fyri samkynd sóu seg endurgivnar fyri at greiða týskum samkyndum frá, hvørji bestu støðini í Keypmannahavn eru Lover Lover Jákup Mørk jakup@sos.fo At verða ummældir í einum týskum miðli er ikki tað ringasta, sum kann henda einum føroyskum tónleika­- bólki. Hetta var eisini fyrsti tankin, sum Petur Háberg gjørdi sær, tá hann fekk grein sendandi í telduposti frá tónleikamakkaranum, Filip Mortensen. – Eg sá, at myndin var frá eini fram­førslu hjá okkum á Loppen á Christiania, so hetta var bara heilt ok. Men tá systir mín las greinina, spurdi hon við einum heldur løgnum eygna­ brá, um eg hevði sæð tað, sum tey skriv­aðu, sigur Petur Háberg. – Eg eri ikki tann stinnasti í týskum, men við hjálp frá Google-translate kom eg ígjøgnum greinina, og eg má bara siga, at eg gjørdist ikki sørt skakkur. Greinin er partur av Queer Travel, sum er ein síða fyri ferðamál hjá sam­ kyntum týskarum, og sambært greinini greiða teir báðir føroyingarnir frá, hvussu gott tað er búgva í danska høvuðs­staðnum, har fordómarnir um sam­kynd ikki eru eins stórir, sum teir eru í lítlu Føroyum. Alt er íspunnið Hetta trongskygni er – sambært grein­ ini – orsøkin til, at teir báðir Filip og Petur, eru fluttir úr Føroyum til danska høvuðs­staðin, har teir eisini hava stovn­sett pop-bólkin, Lover-Lover. Seinni í greinini vísa teir á, hvar bestu støðini í býarlívinum eru, um tú ert samkynd/ur. – Eg mundi doyð, sum eg flenti, tá eg hevði koyrt greinina gjøgnum Google-translate. Eftir øllum at døma vita Filip og eg alt um, hvar samkynd ferð­ast í danska høvuðsstaðnum. Og sam­bært greinini hava vit eisini eitt yndis­stað, sum eitur Cosy-bar, har tað eru nógvir ungir studentar millum føstu gestir­nar, sigur Petur. Eisini vita vit eftir øllum at døma, hvar tað er best at shoppa í Keyp­mannahavn, men eg má bara skuffa tey vónríku og siga, at tað veit eg heldur ikki, sigur Petur Háberg. – Veruleikin er tó, at vit hava ikki ánilsi fyri, hvat hetta er fyri barr. Vit eru báðir tveir framhaldandi búsitandi í Føroyum við okkara familjum, og hesa sein­astu vikuna hava vit bara flent eftir grein­ini, men vit hava eisini hugsað um, hví ólukkan ein slík samrøða – sum ongan tíð er gjørd – skal standa á heima­síðuni, sigur Petur. – Eg havi argað Filip við, at hann allar­helst man hava tosað við hendan týska blað­mannin í fyllskapi, men hann sigur høgt og heilagt, at tað hevur hann so absolutt ikki, so eg má heldur trúgva honum. Tað kundi annars líkst honum at gjørt okkurt líknandi í skemti, men nú hava vit eftirhondini vent hesum nakrar ferðir, og eg haldi ikki, at hann lýgur um hetta, flennir Petur Háberg. – Taðm sum tó undrar meg allar­ mest, er, at greinin enntá er send okkum av blað­manninum. Har er ein mynd frá fram­førsluni hjá okkum á Loppen, so tað bendir á, at hann hevur verið til staðar, meðan vit hava spælt. – Ein møguleiki er sjálvandi eisini, at tað er onkur annar, sum hevur spælt hund við okkum, og at ein samrøða tí er gjørd við »okkum«, uttan at vit vita nakað sum helst um hetta, sigur Petur. Fín reklama Petur Háberg sigur, at hann og Filip hava flent nógv at hesum, síðani grein­ in kom á síðuna, men at teir ikki tíma at gera sær nakað stríð við at fáa eina rætt­leiðing við á greinina. – Tað síggja vit ikki nakra orsøk til. Her heima vita fólk flest, at hatta man vera íspunnið úr enda í annan. Vit stór­ trívast við okkara lívi her í Føroyum, og so tíma vit ikki at taka okkum serliga nær, hvat vit verða endurgivnir fyri her á síðuni. – Tú kanst eisini siga, at navnið hjá okkum hálvgum leggur upp til eina grein av hesum slagnum, og tað plagar jú at verða tikið til, at ring reklama er betri enn eingin reklama. So vit skulu kanska slettis ikki vera so øgiliga ónøgdir um hetta, sigur Petur Háberg flenn­andi. Skírdir sum