hósdagur 22. mai 2014síða 40

Sosialurin nr. 58 · 23. mai 2014 12 VIKUSKIFTI og sum fyrsta dagin Sluppin Johanna TG 326 hevur í ár 130 ár á baki. Hetta verður hátíðarhildið nú leygadagin tann 24. mai 2014. Hóast sluppir vóru í Føroyum, fleiri hundrað í tali, so eru bert tvær eftir í Føroyum í dag, og báðar eru bygdar í 1884. Johanna kom til Føroya í 1894 og Westward Ho í 1895. Í 1981 tóku Vágbingar stig til at verðveita Johonnu, og tey sum minnast áttaiárini, minnast óivað stóra arbeiðið, ið mangan fevndi um alt landið við innsavnan og tiltøkum, ið fór fram hesi árini. Sluppin liggur nú við bryggju í Vági, og sær út sum fyrsta dagin Sluppir Dagfinn Olsen dagfinn@sosialurin.fo Sluppin Johanna TG 326 hevur í ár 130 ár á baki, og leygadagin 24. mai er dagurin, ið er valdur at hátíðarhalda sluppina. Sum fyrsta dagin – Johanna er gjørd klár, og alt hevur verið av dekkinum. Bummar, gaflar og blokkar, alt er pussað. Eisini hevur sluppin verið uppi til árligt eftirlit, tí Skipa­eftirlitið krevur árligt eftirlit, tá talan er um so gamalt skip. Niðriundir er eisini hampað um, sigur Gudmund Jacobsen, formaður í felagnum Johanna TG 326. Og Johanna TG 326 er í dag sanniliga eisini vøkur at skoða, og hóast høga aldurin, sær hon út sum fyrsta dagin. – Gudmund Jacobsen hevur frá byrjan í 1981, hóast ungur tá, verið við í arbeiðinum at varðveita Johonnu TG 326. Mongu seinnu árini hevur hann verið formaður felagsins, og yvirhøvur hevur hann gingið á odda fyri tí, ið hevur havt við sluppina at gera. Fyri mong er hann ímyndin av tí, ið hevur við Johonnu TG 326 at gera. – Fleiri mans hava gjøgnum veturin arbeitt við at gera sluppina klára, sigur Gudmund Jacobsen. – Eg kannaði í góðari tíð, nær til bar at hava hendan 130 ára dagin, tí tað er ikki lætt at finna eitt vikuskifti, har onki annað er á skránni. Funnið varð fram til 24, mai, og eg boðaði frá í góð­ ari tíð, og enn veit eg tíbetur ikki um, at nakað annað stórvegis er á skránni her um leiðir henda dagin, sigur Gudmund Jacobsen, ið ikki kann dylja, at hann gleðir seg til dagin. – Eittnú gleði eg meg til at hoyra gestarøðaran, Poul Andreasen, ið hevur m.a. hevur skrivað Vágs Søgu og bókina Johanna TG 326, sigur Gudmund Jacobsen, ið fegnast um, at Johanna hevur limur og undirtøku í allari Suður­ oynni, og annars limir kring alt landið. Stórt tiltak Talan er um stórt tiltak. Eittnú fara gomlu grindabátarnir á vágna. Eitt stórt tjald verður sett undir stóru bygning­ unum á bryggjuni, har Johanna eisini verður løgd. – Vit hava lagt okkum eftir, at tað skal ikki kosta fólki nakað at koma til hátíðarhald henda dagin. Á henda hátt siga vit eisini takk fyri holla stuðulin, ið er vístur sluppini, síðani byrjan í 1981, sigur Gudmund Jacobsen. Tiltøkini seinni á kvøldi eru tó ikki ókeypis, men gjøgnum allan dagin er ókeypis at vitja og taka lut í tí, sum er á skránni. Tey, ið minnast aftur í áttaiárini, minn­ast óivað stóra arbeiðið, ið mangan fevndi um alt landið við inn­ savnan og tiltøkum, ið fór fram hesi árini. Eitt nú var ein mina frá øðrum veraldar­bardaga at síggja norðanfjørðs, tá hon varð nýtt at savna pening í. Minan er í dag at síggja uttanfyri Undir­húsið miðskeiðis í Vági. 130 ár Gudmund Jacobsen hevur frá byrjan í 1981, hóast ungur tá, verið við í arbeiðinum at varðveita Johonnu TG 326. Mongu seinnu árini hevur hann verið formaður felagsins. Fyri mong er hann ímyndin av tí, ið hevur við Johonnu TG 326 at gera mynd: dagfinn olsen