hósdagur 22. mai 2014síða 41

Sosialurin nr. 58 · 23. mai 2014 13 VIKUSKIFTI Hóast sluppir vóru í Føroyum, fleiri hundrað í tali, so eru bert tvær eftir í Føroyum í dag, og báðar eru bygdar í 1884. Johanna kom til Føroya í 1894 og Westward Ho í 1895. Í 1981 tóku Vágbingar stig til at varðveita Johonnu, og tey sum minnast áttaiárini, minnast óivað stóra arbeiðið, ið mangan fevndi um alt landið við innsavnan og tiltøkum, ið fór fram hesi árini. Johanna fer av bakkastokki í 1884 í Rye í lands­lutinum Sussex suðuri við Ermasund. Sluppin nevndist tá Oxfordshire. Jákup Dahl á Gørðunum í Vági keypti Oxfordshire um miðjan desember í 1894. Í bokini Johanna TG 326, sum Poul Andreasen skrivaði, og sum kom út í 1988, stendur, at skeytið er dagfest tann 10. desember 1894. Oxfordshire er tann 15. desember sama ár komin á Trongis­vágsfjørð, og varð liggjandi har til tann 19. desember, tá skipið helst er farið suður til Vágs. Í 1973 varð sluppin Johanna løgd. Hon hevði siglt út og inn av Vágsfyrði í um leið 80 ár. Í 1981 lýsir A/S J. Dahl sluppina Johonnu til sølu fyri at fáa hana burtur. Skjótt frættist, at fleiri vóru áhuað at keypa, eisini norðanfjørðs, og hildu vágbingar, at tað var synd og skomm, um sluppin fór av fjørðinum. Í mars 1981 varð felagið Johanna TG 326 stovnað. Sluppin varð keypt frá A/S Dahl fyri 1 krónu. Sluppin varð riggað av og fingin upp á land. Hús varð bygt um skipið, so tað kom undir tak. Hetta gjørdist stórur bygningur, ein høll, ið eisini varð nevnt Førooya størsta neyst. Høllin hevði skap sum eitt skip. Arbeiðið upp á skipið gekk væl og alt varð gjørt frá botni av, so sluppin at enda so at siga var totalt renoverað. Tann 24. mai 1986 kundi skipið sjósetast. Enn var tó nógv eftir at gera, sum innrætting niðriundir, og at fáa segl til sluppina. Tann 30. mai varð mynstrað og Johanna kundi stevna yvr hav til Íslands. Sum sagt verður í bókini Johanna 326: »Aftur eitt stórt tak var av. Allir vóru væl nøgdir, tá ið henda snotiliga skúta sigldi tríggjar sólarringar runt, áðrenn hon stevndi út av Vágsfjørði.« Johanna TG 326 Stutt og søguligt mynd: dagfinn olsen Gudmund Jacobsen frammafyri Johonnu TG 326 Johanna við bryggju í 1980. Stutt eftir varð hon lýst til sølu fyri at fáa hana burtur Johanna verður tikin upp og arbeiðið at gera hana í stand byrjar Sjáldsama høllin, ið bygd var um skipið tey árini, arbeiðið at seta sluppina í stand fór fram mynd: úr bókini »Johanna TG 326« Kl. 13.30 Grindabátar fara frá Garðabrúgv og út á fjørðin, um veðrið er til vildar. Verða við kai kl.14.00. Kl. 14.00 Bjóðað verður vælkomin á kaiøkinum har Johanna liggur. Johanna bjóðar the, kaffi og kaku. Hoppiborg verður sett á kaiøkinum – ókeypis kl.14.00 – 18.00 Kl. 14.15 Sangkórið »Ljómur« syngur Kl. 14.30 Gestarøðari – Poul Andreasen Kl. 15.00 Frelsunarherðurin – »Orðið á borið« Høvi verður at handa føðingardagsskútuni gávu Kl. 15.15 Togtogan ( Rock Trawdors móti Tangavirkinum ) – ( Faroe Farming móti Vágs Kommunu). Steypahandan. Kl. 16.15 Felagssangur. Kl. 18.00 Grillað verður, har tann kendi og sera vælsmakkandi Johannu-búffurin v/flutes og eplasalati kann keypast fyri 150,- kr. Grillaðar pylsur 20,- kr. verða eisini til keyps. Kl. 20.00 Føroyskur dansur (Jómsvíkingar skipa fyri). Kl. 22.00 Bryggjudansur – Hans Jacob og vinmenn spæla, kostnaður 150,-kr. Eftir midnátt 200,- kr. Skráin fyri 130 føðingardagin hjá Johonnu: