mánadagur 26. mai 2014síða 5

5 Mánadagur 26. mai 2014 · Nr. 59 Sosialurin Hugskot og viðmerkingar – send sms til 225000 hópdráp Fakta Súnfríð Lambaa Giehm er úr Fuglafirði. Hon býr í Hoyvík, og 20 ára gamli sonurin Thomas Lambaa Giehm lesur búskap og politiska filosofi á lærda háskúlanum í York, í Onglandi. Í løtuni er hann eitt ár á lærda háskúlanum í Santa Barbara, Kalifornia og býr í somu gøtu, sum Elliot Rodgers, sum fríggjakvøldið koyrdi ígjøgnum býlingin og skeyt seks fólk og særdi 13. Á facebook skrivaði Thomas sunnudagin: It is strange to emerge from something as tranquil as the woods of Sequoia only to learn that the outside world is even more twisted than it was when you left it. I am okay but unfortunately many are not; my thoughts go out to those deeply affected by this tragic event. Thomas Lambaa Giehm hevði verið í eitt døgn út í náttúruni uttan samband við umheimin, tá hann vendi aftur til veruleikan saman við vinmonnunum, og hoyrdi um ræðuleikarnar í forstatinum Isla Vista, har hann býr. Hann gjørdist ikki sørt skakkur, tá hann fann útav, at hópdrápsmaðurin í Santa Barbara búði beint yvirav hjá honum. Tá teir fingu tele­fon­sam­ band rullaðu sms-boðini inn og góvu nærmast eina tíðar­ rað­festað lýsing av skelkandi til­burði­num í Isla Vista, har ungi føroyingurin, Thomas Lambaa Giehm býr. - Tað fyrsta boðið segði, at tvey vóru skotin. So fylgdu fleiri og at enda sýndu tey eina mynd av ræðuleikanum, har sjey fólk vóru dripin, men eg haldi enn ikki, at vit vita, hvussu ræðuligt hetta er, sigur Thomas. Hann var enn í Los Angeles, tá Rás 2 tosaði við hann, men býr í Isla Vista, ein forstatur til Santa Barbara, Kalifornia. Hóast tilburðin kennir Thomas seg enn tryggan í Isla Vista umráðnum. Tó ikki eins tryggan og í Føroyum, og kvinnur kenna seg ikki tryggar at ganga einsamallar, sigur Thomas. Hann býr beint yvirav hópdrápsmanninum, og hevur mangan lagt merki til flotta BMW bilin, sum hann koyrdi í. - Eg havi sikkurt borið eyga við hann uttan at vita tað, men hann má hava verið ein friðarligur maður, tí eg havi aldrin lagt merkið til hann, sigur Thomas. Gevur kenslu av at missa tamarhald Hann skundaði sær at senda eini boð til mammuna og øll síni nærmastu, tá hann hoyrdi, hvat var hent. - Eg royndi bara at vissa tey um, at eg hevði tað gott – í øllum førum fysiskt, sigur Thomas. Hendingin gevur honum eina kenslu av at missa tamarhald á umstøðunum. - Hetta ger, at eg hugsi um, at fólk kunnu goyma, hvat tey hugsa og hvørji tey eru. Og kanska eru fleiri, sum hugsa, sum hesin, sigur Thomas. Hann undrast á, at slíkt kann henda. - Eg hugsi eisni um, hvussu tað ber til, at hetta kann henda. Hvat er tað politiskt og samfelagsliga, sum ger, at hetta hendir, og hvat ger seg galdandi sálarliga, tá ein maður velur at gera hetta, sigur Thomas Lambaa Giehm. Hópdrápsmaðurin, Elliot Rodgers, gjørdi eitt manifest á 140 síður áðrenn tilburðin, har hann greiðir frá, hvussu ringt hann hevur havt tað, og hvussu einsamallan hann hevði kent seg, meðan øll onnur høvdu hugna sær. Her sigur hann, at hann vil drepa allar kvinnur, tí tær heldur vilja vera saman við øllum møguligum øðrum enn sær. marjun@sos.fo Var granni hjá hóp­dráps­ manninum Thomas Lambaa Giehn búðið beint yvirav hópdrápsmanninum í Santa Barbara, Kalifornia