hósdagur 29. mai 2014síða 32

Sosialurin nr. 61 · 30. mai 2014 8 VIKUSKIFTI LURTA LES & UPPLIV lagt til rættis: Eyðun Klakstein Summar og sól forðar ikki fyri, at Hollywood lokkar fólk í biografarnar at hyggja eftir blockbusters Vit leingjast øll eftir sól, hita og frí­tíð. Og hóast okkum dámar væl at taka okkum av løttum, verða úti og fáa nakrar sólstrálur, er ein stórur marknaður fyri bio­ graf­filmum um summarið. Hollywood fer als ikki í summar­ feriu, men spýtur blockbusters út um summarið og fær fólk at streyma til biografarnar. Her eru nakrir av stórfilmunum, sum tað ber til at uppliva í biografi kring heimin komandi tíðina. Godzilla Enn ein innspæling av søguni um Godzilla, sum áður hevur hugtikið á hvíta tjaldinum. Fyrsti filmurin var gjørdur í 1954 av japanarum, men síðani hevur Hollywood blandað seg uppí. Vónirnar til hendan filmin hava verið stór, og upplivingin á løriftinum er stórsligin og væl skrúvað saman. Hevur havt frumsýning Edge of Tomorrow Tom Cruice og Emily Blunt hava høvuðsleiklutirnar í hesi filmi, har tey verða noydd at stríðast ímóti rúmdarverum umaftur og umaftur. Leikstjórin Doug Liman, sum gjørdi firsta Bourne-filmin hevur staðið fyri hesum filmi, sum byggir á skaldsgu hjá Hirosahi Sakuraszaka. Hevur havt frumsýning Grace of Monaco Nicole Kidman spælir í hesum filmi Grace Kelly, sum rýmir úr Hollywood, har hon er stór stjørna, til Monako, har hon giftist Rainer prinsi. Filmurin, sum í fjør varð gjørdur um Dianu prinsessu, fekk vánalig skoðsmál, men filmsframleiðararnir av hesum filminum hava gott mót um góða móttøku. Eisini hóast royala familjan í Monako hevur funnist at filminum og sagt, at hann er misvísandi. Frumsýning í juni Filmsfelagið hjá Lars von Trier og Peter Aalbæk Jensen verður lagt undir at hava óskil í sínum fíggjarviðurskiftum Slóðbrótandi tónleikabólkurin Orka, ið hevur gjørt vart við seg heima og burturi seinastu árini, eru nú ávegis við fjórðu út­gávuni. Fløgan hevur fingið heitið Leipzig og verður útgivin fríggja­dagin 13. juni. Fløgan er skipað sum eitt samlað verk, har løgini virka bæði støk og sum ein eind.  Løgini á nýggju útgávuni eru tikin upp kring heimin. Helvtin av upptøkurnum eru gjørdar í eini gamlari kykmyndahøll mitt í Leipzig í Týsklandi, UT Connewitz, sum er eitt høli frá tíðini fyri seinna veraldar­bardaga. Eisini er tikið upp í París, New York, eini lítlari kirkju í Sibrandahûs í Hollandi, á einum báti í Hong Kong og á eini tok­støð í Bombay. Upptøkurnar blivu lagdar til rættis í upptøkuhøli í London, meðan ljóðblandað varð í Støkumørk, Innan Glyvur. Beat og bass Á Leipzig verða eyðkendu Orka ljóðførini og døkka ljóðmyndin blandað saman við UK Bass og LA Beat, og omaná verða lagdar ísandi Norðuratlants røddir. Hesa samanrenning kallar Orka fyri Club Gaze. – Samanborið við annan tón­leik ljóðar hetta sum J Dilla´s Donouts, um tað varð fram­leitt av Burial, við norður­ lendska melodiska viðkvæminum hjá Sigur Rós, og fram­ borið av Faust. Tá ið Orka varð sett á stovn í 2006, blivu ljóðførini bygd á einum bóndagarði Innan Glyvur. Síðani tá hevur Orka havt konsertir og spælt á festivalum um allan heim og samstarvað við kend nøvn so sum Yann Tiersen, LV [Hyperdub], Oktopus [Dalek], Greta Svabo Bech, Eivør og Teitur.  Leipzig kemur út 13. juni 2014 gjøgnum plátufelagið Tutl, og fyrsta umfari verður bert at fáa til keyps í Føroyum. Síðani 1992 hava kendu donsku films­menninir Lars von Trier og Peter Aalbæk Jensen drivið films­ felagið Zentropa. Felagið hevur staðið fyri framleiðslu av nógvum filmum – bæði av nýskapandi, av­bjóðandi og fólksligum slagi. Men nú er filmsfelagið komið undir hert eftirlit av Det Danske Filmsinstitut. Orsøkin er, at illgruni hevur verið um fíggjaróskil í Zentropa, og ein stakroyndir, sum grann­ skoðara­felagið Deloitte gjørdi fyri Det Danske Films­institut, vísti, at tað vóru viður­skiftini í fíggjar­ umsitingini, sum ikki vóru í lagi. Hetta hevur við sær, at Det Dansk Filmsinstitut, sum umsitir almennan filmsstuðul, hevur sett Zentropa undir hert eftirlit, og Zentrop skal lúka nøkur krøv, áðrenn felagið kann fáa films­ stuðul útgoldnan frameftir. Hesi krøv eru millum annað ein frá­greiðing um, hvussu Zentropa ætlar sær at tryggja, at felagið livir upp til góðan bókhaldsskikk. Har­afturat skal Zentropa skjal­ festa betur, hvussu keyp hjá felag­num verða gjørd og goldin. Det Danske Filmsinstitut heldur tó ikki, at grundarlag er fyri at krevja stuðulspengar aftur frá Zentropa. Orka í Leipzig Zentropa undir eftirlit Stórfilmar í summar Upptøkur til nýggju útgávuna hjá Orku eru gjørdar í eini kykmyndahøll í Leipzig, á eini tokstøð í Bombay og aðrastaðni kring heimin Peter Aalbæk Jensen, framleiðari Orka er slóðbrótandi og spennandi Lars von Trier, leikstjóri