hósdagur 17. juli 2014síða 15

nr. 81 · 18. juli 2014 5 bleiv vístur í uruguayanskum sjónvarpi 17. mei. Ein fjórði lýsingarfilmur er gjørdur um Ivan, men hann er filmaður til HM dystirnar í Brazil. – Tað er ikki at fata, hvat hesar lýs­ ingar­nar hava ført til. Tær hava næstan fingið kultstatus í Uruguay. Tær hava koyrt non-stop í trimum teimum størstu sjónvarpsrásunum í Uruguay, og tað gongur ikki dagur, at eg ikki síggi andlitið á mær í sjónvarpinum, sigur Ivan og skoytir uppí, at meðan vit gera samrøðuna, og hann etur morgun­ mat á hotelli í Uruguay, sær hann lýs­ ing­ina í sjónvarpinum. – Øll í Uruguay vita um Føroyar í dag. Eitt sindur skemtiliga kann man siga, at Føroyar eru vorðnar heilt main­ stream í Uruguay. Bara Suarez verður meira avmyndaður Árinini av filminum hava verið nógvar ferðir størri, enn Ivan hevði kunnað droymt um. – Fólkini í Uruguay eru eitt sindur sum føroyingar, at tey verða so glað og stolt, at onkur útlendingur vísir teim­um ans. Hetta merkti eg eisini á Face­book, og á Facebook fekk eg 1000 vinar­ umbønir um dagin. Aftaná tríggjar dagar hevði eg 5000 vinir, sum er há­ markið. Óneyðugt at siga var hetta alt fremmand fólk, sigur Ivan, sum í dag hevur yvir 6000 fylgjarar og lættliga fær yvir 2000 likes fyri eina mynd ella ein status. – Eg havi fingið fleiri túsund boð á Facebook, har øll ynskja at for­telja mær, at tey hava sæð meg í sjón­varp­ inum, og hvussu glað tey eru fyri mín stuðul, sigur Ivan, sum enntá er blivin av­myndaður á eina brosju, sum fólk kunnu hefta á klæðini. Tað tekur eitt sindur av tíð og orku at svara øllum, men Ivan ynskir at geva øllum eitt persónligt svar. – Sjálvsagt eru svarini ikki so long, og eg havi eisini meira ella minni gjørt eina standardheilsan, har eg takki fyri, sigur Ivan, sum í dag fær millum 50 og 100 boð um dagin. Ivan merkir eisini, hvussu kendur hann er, tá hann gongur á gøtuni. – Annar hvør persónur leggur merki til mín. Serliga undir HM varð eg nógv kendur aftur á gøtuni. Kona mín, Kinga, og eg vóru í Brazil og hugdu eftir øllum dystunum hjá Uruguay, og áðrenn hvønn dyst bleiv eg steðgaður fleiri hundrað ferðir av fólki, sum ynsktu at verða avmyndað saman við mær, sigur Ivan, sum metir, at bara kendi fót­bólts­leikarin Luis Suarez er meira av­myndaður í Uruguay enn hann. – Til dystin móti Kolumbia høvdu vit nokk so ringa tíð, og noyddust vit tí at skunda okkum fyri at ikki verða ov sein til dystin. Fyri at koma skjótari fram brúkti eg eina masku av Suarez, sum gjørdust rættiliga væl umtókt aftaná kenda bitið hjá Suarez. Tá fekk eg frið fyri uruguayarum, men bleiv steðg­aður av kolumbiamonnum, sum ynsktu eina mynd av Suarez maskuni, sigur Ivan flennandi. Ivan heldur tað vera ógvuliga stuttligt at blíva kendur aftur á gøtuni á hendan hátt. – Man kann siga, at hetta er úrslitið av mínum risaáhuga fyri Uruguay. Ella sum onkur hevur sagt, hetta er lønin. Men hetta hevði ikki latið seg gjørt í nøkrum øðrum landi enn Uruguay, tí tey verða so eyðmjúk av útlendskum áhuga. Tey vænta, at ongin annar enn tey sjálvi hava áhuga í sínum landi, sigur Ivan. Síðani fyrsta lýsingarfilmin hevur áhugin frá fjølmiðlunum somuleiðis verið stórur. – Eg geri regluliga samrøður við fjøl­miðlarnar. Bæði bløð og sjón­varps­ rásir. Áðrenn dystin millum Ongland og Uruguay bleiv eg spurdur av einum sjón­varpsmanni, hvat eg væntaði, at úrslitaði gjørdist. Eg svaraði, at Uruguay vann, og at teir skoraðu tvey mál. Sjón­varpsmaðurin lovaði mær, at um eg fekk rætt, skuldi hann bera meg á rygginum til Føroya, og sum flestu fólk við áhuga fyri fótbólti vita, fekk eg rætt, sigur Ivan, sum tó skjótt leggur aftrat, at sjónvarpsmaðurin ikki bar hann allan vegin til Føroya, men ein­ans nakrar tíggju metrar. Fekk heiðursmerki hjá síni størstu fótbóltshetju Ikki bara »vanlig« fólk hava víst Ivani ans. Fleiri fyrrverandi landsliðsleikarar hava somuleiðis addað hann á Face­ book. Tann eina kontaktin skaraði tó burturúr. – Í lýsingi greiði eg frá, at mín yndis­ spælari úr Uruguay er Luis Cubilla, og familjan hjá honum setti seg í samband við meg og segði, at tey ynsktu at heilsa upp á meg. Tey gjørdu ikki mætari enn at bjóða mær í familjuføðingardag, sum var eitt ótrúliga stórt og stuttligt upp­ livilsi, sigur Ivan og leggur aftrat, at fólkið í Uruguay er eins og í Føroyum ser­stakliga familjukært. Luis Cubilla var áleypari á lands­ lið­num í 70unum og varð í ár 2000 kosin at vera næstbesti leikari í 20. øld hjá Uruguay. Haraftrat skoraði hann sigurs­málið móti Sovjet í fjórð­ings­ finaluni í HM í 1970, sum er orsøkin, at hann er yndisleikarin hjá Ivan. – Cubilla doyði í fjør, men einkjan vildi ógvuliga fegin vísa mær onkran form fyri takksemi, at eg hevði nevnt mannin hjá sær í lýsingini. Hon gav mær tvær medaljur, sum hann hevði vunnið, umframt eitt torn, sum Cubilla hevði fingið sum viðurkenning í 70unum, at hann var besti spælari á sín­um plássi síðstu 25 árini, sigur Ivan, sum er serstakliga glaður og stoltur fyri hesar gávurnar. Vorðin heiðurskonsul Tjóðin í Uruguay hevur valt at geva Ivani eitt sindur aftur sum eina viður­ kenning fyri Ivansa innsats og kærleika til Uruguay. – Í vikuni møttist eg við uruguay­ anska uttanríkisráðharranum, sum ynskti at gera meg til heiðurskonsul hjá Uruguay í Føroyum. Uttan at siga ov nógv er hetta av sonnum ein dreym­ur og ein risastóra heiður, sum eg ongan­ tíð í mínum lívi hevði kunnað droymt um, sigur Ivan, sum frá nú av skal hava eina skrivstovu til taks í sínum húsum í Klaksvík. – Sjálvsagt er tað avmarkað við sam­bandi millum Føroyar og Uruguay beint nú, men man veit ongantíð, hvussu tað verður í framíðini. Haraftrat er hetta, sum sagt, ein stórur heiður fyri meg. Kinga og Ivan hava ikki ítøkiligar ætlanir at flyta endaliga til Uruguay, men teimum dáma serstakliga væl at ferð­ast har. Men eitt er vist, tey ætla at læra seg flótandi spanskt, sum er málið í Uruguay – millum annað so Ivan kann røkja sínar uppgávur sum heiðurs­konsul á besta hátt. Poul Arni Jacobsen, Anja Hammershaimb Wang, Kinga Eysturland og Ivan Eginsson Eysturland áðrenn dystin Uruguay-Kolombia í Río de Janeiro Saman við Jan Dam í Montevideo í 2008. Daman hjá Jan búði í Uruguay um ta tíðina sum einasti føroyingur, ið nakrantíð hevur búð í Uruguay Kendi uruguayanski tíðindamaðurin Martín Kezman ger »selfie« við Ivan áðrenn dystin ímóti Italia í Natal Ivan saman við eini gentu úr Uruguay, sum vildi avmyndast saman við honum Saman við uruguayanska uttanríkisráð­ harranum Luis Almagro, sum kunngjørdi, at uruguayanski staturin ynskir at tilnevna Ivan heiðurskonsul hjá Uruguay í Føroyum Ivan var livandi maskotur hjá La Celeste í HM Kinga og Ivan til dystin millum Uruguay og Kolumbia. Sum sæst úti í høgru síðu, hava yvir 2000 fólk dámað myndina, og yvir 100 hava deilt myndina.