hósdagur 17. juli 2014síða 20

nr. 81 · 18. juli 2014 10 VIKUSKIFTI menna vit kappróðurin í Føroyum Her eru nøkur uppskot um, hvussu tað tað kundi borið til at endurnýggja kappróðurin í Føroyum. Eitt uppskot er at loysa kappróðurin frá stevnunum, uttan ólavsøku, tí ein ólavsøka uttan kappróður er óhugsandi Kappróður Áki Bertholdsen aki@sosialurin.fo – Kappróðurin skal ikki vera bundin at stevnum. Tvørturímóti skal Kapp­ róðurin hugsa meiri um seg sjálvan og ikki um at halda lív í stevnum. Tað heldur Magnus Gaard. Hann er limur í nývaldu nevndini, sum er sett at skipa fyri kappróðrinum á ólav­ søku, men í hesum føri umboðar hann ikki nevndina, men sigur sína egnu meining. Hann sigur at nettupp ólavsøka er einasta undantakið. – Tað er óhugsandi við eini ólavsøku við ongum kappróðuri, sigur hann. Hann tekur undir við Ludvik við Stein, róðrarviðmerkjara hjá Kring­ varp­inum, tá ið hann bæði í Sosialinum, á in.fo og á Rás2, róði fram undir at loysa kappróðurin frá stevnunum. Magnus Gaard sigur, at kappróðurin á ólavsøku er nakað heilt serligt. Hann er sjálv ímyndin av ólavsøkuni og so mikið týðandi partur av samleikanum hjá ólavsøkuni, at tað ber slett ikki til at hugsa sær at halda ólavsøku uttan at kapp­róður er á skránni. Akkurát einki at bjóða Hinvegin heldur Magnus Gaard, at nógvar av stevnunum kring landið hava akkurát einki at bjóða kappróðrinum. – Summastaðni er kappróðurin bara eitt eiti. Tey manna ikki bátar, men hava bara kappróðrarfelag, fyri at rættvísgera, at tey fáa eina stevnu, har tey kunnu selja pylsur og luftballónir og forvinna eitt sindur av pengum. – Oftani er tað eisini mangan á hesum stevnum, at tað gongur allar ringast at fyriskipa róðurin. – Stevnurnar hava ikki megnað at fylgt við, Nógvastaðni eru stevnurnar ikki annað enn kappróður og nakrar sølu­búðir sum selja pylsur og ballónir. Kapp­róð­urin er væl fyriskipaður, men restin av stevnunum eru fánað burtur í einki. Kappróðurin hevur gjørt sína skyldu, men tað hava stevnufyriskiparar summa­staðni ikki, men tað eigur kapp­ róðurin ikki at føla seg bundnan at. Eitt nú dugur Magnus Gaard slett ikki at síggja nakað skil á, at Voxbotn festival­urin skal flytast, tí hann er sama vikuskiftið sum jóansøka. – Kappróðurin verður noyddur at renna aftan á tíðarandanum, heldur enn at royna at leggja forðingar í vegin fyri honum, sigur Magnus Gaard. Nógv longri róðrarár Hinvegin dugir Magnus Gaard væl at síggja fyri sær, at kappróður verður lagdur afturat øðrum tiltøkum, sum eru. – Hví kann kappróður ikki verða á mentanarnáttini ella á Summar­festival­ inum, spyr hann. Klaksvík er ein góð vág at rógva í, so tað hevði einki gjørt at havt fleiri fleiri róðrar har, spyr hann. – Kappróðurin eigur at verða meiri sjálvsøkin. Vit eiga fyrst og fremst at hugsa um, hvat gagnar kappróðrinum best og ikki, hvat gagnar stevnum kring land­inum best. – Vit eiga fyrst og fremst at hugsa um tað ítróttarliga. Tí eiga vit at hugsa um at skipa fyri fleiri róðrum á firðum, har sannlíkindi er fyri at róðurin verður órógvaður av vindi og streymi, eru so lítil sum til ber. – Vit skulu velja okkum nøkur róðrar­øki, har umstøðurnar eru so góðar sum tilber og har ber so eisini til at hava fleiri róðrar á sama fjørði, uttan at hugsa um, at kappróðurin skal halda lív í stevnunum kring landið. – Tey, sum rógva kapp, eru fólk, sum taka sín ítrótt í allarstørsta álvara og tey hava uppiborið so góðar umstøður, sum tað ber til at geva teimum. Somuleiðis skjýtur hann upp, at kappróðrarárið verður longt, so at tað verða fleiri róðrar. – Kappróðrarfólk venja hart og mið­víst alt árið, men tað eru bara tveir mán­aðir um árið at stevnurnar eru, og tað er stuttligt at vera rógvari. Tí ber tað væl til at hava kappróðrarárið nógv longri enn tað er. Hann nevnir til samanberingar, at fót­bóltsárið er minst eitt hálvt ár. Spurtar og langir teinar Magnus Gaard saknar eisini fleiri róðrar­teinar. Sum er, rógva vit 1000 metrar, 1500 metrar og 2000 metrar summastaðni, men fyri rógvararnar líkjast hesir róðr­ arnir rættiliga nógv. Hann heldur, at hinvegin vísir tað seg, at at tað, sum hevur størstan áhuga hjá áskoðarum, eru teir ordiligu spurtarnir. Í renning er tað kappingin Soleiðis Kappróðurin á ólavsøki skal hava eina andlitslyfting