mánadagur 21. juli 2014síða 13

13 Mánadagur 21. juli 2014 · Nr. 82 Sosialurin Hugskot og viðmerkingar – send sms til 225000 G! Festivalur Onki ordiligt høvuðsnavn Jú, Sister Sledge eru kendar og hava ein kendan sang, men tær standa sum eitt sindur veikt høvuðsnavn. Ikki tí, tær høvdu eina fína konsert, har tónleikararni veruliga dugdu sítt hondverk. Men Sister Sledge var ikki ordiliga nakað, man gleddi seg stórvegis til at hoyra. Haraftrat er ”We are family” ikki millum heimsins bestu sangir, men tað er kanska ein spurningur um smag og behag. Fleiri viðmerktu, at tey saknaðu eitt veruligt hæddarpunkt, og at tey av tí sama ikki reiðiliga høvdu sett seg í skránna. Skráin leygardagin Tá høvuðsnavnið ikki ordiliga var til staðar at draga og savna fólk, var tann uppgávan serliga løgd á føroysku nøvnini. Tey gjørdu tað so at siga fínt, men leygardagin var skráin bara ov tunn at lyfta uppgávuna til fulnar. Leygardagurin á einum festivali eigur at vera tann berandi dagurin, men satt at siga var skráin fríggjadagin væl meira spennandi enn skráin leygardagin. Harafturat vóru tað rættiliga fáar konsertir gjøgnum dagin, áðrenn Símun úr Konoy trein á pall kl. 19.20. Makreltiltakið á sandinum var uttan iva ein av orsøkunum til tað, men hóast suppuna var rúm fyri fleiri konsertum seinnapartin og tíðliga um kvøldið. Hví skuldu eitt av føroysku høvuðsnøvnunum, Byrta, spæla kl. 2 um náttina? Tað hevði verið nógvar ferðir meira hóskandi at rykt skránna ein ella tveir tímar fram, so tónleikaseinnaparturin ikki tyktist so tómur, sum hann gjørdi. Veðrið Fyri at vera rímiligur hava fólkini handan G! onki vald á veðrinum. Men man sleppur ikki rundan um, at veðrið hevur ein serstakliga stóran leiklut, hvussu góður ein festivalur verður. Veðrið vísti seg frá síni bestu og síni ringastu síðu. Fríggjadagin upplivdu gestirnar kanska eitt tað besta summarveðrið, sum hevur verið í summar. Men á onkran hátt føldist tað, sum man hevði tikið eitt veðurlán, og man skuldi gjalda aftur leygarkvøldið við rentu. Eitt var, at regnið minti um tropuregn, men eisini varð høvuðspallurin á sandinum niðurlagdur. Tann avgerðin var skilagóð, tí sandurin var at kalla burtur, men økið tyktist av tí sama heldur lítið tá. Appin Eitt og hvørt tiltak við virðing fyri sær sjálvum hevur í hesum telefontíðum eina app. Tað hevur G! eisini, men fleiri vístu seg at hava trupulleikar við henni. Tað er næstan frægari at ikki hava nakað enn at hava nakað, sum riggar illa. Hjá fleiri virkaði appin seint, og harumframt sløknaði telefonin eisini, meðan man ferðaðist runt á appini. Kanska G! far onkran teldu- ella telefonsnilling at hyggja hana ígjøgnum og forbetra hana til komandi ár. TAÐ MINNI GÓÐA