týsdagur 22. juli 2014síða 31

31 Mikudagur 12. februar 2014 · Nr. 18 Sosialurin Hugskot og viðmerkingar – send sms til 225000 Mikudagur 23. juli 2014 · Nr. 83 ítróttur ørindi og annað. Men tað er í heil­um, at eg fari avstað við bil­inum, men ikki gevi mær far um tað, fyrr enn langt aftaná. Og so liggur sjálv­ andi ein bláur lepi undir viskar­anum, tá eg einaferð komi aftur. Og so hendir tað seg eis­ini ofta, at eg kanska eri farin heim eitt ørindi við bil­inum, men fari avstað aftur við súkkluni, so bilurin verður standandi eftir heima við hús, flennir Gunnar, ið hevur fleiri súkklur og tí eis­ ini viðhvørt kann fløkjast í, um hann fór við súkklu ella bili, tá hann er farin onkra­ staðni. Gott at súkkla Sum sagt, so brúkar hann nógva tíð á súkkluni, men al­oftast ræður hann sær sjálv­um, tí tað ber jú væl til at venja, uttan at skula hugsa um, um onnur skulu við ella ikki. Men tað er tó ikki altíð, at tað ber til, tí viðhvørt venja fleiri saman, og tá er neyð­ugt at taka hædd fyri tí. – Ja, vit hava tríggjar felags venjingar um vikuna, og tá má eg sjálvandi møta upp, tí eg eri venjari. Men í ger­andis­degnum kann eg onkun­tíð avspáka frá ar­ beiðs­plássinum á Trygg­ing­ ini, so eg kann fara av­stað í døgurða­tímanum, og onkun­ tíð eri eg farin ein so­vorðnan súkklu­túr saman við Guðmundi Joensen, sum jú er full­tíðar íðkari í triathlon og tí venur mitt um dagin, sigur Gunnar. – Eg rokni við, at tað er nakað, sum gevur okkum báðum nógv, og fyri meg kann eg so í øllum førum siga, at av tí at hann er so mikið væl fyri, fær ein og hvør vandur súkklari gott av at venja saman við honum. Og hinvegin, so venur hann annars mestsum altíð einsa­ mallur, so tí giti eg bara, at hann eisini fær gott av at hava onkran annan súkklara við sær viðhvørt. Gunnar Dahl-Olsen er enn tann dag fegin um, at hans­ara áhugi varð kveiktur fyri súkklingini afturi í 1989, og hóast hann hevur roynt annað við, so er tað súkkling­ in, ið dámar honum best. – Súkklingin er blivin ein lívsstílur hjá mær. Og tað fantastiska við súkkl­ ing er sjálvandi tað, at tú kanst blíva við, sjálvt um ár­ini leggjast aftrat, tí tað kanst tú kanska ikki so væl, tá talan er um fleiri aðrar ítróttargreinar. Sjálvt renn­ arar kunnu koma hartil, at kropp­urin orkar ikki meira enn eitt vist, umframt at renn­ingin kann belasta liðir og limir í størri mun, enn súkklingin ger tað. Sjálvur havi eg eisini íðkað triathlon til fyri einum trimum ella fýra árum síðani, men har segði ryggurin stopp, sigur hann. – Tí fái eg ikki so væl runnið, so eg má nokk heldur satsað upp á súkkluna. Tað hevur sum so einki við aldur­in at gera, og eg merki eis­ini hetta í rygginum, tá eg súkkli, men ikki so nógv, at tað bilar. Sjálvandi kann tað onkun­tíð bremsa mær eitt lítið sindur, men tó ikki so, at tað fær meg at setast niður og siga, at hatta var tað. Eg kann so eisini ugga meg við, at súkkling verður nógv brúkt í sambandi við endurvenjing og annað, so um eg haldi mína súkkling við líka, skuldi bara staðið væl til, haldi eg. Eisini sigur Gunnar, at um tú heldur súkklingina við líka, so kanst tú blíva við, tí tá fellur tað lætt, meðan tað kann verða straks verri, um ein heldur uppat at súkkla. – Tað er bara at royna at halda tað við líka, tí so er tað lætt. Men skalt tú hinvegin fylgja við teimum bestu, er tað hart. Eg klári ikki longur tað, sum eg kláraði í 1995, tá eg var upp á tað besta, men eg kann saktans taka túrin úr Funningi og niðan á Eiðis­ skarð, uttan at tað ger mær nakað. Heldur ikki klári eg at fylgja við einum ungum fýri sum Torkil Veyhe, sum súkklar við teimum bestu niðri, men soleiðis eigur tað væl­saktans bara at vera. Stóra kappingin Nú er tað so stóra súkklu­ kapp­ingin, Volvo Kring Føroyar, sum er á skránni, og aftur í ár er Gunnar Dahl- Olsen bæði við sum súkklari og fyri­skipari. Tað vil siga, at hann saman við øðrum hevur verið í gongd síðstu nógvu mánaðirnar, so alt skal vera klappað og klárt, tá teir kanska 35 súkklararnir fara í gongd við ársins út­ gávu av stóru føroysku súkklu­kappingini. – Vit sóu jú upp til altjóða súkklukappingarnar, so sum Tour de France, Giro d’Italia og Vuelta a España, ið eru tær størstu og kendastu. Men áðrenn vit fingu gongd í kapp­ingina kring Føroyar, vóru vit á stevnum við Grand Prix-kappingum, har súkklar­arnir fingu stig sum kappróðrarbátar. Vit plagdu at súkkla so mikið undan kapp­róðr­inum, at røðarar og onnur eisini kundu koma at hyggja, greiðir Gunnar frá. – Hetta var í fyrru helvt av 90-unum, og tað vant so mikið upp á seg, at síðst í 90-unum tóku vit avgerð um at royna okkara egnu stóru kapping, sum vardi í fleiri dagar. Tað bleiv so Statoil Kring Føroyar, sum hon hevur itið nógv tey flestu ár­ini, umframt Effo Kring Føroyar, og vit skipaðu hesa kapp­ing eftir sama leisti sum tær stóru, har vit byrjaðu við prologi og føraratroyggju, umframt at vit høvdu bæði landavegssúkkling, einkult­ start og býarsúkkling. Karmar­nir vóru fantastiskir við horn­tónleiki og øllum møgu­ligum, so tað var øgiliga stutt­ligt at vera partur av. Kappingin í ár er tann átjanda í røðini, og síðani byrjan er tað bara árið í fjør, sum er farið burtur ímillum, tí tá var ov nógv av øðrum á skránni, so sum oyggjaleikir og annað. – Sjálvur havi eg havt ringt við at sleppa tí, men hangi enn í saman við øðr­ um góðum fólk. Vit hava mist nógvar góðar kreftir, sum hava hjálpt til, men vit eru altíð nakrir, sum royna at skipa so væl fyri, sum vit kunnu. Í ár spíla vit okk­um so eisini eyka út við einari longri kapping, tí hon er farin úr 300 og upp um kilo­metrar, tí vit hava broytt allar teinarnar. Tað hevur ikki fingið nakran at hildið seg aftur, men heldur tvørtur­ímóti, er áhugin av tí frægasta fyri at vera við í ár, sigur Gunnar Dahl-Olsen. – Rógvi Johansen, Bogi Kristiansen og nú Torkil Veyhe hava altíð dugað væl fingið fleiri við sær úr Dan­mark, umframt at ís­ lend­ing­ar eisini hava verið trúgvir. Men eisini súkklarar úr bæði Belgia, Hetlandi og Ynys Môn hava verið við, og millum annað hava vit frá belgiskum súkklarum fingið tað skoðsmál, at okkara kapping er ein tann best fyriskipaða, teir nakrantíð hava verið til. Slíkt fløvar og er kanska ein orsøk til, at vit eru fleiri, ið ikki vilja sleppa tí, men hava hug at vera við ár eftir ár. hilmarjan@sosialurin.fo profilurin Mynd: Álvur Haraldsen Gunnar Dahl-Olsen Volvo Kring Føroyar 2014 23. juli: 110 km landavegsúkkling Flogvøllurin, Norðskálatunnilin, Toftir, Rituvík, Gøtueiði, Klaksvík, Haraldssund, Klaksvík (Effostøðin) Startur kl. 16.30 24. juli: 110 km landavegsúkkling Gundadalur (Effostøðin), Kaldbakstunnilin, Eiðisskarð, Norðskálatunnilin, Hvalvík, Hósvík, Kollafjørður, Sornfelli Startur kl. 15.00 25. juli: 36 km einkultstartur Sandur (Effostøðin), Meginskúlin, Effostøðin, Sandabrekkan, Effostøðin (teinurin verður súkklaður fýra ferðir) Startur kl. 17.30 26. juli: 115 km landavegsúkkling Tvøroyri (Effostøðin), Fámjin, Hovsegg, Hov, Porkeri, Vágur, Lopra, Sumba (upp um Hestin báðar vegir), Lopra, Hovsegg, Tvøroyri (tvey umfør á niðara og ovara vegi) Startur kl. 10.30 27. juli: 90 km landavegsúkkling Tórshavn (Wenzel á Akranesgøtu), Millum Horna, Gamlarætt, Velbastaður, økið kring Tekniska Skúla í Havn Startur kl. 14.00