hósdagur 31. juli 2014síða 8

Fríggjadagur 1. august 2014 · Nr. 85 8 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin. fo, og so svara Holger og Bjørg tær her í Sosialinum. Spurnarsíðan Spyr og fá svar um útbúgvingar. Allar. Allastaðni. spurningar og svar Pisudagar eru hentir hjá tær, ið fert undir hægri lestur uttanlands í heyst Á hvørjum ári fara hundrað­tals føroyskar pisur undir víðari lestur, bæði í Føroyum og uttanlands. Hetta er ein sera spennandi tíð, ið krevur nógva fyrireiking, og sum eisini hevur nógvar spurn­ingar við sær. Tí skipa MFS (Meginfelag Før­oyskra Studenta), ASK (Altjóða Skrivstovan) og Eik fyri Pisudøgum á hvørjum ári. Tiltakið er ætlað tær, ið fer undir víðari lestur uttan­lands, og endamálið er at geva tær høvi at seta spurn­ingar, fáa góð ráð og tosa við onnur, ið eru í somu støðu sum tú, soleiðis at tú kem­ur so væl frá byrjan sum gjør­ligt. Aftur í ár verður eisini høvi at hitta umboð fyri Ráð­gevingina fyri føroyingar í Dan­mark, og umboð fyri Leinkj­ an.fo. Tiltakið verður mánakvøldið 4. august kl. 19.30 á deildini hjá Eik í Klaksvík og týskvøldið 5. august kl. 19.30 á Ungdómsdeildini hjá Eik í miðbýnum í Havn Skráin • Umboð fyri Eik geva tær góð ráð um fíggjar­lig viðurskifti, m.a. hvussu tú stovnar eina NemKontu og týdn­ing­in av at leggja eina góða fíggjarætlan. • Umboð fyri MFS greiða frá ymiskum prakt­isk­um viðurskiftum og hvussu tú sum lesandi kanst fáa gleði av MFS. Eisini verður høvi at práta við MFS-umboð úr ymsum londum. • Umboð fyri Vinnuhúsið greiða frá nýggja spenn­andi átakinum 'Leinkjan.fo', sum skal binda føroyskar fyri­tøk­ ur og fólk undir út­búgv­ing tættari saman. • Randi Johannesen, ið dag­ liga ráðgevur før­oy­ing­um í Danmark, gevur tær góð ráð um m.a. skattafrádrátt, ferða­ ískoyti, lestrar­stuðul og bú­ stað­ar­viður­skifti. • Holger Arnbjerg, ið hev­ ur drúgvar royndir við at vegleiða lesandi, fer at greiða frá, hvussu tú kanst brúka ASK í sambandi við hægri lesnað – bæði áðr­enn og aftan á at tú ert farin í gongd. Har­ aftur­at hevur hann nógv góð ráð um, hvussu tú kem­ur væl frá lestr­ar­byrjan. • Eftir framløgurnar verða luttakararnir bólk­að­ir, alt eftir hvar tey fara at lesa. Í bólku­num verður høvi at tosa við onnur ung, ið eru/fara uttanlands í lestrarørindum og seta ASK, MFS, Eik, Leinkju­ni og Ráð­gev­ingini nærri spurningar. • At enda verður møgu­leiki at “mingla” og fáa sær okkurt leskiligt til góm­an. Spurningur 1 Hvussu nógv eru tikin upp á Fróðskaparsetur Føroya í ár og hvat var lægsta miðaltalið á kvotu 1? Føroyingurin Svar til Føroyingin: Tá freistin at søkja inn til hægri lestur á Fróðskaparsetri Føroya var úti, vóru 366 umsóknir innkomnar. Av teimum hava 250 fingið bjóðað lestrarpláss. Býtið millum útbúgvingarnar gjørdist soljóðandi: Bachelor-nám Sjúkrarøktarfrøði: 22 – lægsta miðaltal í kvotu 1: 8,6 Lærari: 35 – lægsta miðaltal í kvotu 1: 8,4 Námsfrøði: 35 – lægsta miðaltal í kvotu 1: 7,7 Á hinum útbúgvingunum vórðu øll tey, sum luku treytirnar, tikin upp. Lívfrøði: 16 KT-verkfrøði: 29 Føroyskt (BA og hjánám): 23 Politik og umsiting: 17 Søga: 19 Sosialvísindi og samfelagsplanlegging: 27 Master-nám Master í Føroyskum: 9 Master í lóg: 18 Eftir 4. august, tá freistin at lata inn váttan um innskriving er úti, ber tað til at søkja um tøk pláss, um mann lýkur upptøkutreytirnar. Vinarliga Bjørg og Holger Spurningur 2 Kunnu tit geva mær góð ráð og vegleiðing til, hvussu eg kann fáa eina góða byrjan á mín komandi lesnað? Tann spenta Svar til tí spentu Kom væl í gongd frá lestrarbyrjan: • Finn skjótt saman við góðum lestrarfeløgum • Far til tímar og slepp tær undan (ov nógvum) arbeiði í lestrartíðini • Tak ábyrgd fyri egnari læring • Legg til rættis og raðfest títt arbeiði og frítíð • Ver kritisk/ur – ikki neilig/ur – men granskandi • Ver virkin í lestrarumhvørvinum • Halt frí frá bókunum/lesnaðinum av og á • Hugsa um starvslæru- og skiftismøguleikar undir lesnaðinum • SPYR teg fyri, áðrenn tú rennur teg fasta/n… • Fyrireika teg til at læra nýggj ting við einum øðrum slagi av lærarum og á ein nýggjan hátt og meiri sjálvstøðugt enn áður. • Skiftið kann vera stórt – eisini hvat próvtølunum viðvíkur • Men tað eru nógv, ið fegin vilja hjálpa tær GÓÐAN LESIHUG GG! HALT TÍÐARFREISTIRNAR! Vinarliga Bjørg og Holger Pisudagar 2014