hósdagur 31. juli 2014síða 20

nr. 85 · 1. august 2014 10 festivalurin við at gerast sjónligur Fólkatónleikarastevnan hevur verið í hæddini, nú hásummarið er farið framvið. Stevnan fer fram kring alt landið, eisini á smáplássum, og mánadagin 21. juli var árligi stevnudagurin í Mykinesi, og sigast má, at best goymdi tónleikafestivalurin var sera væl vitjaður henda dagin á útoyggj fólkatónleikarastevna Dagfinn Olsen dagfinn@sosialurin.fo Fólkatónleikarastevnan hevur, saman við Summartónum, mong ár á baki. Men hóast hetta, so hevur hesin tón­ leikafagnaðurin verið nevndur Føroya best goymdi festivalur. Orsøkin er sjálvsagt, at so mangar av kon­sert­unum hava verið á smáplássum, men høvuðs­ staðurin hevur tó eisini fingið sítt. Árligi stevnudagurin Fólkatónleikarastevnan ferðast kiring landið, og vanliga er ein dagur mið­ skeiðis í juli settur av til tón­leika­tiltak í Mykinesi. Tá verður tónleikur spældur dagin á tamb. Ofta verður byrjað eftir døgurða niðri á lendingini, tá báturin kemur. Seinna­partin byrja konsertir í kirkjuni í Mykinesi, og hildið verður fram til kvøldið kemur. Nú er so eisini eitt høli komið í kjall­ aranum í gistingarhúsinum, Kristians­ húsið, og har endaðu frálíku fram­ førslur­nar á ársins tónleikara­stevnu í Mykinesi. Stevnan helt tó fram, tí hjá tón­ leik­ar­unum stóð Havnin og Nólsoy á skránni mikudagin og síðani aftur ferðir á útoyggjum. Tað er nakað heilt serstakt, tá tón­ leik­arar standa á einum grótgarði og fram­føra. Fiól og floytur leika, og elklaverið er sett á hallandi vøllin, og styðjað av við einum gomlum hjóli frá eini hjól­børu. Tónleikurin er ektaður, nakin og viðbrekin, men tó renna neysta­hurðarnar, grótlaðingin, blái himmalin og tónarnir saman í eina eind, ið riggar og er hugtakandi. Sjónligari Fólkatónleikarastevnan hevur mong ár á baki, men hevur ikki verið millum mest umtalaðu festivalar í Føroyum. Hittinorðað hava nevnt stevnuna Føroya best goymda, og kanska mest gloymda, festival. Tó tykist, sum er eittnú árligi tón­ leika­dagurin í Mykinesi væl vitjaður, og fjøldin av áhoyrarum heldur veksur, enn minkar. Rákið er kanska við at venda. Øðrvísi Fólkatónleikarastevnan í Mykinesi í ár var í allar mátar væleydnað. Í ár lut­ tóku bert føroyskir tónleikarar, meðan út­lendsk nøvn hava verið at sæð á breddanum onnur ár. Men føroyska luttøkan borgaði fyri góðsku, so neyvan sat nakar við kenslu av, at nakað vantaði. Fólkatónleikarastevnan og Summar­ tónar eru avgjørt tiltøk, ið seta lit á føroyska summarið. Og tað hava tey gjørt í mong ár, kanska eini 20 -25 ár. Og karmarnir, sum eitt nú í Mykinesi, kann ein ikki ynskja sær betri. Glað og blíð fólk, og so náttúran. Upp­lagt er at seta saman eina ferð, har eittnú tónleikur og náttúruupplivingar smelta saman við felagskenslu, tá ein saman við nógvum fólki er í einum felags­skaåi, har tónleikur er miðdepil, men ikki slepst so langt – í hvussu er slepst ikki aftur til meldurin í stór­ býnum uttan víðari. Sjarma, tónleikur, náttúra og felags­ skapur. Kanska kunnu hesi orð best lýsa goymda festivalin, sum gerst alt sjón­ ligari, nú hann eftir aldrinum er við at gerast vaksin. Best goymdi