mánadagur 4. august 2014síða 5

5 Mánadagur 4. august 2014 · Nr. 86 Sosialurin Hugskot og viðmerkingar – send sms til 225000 mar­ Ann Kristina S. Simonsen Síðani núverandi samgongan tók við í januar 2013 hevur kommunan arbeitt fram ímóti at hava býarbussar í Klaksvík. Ætlanin er at hava tveir bussar, sum koma at koyra hvønn hálva tíma. Steinbjørn Jacobsen, varaborgarstjóri, hevur havt hesa bussleið sum hjartamál undir valstríðnum til síðsta býráðsval, og tí setti hann eisini sum krav til hinar sam­gonguflokkarnar, at buss­leiðin skuldi verða feld í samgonguskjalinum, tá ið fari var undir at skipa sam­ gongu. Spurdur um hví tað var so umráðandi fyri hann at fáa bussleið í Klaksvík, svarar Steinbjørn Jacobsen at hann metur tað verða tørvur á einari bussleið í Klaksvík. Borgarnir búgva nógv meira spjatt enn tey gjørdu, bara fyri fáum árum síðani, og tað verður ein lætti bæði fyri barnafamiljur, og eldri fólk, ið kanska ikki orka so væl at ganga, sigur Steinbjørn Jacobsen. Royndartíð í hálvtannað ár Kommunan ætlaði upp­runa­ liga at hava eina royndartíð við bussunum í eitt hálvt ár, men 22 mai í ár var samtykt at leingja royndartíðina hjá bussleiðini við einum árið, so at hon verður í hálvtannað ár. Hetta var samtykt av tí at mett var, at ein royndartíð uppá eitt hálvt ár var ov stutt til at vísa tí røttu myndina av, hvussu nógv ein bussleið verður nýtt. Tískil bindur kommunan seg til at seta 3,5 mió. av fíggjarætlanini fyri 2015, omaná tær 1,7 mió. av fíggjar­ætlanini fyri 2014. Rokna verður við at buss­arnir koma at kosta 3,5 milliónir um árið, ið svarar til eitt ½ skattaprosent av kommunuskattinum í Klaks­ víkar kommunu. Um man samanber tað við Tórshavn, so kostar bussleiðin har 1% av kommunuskattinum. Ístaðin fyri at bjóðað bussleiðina út avgjørdi Klaks­víkar Kommuna at gera eina avtalu við Askham bussar um ,at teir skuldu átaka sær bussleiðina, meðan royndartíðin er, fyri játtaða peningin frá kommununi. Vit valdu ikki at bjóða arbeiði út, tí hetta er bert ein royndarskipan. Um tað verður avgjørt, eftir hálvt­ annað ár, at bussleiðin verð­ ur verandi, so verður arbeiðið vantandi boðið út, sigur Stein­bjørn. Bussanir koyra Klaksvíkina runt hvønn gerandisdag Til bussleiðina hava Askham Bussar útvega tveir brúktir býarbussar úr Danmark, ið eru í sera góðum standi. - Eg vildi hava gular buss­ ar, tí at eg vil gjarna hava at bussarnir síggjast væl aftur í býnum, sigur Steinbjørn. Ætlanin er at hava 30 steðgistøð runt í býnum, har bussarnar steðga hvønn hálva tíma. Ein bussur kemur at koyra eftir høvuðsvegnum, og ein kemur at koyra ovast uppi, frá endanum á Helnabrekku, niðan á grashjalla og heilt út á Bumshamar, og so allan vegin heim á høvuðsstoppistaðið í miðbýnum. Eisini er ætlanin at bussarnar skulu koyra norð í Ánirnar og út á Norð­ oyrar, men enn er ikki enda­ liga avgjørt, hvussu ofta og hvussu langt, verður ímillum hesar túrarnar. Tó metir Steinbjørn, at bussarnar møguliga koma at steðga har eina ferð um tíman, og ikki hvønn hálva tíma, sum inni í Klaksvíkini. Bussarnir byrjar at koyra klokkan 7 um morgunin, so at tað skal passa so gott sum gjørligt, við bæði skúla­ børnini, ið koyra við honum í skúla, og hjá vaksnum, ið skulu til arbeiðis. Enn er ikki avgjørt hvussu seint út á kvøldið bussarnir fara at koyra, og ætlanin er at buss­ arnir bert koyra gerandis­ dagar. Steinbjørn metir at júst hesir bussar eru sera væl­ egnaðir til býarbussar í Klaksvík, tí teir eru ikki bara brúkaravinarligir fyri skúla­ børn, men eisini eldri fólk, fólk í rullistóli, og barna­vogn­ ar. Tað er ein rampa í buss­ inum, ið er øgiliga væl­egnað til hesar brúkarar, og buss­ urin er lágur og rúm­ligur. Nógv halda at bussarnir eru alt ov stórir, men nú hava teir koyrt fleiri royndartúrar í Klaksvíkini, og tað má sig­ ast, at teir koyra øgiliga væl. Vegirnir í Klaksvík eru so góðir at koyra á, so tað er eingin trupulleiki, sigur Steinbjørn. Bussleiðin byrjar hálvan august Bussleiðin verður fyrst og fremst gjørd sum ein býar­ tænasta fyri borgaran í Klaks­víkar kommunu, men eisini fyri at minka um ferðsl­ una í býnum. - Tað eru øgiliga nógv, sum hava spurt meg um nær bussurin fer at koyra, og fleiri foreldur hava sagt mær, at tað verður ein stórur lætti og at tey koma at spara nógvan pening, nú tað ikki er neyðugt hjá teimum at koyra børnini fleiri ferðir um dagin, bæði í skúla, til ítrótt og onnur ítriv, sigur Steinbjørn. Ætlanin er at bussleiðin í Klaksvík byrjar hálvan august, um sama mundi sum skúlarnir byrja aftur. Tó komu bussarnir longu til Klaksvíkar fyrst í Juli, og av tí at bussarnar komu so tíðliga var avgjørt at brúka teir í samband við ferða­ mannaskipini, sum hava ver­ ið í Klaksvík um summ­arið. Royndartíðin avgerandi Sum áður nevnt, eru tað tveir bussar sum nú er, og til royndarskipanin er liðug, men í løtuni er alt fyribils. Ætlanin hjá kommununi við royndarskipanini, er at finna útav hvussu tað fer at rigga at hava bussleið í Klaksvík, og hvussu leiðin skal skipast fyri at bussleiðin skal verða so góð sum gjørligt. Eisini vil kommunan síggja um tørvur er á bussleiðini, og hvussu stórur hesin tørvurin er. Tó er eingin avgerð tikin um, hvussu nógv fólk skulu nýta bussleiðina fyri, at hon heldur áfram sum ein varandi skipan eftir royndartíðina. Nýggj bussleið í Klaksvík tilboð, so at umstøðurnar hjá tjaldarum verða enn betur í ár. Toymið aftan fyri tjald­ ingina hevur valt at gera nógv burturúr økinum, fyri at skapa hugna og góðan stemning, so at skal verða ein uppliving í sær sjálvum, at koma inn á tjaldingarøkið. Húsafólkini, ið stóðu fyri matinum í fjør, verða aftur við í ár, men í ár hava tey nógv meira á skránni. Tey verða inni í einum stór­ um indianaratelti á tjald­ ingarøkinum, og har eru góðar umstøður at seta seg niður at fáa sær ein bita. Í ár er úrvali av bæði mati og drekka nógv størri enn í fjør. Í ár selja tey ikki bert øl, men hava fleiri sløg av kaffi, so at ein, eitt nú, kann keypa sær fleiri sløg av kaffi, ein góðan grýturætt. Húsa-fólkini bjóða eisini tað kendu húsa­supp­una, og tiltiknu raparbu­saftina. Sum nakað heilt nýtt selja Húsafólkini eisini morgunmat, og har er ætlanin at bjóða egg og bacon. - Tað ber bæði til at koma inn at fáa sær okkurt at eta ella drekka í eini handavending, men tað ber eisini til at seta seg niður og njóta ein góðan døgurða, sigur Ragnhild. Heitir pottar Tað sum er tað heilt nýggja inni á tjaldingarøkinum í ár, eru teir heitu pottarnir. Tað verða tríggjar heitir pottar og sauna á festivalinum í ár, og hesir verða inni á tjaldingarøkinum. Eisini verður eitt fe­ lags­telt sett upp, har fólk kunnu fara inn at hugna sær. Í teltinum verður mill­ um annað ein pallur settur upp, og har verður av og á ymiskar 'happenings', ið uttan iva er nakað, ið tjaldarar kunnu síggja fram til. Hesin pallur var eisini í fjør, men ætlanin er, at har verður meira at síggja í ár. Afturat hesum verða tær vælumtóktu frisørarnar í felagstjaldinum, so um ein hevur hug at fáa sett hárið, ella lagt nýggja make-up á, so er møguleiki fyri tí. - Eg sjálv ímyndi mær, at tá ið man vaknar um morg­ unin á tjaldingar­plássinum, byrjar man dagin við at fara til Húsa-fólkini til ein góðan morgunmat, so í pottarnir og í sauna, og eftir tað inn í felagstelti til frisørarnir at seta hárið og leggja nýtt make-up á, so er man klárur til ein nýggjan dag á Summar­festivalinum, sigur Ragnhild Ellingsgaard. Enn er møguleiki fyri at ogna sær eitt tjaldingarpláss, og fólk kunnu venda sær til kunningarstovuna í Klaks­ vík fyri at bíleggja pláss.±