mánadagur 4. august 2014síða 20

Mánadagur 4. august 2014 · Nr. 86 20 Sosialurin Hugskot og viðmerkingar – send sms til 225000 Ann Kristina S. Simonsen Í fagrasta veðrið, hóast kalt, var stórt hátíðarhald í Mikladali fríggjadagin tann 1 august, í sam­ band við at standmyndin av Kópa­ kon­uni varð avdúka. At tiltaki hevði stóran áhuga millum fólk var eyð­ sýnt, tí hópurin av fólki leitaðu sær út í Kalsoynna. Omanfyri 2000 fólk vóru til hátíðarhaldið, og skráin fyri dagin var bæði umfatandi og fjølbroytt. Fólkið á oynni høvdu stákast í fleiri dagar fyri at kunna taka ímóti teim mongu ferða­fólk­ unum. Long bíðitíð á Syðradali Kunningarstovan ráddi fólki til ikki at taka bil við á Kalsoynna, tí at tað fór at skapa ferðsluruðuleikar, um ov nógvir bilar koma í oynna. Hetta kemst av at kilometrarnir av vegi eru fáir, og trongligt er um nógvir bilar skula parkera. Ístaðin var boðað frá, at skipa var fyri góðum busssambandi, við tað at fýra bussar skuldi koyra ímillum Ternuna og Mikladal. Fólk tóku hesi boðini til sín, og fáir bilar vóru tí við Ternuni. Flutningurin av ferðafólki til og úr Mikladali eydnaðist tó ikki so væl til allar túrarnar. Ternar, ið tekur300 fólk, var fullfermd mestsum hvønn túr. Soleiðis var eisini, tá ið hon fór av Klaksvík klokkan 12.20, tí tá var Ternan stúgvandi full av fólki. Tá ið lagt var at í Syðradali vóru bert tveir bussar, sum bíðaðu eftir ferðafólki. Meginpartin av ferðafólkunum mátti tí bíða eina góða løtu til hesir báðir bussarnir komu aftur eftir teimum. Tey, ið bíðaðu longst, bíðaðu í ein heilan tíma. Av tí at tað var serstakliga kalt hesa løtuna, var lagi ikki av tí allar besta tá ferðafólkini, langt um longi, komu til Mikladals. Tað var so smátt fari at regna, so bæði húgvur, regnfrakkar og gummistilvar vóru tikin í nýtslu, tá ið fólk fóru leiðina oman á helluna til avdúkingina av kópakonuni. Meir enn 2000 fólk til avdúkingina Tað vóru ikki bert hesi 300 fólkini, ið vóru henda túrin á middegi við Ternuni, ið vóru komin til av­dúk­ ingina. Bæði Ternan, sum sigldi tann dagin, og Sam, ið sigldi dagin frammanundan, høvdu verið mest­ sum fullir av ferðandi hvønn túr, so tá ið avdúkingin byrjaði kl 14 vóru fleiri enn 2000 ferðandi á oynni. Meðan tað var gingið oman á helluna rungaði ein ljóðleikur um kópakonuna um alt helli, og tá ið móttøkan byrjaði, klokkan gott tvey, sleyt í og tað var turt. Eftir at Dávur Winter hevði bjóða øllum vælkomnum, byrjaðu há­tíðar­haldi við at Ingibjørg og Rani framførdu eitt lag. Bjørn Kalsø avdúkaði kópakonuna Eftir hetta fekk Bjørn Kalsø, lands- stýrismaðurin í mentamálum, ið er ættaður av Syðradali, heiðurin at avdúka kópakonuna. Bjørn Kalsø byrjaði við at halda eina røðu. Røða hansara bæði byrjaði og endaði við einari yrking hjá Mikldalsyrkjaranum Hans Jákup Glerfoss. Eisini tosaði Bjørn um, at sagnirnar eru ein partur av okkara mentan og mentunnararvi, ið ríkar okkum sum samfelag. Tá ið hann tosaði um sagnina um kópakonuna, nevdni hann, at hon lærir okkum, at vit ikki mugu taka tað, ið ikki er okkara, og at eingin má taka frælsi frá einum øðrum menniskja Í New York er frælsisgudinnan, í Dublin er Molly Malone, í Keyp­ mannahavn er havfrúgvin, og nú í Mikladali kópakonan, segði Bjørn Kalsø at enda, og mannamúgvan fagnaðist. Tá ið Bjørn hevði havt orðið, avdúkaði hann kópakonuna, ið Hans Pauli Olsen hevur tilevnað. At kópakonan er eitt serstakliga flott handverk sást væl á and­lits­ brøgdunum hjá fjøldini, og lógva­ brestirnir hoyrdist um alla hell­ una. Fyrireikararnar aftanfyri Sjómannadagin stigtakarar til Kópakonuna Tað eru Olivur Thomsen, Olivur Joen­sen og Ólavur Samson, ið hava tikið stig til at fáa gjørt stand­ myndina og fyri hesum hátíðardegi. Hetta eru somu menn, sum í mong ár hava fyriskipa sjómannadagin í Klaksvík, og umframt kópakonuna, hava teir fingið fleiri aðrar stand­ myndir gjørdar og settar upp. Eitt nú kann nevnast Egnarin, sum stendur á stongunum í Klaksvík, og Húkin, sum hevur verið nógv frammi í føroysku fjølmiðlunum, og sum í dag stendur í tí fyrstu rund­ koyringini ein kemur til, tá ið ein kemur koyrandi til Klaksvíkar. Síðani Niklas Heri Jákupsson, fyri nøkrum árum síðani, alment byrj­aði at tosa um at fáa eina stand­ mynd av kópakonuni í Mikladali, hava fyrireikararnar aftanfyri há­ tíðarhaldið arbeitt fram ímóti at fáa hesa standmynd í lag. Nú eru góð fýra ár liðin síðani tað av álvara var farið undir hesa verkætlan, og tí var dagurin í dag ein gleðisdagur fyri fyrireikararnar. Tí var tað eisini sera hóskandi, at tað var Olivur Joensen, ið vegna fyrireikararnar, hand­aði Klaksvíkar kommunu standmyndina. Borgarstjórin fekk lykilin til kistuna Tað var Jógvan Skorðheim, borg­ar­ stjóri í Klaksvík, ið vegna Klaksvíkar kommunu tók ímóti standmyndini. Sum eina ímynd upp á hetta, gav Olivur borgarstjóranum lykilin til kistuna hjá kópakonuni. Lykilin hevur Óli Skarðenni tilevna. Áðrenn borgarstjórin fekk orðið, kom Olivur við einari serligari tøkk til listamannin Hans Paula Olsen, sum hevur evnað kópakonuna, og sum í trý ár hevur arbeitt við henni, uttan at hava sáttmála hesum viðvíkjandi. Eisini greiddi hann frá, at tað var eitt drúgt arbeiðið at fáa kópakonuna oman á Stóra kneysa. Ætlanin var at flúgva hana við tyrlu, men av tí at veðrið ikki var til vildar, máttu tað 20 mans til at bera hana oman. Tá ið Olivur Joensen hevði hand­ að Jógvan Skorðheim lykilin, fekk borgarstjórin høvi at bera fram røðu. Í røðu síni takkaði hann, vegna Klaksvíkar kommunu, fyri lista­verki av kópakonuni, og rósti teim­um, ið høvdu gjørt sítt til, at fingið hetta hátíðarhald í lag. Ein heiður fyri Eivør Eftir røðu borgarstjórans, var tað Kópakonan avdúkað í Mikladali