týsdagur 5. august 2014síða 12

Mikudagur 6. august 2014 · Nr. 87 12 Sosialurin Hugskot og viðmerkingar – send sms til 225000 10 tær best Hósdagin verður 11. Summar Festivalurin hildin í Klaksvík. Vit hava kagað ígjøgnum undanfarin ár og valt 10 tær størstu løturnar við útlendskum bólkum á Summar Festivalinum 10 SMOKIE (2008) Tað kann væl verða, at teir verða kallaðir “bygdaligir”, “ræstir” og “ ein fornleivd”, men sjáldan hava so nógv fólk verið á Summar Festivali hóskvøld, sum hetta kvøldið í 2008, tá ið Smokie spældi á Vágsbøi. Teir hava verið í bransjuni í langa tíð, men teir stórtrívast framvegis á pallinum og frammanfyri fólki, sum dugir at syngja við til teirra sangir. Og tá ið teir spæla sín eyðkenda countrypopp og tríva í kendar sangir sum Oh Carol, Mexican Girl, For A Few Dollar More og aðrar, so verður tað bæði lívligt og festligt. 9 LEGENDS (2013) Stóra rockkonseptið á Summar Festivalinum í fjør var framúr. Joe Lynn Turner, Bobby Kimball, Bill Champlin og Robin Beck bergtóku stóru fjøldina við framførslum at stóru hittunum, tey hava verið við til at gjørt ella framført. Talan var um sangarar, sum vóru sera væl fyri og sungu væl, og tað kundi valla ganga øðrvísi, tá ið slagarar sum Street of Dreams, Africa, First Time og Look Away vóru framførdir fyri einum fólkaslagi, sum elskar Chicago, Rainbow og Toto. Skal nakar takast burtur úr rúgvuni, so má tað næstan vera Joe Lynn Turner, sum var framúrskarandi og kemur aftur á Summar Festivalin í ár at syngja saman við Rock Icons. 8 MELANIE C (2008) Tað var eitt gott poppkrýddarí, sum Melanie C hevði at bjóða, tá ið hon kom til Klaksvíkar hetta árið. Fyrrverandi Spice Girls sangarin verður roknaður sum ein av teimum, sum veruliga dugdi at syngja og framføra í heimskenda gentubólkinum, og hon er eisini ein av teimum, sum hevur megnað at at havt stór hitt í tíðini eftir Spice Girls. Melanie C var væl uppløgd og framførdi sangir, sum hon hevur givið út á solofløgum, og hon treiv eisini í onkran einstakan Spice-sang. Ein góð poppløta við songkvinnu, sum var partur av heimsins størsta gentubólki tann tíð, tað var. 7 BRIAN MCFADDEN (2005) Ein av fyrstu veruligu poppstjørnunum, sum vitjaði á Summar Festivalinum, var írin Brian McFadden, sum hevði verið partur av Westlife, men var farin úr bólkinum. McFadden gav fløgu út, sum gav honum undanvind á poppbreytini, og tá ið hann kom til Føroya hevði hann havt síni fyrstu solohitt. McFadden var fyrikomandi og sjarmerandi – bæði millum fólk og á pallinum – og á konsertini á Vágsbøi vísti hann seg eisini sum ein frálíkan sangara og framúr undirhaldara. McFadden hevði tað so gott í Føroyum, at hann vildi ikki fara av landinum aftur, sum hann skuldi. Bólkurin hjá honum fór av stað dagin eftir, men McFadden og hansara umboðsmaður tóku ein dag eyka í Føroyum, og McFadden smæddist ikki við at práta við fólk og hugna sær millum føroyingar. 6 RONAN KEATING (2012) Hann er ein verulig stjørna í altjóða popptónleiki. Kom fram sum partur av dreingjabólkinum Boyzone, men hevur selt eins nógvar fløgur sum solistur eftir Boyzone-tíðina. Hann hevur eitt av størstu popphittunum í nýggjari tíð – When You Say Nothing At All – og tá ið hann framførdi sangin við síni frálíku rødd á Vágsbøi, var móttøkan framúr. Hann