hósdagur 3. juli 2014síða 5

5 Fríggjadagur 4. juli 2014 · Nr. 75 Sosialurin Hugskot og viðmerkingar – send sms til 225000 nokkso skjótt og tað sama líkið av Jens Paula – men hvar var Rani? Leitað varð eis­ini á landi við hundum fyri at úti­hýsa møgu­leikanum, at hann var stungin til fjals. Eydna: – Tað var ómetaliga dátt at fáa deyðsboðini um Jens Paula, sum vit hava kent heilt frá barnaárum. Øll bygd­in syrgdi teir báðar. Vit vónaðu sjálvandi, at Rani kanska kundi sita undir ein­um steini, ella at hann var farin í eitt úthús at seta seg, men tann vónin var nokk meira ynskitankar enn nakað annað. Vit bíðaðu og bíðaðu; tað fór at skýma, og vónin um at finna Rana svann. Myrkt varð og eingin Rani var funnin hendan fyrsta leit­ingar­dagin. Endaleys leitan Eydna minnist dagarnar eftir vanlukkuna ræðuliga tungar. Tann størsti óttin var, at Rani var farin við streyminum til havs: – Telefonin hjá Rana slókn­aði klokkan 06.36, og ikki fyrr enn umleið klokkan 10.30 vóru teir fyrstu kav­ arar­nir komnir norður. Oyndar­fjørður er djúpur, og streymur er eisini inni á fjørð­inum, og heilt nógv rák er úti á Djúpinum. Tann óttin bara vaks, tá Ågot dró gørn­ ini, ið teir høvdu sett tvørtur um fjørðin, tey høvdu staðið eitt samdøgur á fjørðinum, og tað sum var í gørnunum var á innsíðuni, tvs at tað rekur úteftur botninum. At bíða eftir boðunum um at fáa eitt lík aftur, og so tann óttin, at leitingin skuldi steðga, var ringt, minnist Eydna. – Og leitingin steðgaði, utt­an at vit fingu boð um tað frá politinum. Tað var ein greið avtala um, at vit skuldu halda okkum við hús ímeðan leitingin gekk fyri seg, fyri ikki at for­stýra, og at vit skuldu fáa upp­lýs­ingar um, hvussu gekst frá politi­ num. Men longu aftan á tveir dagar gavst poiltiið við leit­ ingini, og bjargingar­skipini fóru av fjørð­inum, uttan at vit fingu boð um tað. Tað var ræðu­liga tungt at síggja, at bjargingar­skip lá við kaj á Skála, sam­stundis sum sjálv­ boðin leit­aðu døgnið á tamb. Hví skuldi bjargingar­skip liggja svína­bundið á Skála? Kundu teir ikki tað sama ligið uppankraðir á Oyndarfirði og leita við MOB-bátinum, sam­an við hinum? spyr Rúni. Rúni sigur frá, at dagin eftir varð aftur leitað við full­ari styrki: – Vit vónaðu sjálvandi inni­liga, at Rani skuldi verða funn­in. Øll verju­skipini vóru á fjørð­inum, tyrlur, bjargingar­bátar, nógvir kavarar og ein ør­grynna av sjálv­bodnum fólki. Men aftur hendan dagin fór at skýma, og tað varð myrkt, uttan at Rani varð funnin, og enn ein nátt í vón­loysi bíð­aði okk­um. Eitt fugla­net frá ali­brúk­inum varð spent fyri gjónna, so at hann ikki skuldi reka út haðani, um so var, at hann var har. Ymiskt varð funnið inni í holuni, so sum pengar og undirbuksur hjá Rana, og ikki bar til hjá frosk­monnun­um at leita so gjølla orsakað av súginum, ið var har, so tað var kanska eitt tekin um, at hann var har onku­staðni. Ali­brúkið var ein stór hjálp í leitingini, og tað var eisini har, kommando­ sentralurin var. Sigast kann, at Marine Harvest eigur ein stóran lut í, at tað eydnaðist at finna Rana aftur, heldur Rúni. Gleði í sorgini – Dagarnir gingu, og eingin Rani varð funnin. Vit vóru til jarðarferð hjá Jens Paula, og tað var næstan sum at vera til jarðarferðina hjá Rana, tí møguleikin fyri at Rani skuldi verða funnin bara mink­aði, men so leingi sum leit­að var, livdu vit í vón­ ini. Tað er ein ring støða. At missa eitt barn er ófatiliga ringt, men ikki at fáa jarðað barn­ið er upp aftur verri, so vit høvdu nógvar tankar tí við­víkjandi, greiðir Eydna frá. Leygardagin 4. januar 2014 varð Rani funnin í Rættar­ gjógv, bert fáar metrar frá ferðsluvanlukkan Í Oyndarfirði Eydna og Rúni í Billustovu við Rættargjógv, har Rani og Jens Pauli doyðu. Eydna starvast sum lærari á Hárfríðkanardeildini í Tekniska skúla í Havn og sum hárfríðkanarkvinna á Skála, meðan Rúni siglur úti sum maskinmeistari hjá Solstad Mynd: Álvur Haraldsen Ongantíð hevur verið neyðugt at skeldað ella hótt við nøkrum, og vit kendu okk­um veru­liga sannførd um, at Rani hevði skilt álvar­an í at koyra ávirkaður og koyra ov skjótt Mynd: Privat ...framhald á síðu 8